¹ Tchi atchuna kokafalanau, tchi papita ovhitenha, atewa okutia É nkhu ukondjuvho. ² Ya pae, ovhengi vheliongezheako, ya nkhu kutupu vhali ohitilo, hinde nopombondi, ya Yesu nkhu uvhehela ondaka. ³ Vhamu avheya ku Yesu okumuetea omuzhiu umu nkhu hemetchizhili okuenda; ovhanthu vhakuana nkhu vhemutchinda. ⁴ Ya ovho nkhu kavhetchizhili ofueena Kué mokonda yovhanthu ovhengi. ya avhaifhapo ochinco po uhunga ya pua nkhu pena Yesu, pae tchi paninga emphana avhapundifha ohama ku nkhu kualapo omuzhiu engu nkhu hemetchizhili okuenda. ⁵ Tchamuna ekolelo lhavho, Yesu ahele umuzhiu engu nkhu he metchizhili okuenda atia: Ndele, oyopekalo zhoé zhaevhelua. ⁶ Ya pae puenha nkhu kuno yokilipa zhimu ozho vhilizhilika vhatonkhama nkhu mavhelipopilie mombungo: ⁷ Ongapi omuzhiu engu nge mapopi ngatcho? É kahumbeé Huku! Oiwa nge mavhele oyopekalo heli Huku? ⁸ Mondjangayatcho, Yesu, tchetchivha ko mphepo Yae imbi poluavho nkhu mavhatutu, atia: mamututetchi ngatcho moyombungo zheni? ⁹ Otchitchi tchi tchapuvhako okupopea komuzhiu engu hemetchili okuenda: " Oyopekalo zhoé zhaévhelua" ine mitia: Kulama, kuata otchiyalo tchoé fhimbika okuenda? ¹⁰ Pae mutchivha okutia Ondeyo Muzhiu unó oyonkhono kohi ozho okuevhela oyopekalo, É ahele iñgua nkhu hemetchizhili okuenda: ¹¹ Ami miku hele: Kulama, kuata otchiiyalo tchoé ya enda okundjuwo yoé. ¹² É akulama ya mondjanga yatcho akuata otchiyalo tchae ya alumu mondjuvho kumutué vhovhengi, ya avhaombo vhahakuka ya avhahilivhike oumbala ku Huku ya avhatia: Otue otchipuka ngatcho katuyetchina. ¹³ É nkhe alupo vhali aende otchikolo tchelunga, ya ovhanthu vhatcho avhehe nkhu vheya kué, ya É otcho meyelongefha. ¹⁴ Ponkhando yapua nkhu mapiti, amunu Livhi, ondeya Ufeu, nkhu akankhama polukalo luapua patanthuá elichimu, ya atia; Nthezhange, É akulama ya atezha Yesu. ¹⁵ Monkhando yapua Yesu nkhu ukomecha kondjuwo ya Levhi, ovhengi ovhatanthi vhelichimu ya novhoyopekalo nkhu mavhali na Yesu ya novhalongua vhaé, mokonda nkhu ovhengi omba nkhu vhemutezha. ¹⁶ Pae oyokilipa noyo falicheu tchivhamuna okutia Yesu nkhu mali novhanthu aningi vhanvhi ya navhatanthi yelichimu, avhapopi kavhalongua vhaé: Ongapi Yesu mali novha tanthi vhelichimu ya novhaningi vhanavhi? ¹⁷ Pae Yesu tchitea tcho, evhehele okutia: ovhanthu omba vhehulilua no vhimbanda ombenha mavhavhele; hambenha vhakanavha. Ami hizheé okuifhana omba vhafhuapo, mbeya okuifhana ombenha vhenoyepekalo. ¹⁸ Ovhalongua vha Ndjoau noyo falicheu nkhu mavhaningi ochechu. Akuya vhamu avhatia: ongapi ovhalogua vha Ndjoau ya novhalongua vhoyofalicheu mavhaningi ochechu, ya ovhalongua vhoe kavhaningi ochechu? ¹⁹ Yesu evhehele okutia: vhapondola avhehe ovhakongua vhokotchipito okuninga ochechu nkhando omutuinhi heyeya? nkhando nkhe vheno omutuinhi, ovho nge kavhaningi ochechu. ²⁰ Ya makukeya ovhitenha vhiapua mavhakaifhua omutuinhi ya, ovhitenha vhiatcho embeo, ovho makaninga ochechu. ²¹ Kutupu engu nge matambula okanhambi okape apapeke potchinhambi otchikulu; pó okanhambi, makakatandula otchinhambi otchikulu, ya emphana malikailako vhali unene. ²² Kutupu omuzhiu nge mapaka ovhalende potchima tchi tchakulupa; ngaele pua tcho etchininga, ovhalende mupe maukapomba ovhipa, ya novhalende no tchima aukelivhomba. putcho, upakuá kovhima ovhipe. ²³ Ya paé, otchitenha tchimu otchachapalo, Yesu nkhu tcho mapitie kovhikunua vhimu, Ovhalongua vhaé afhimbike okuikula oyondjila, okuteya umitue yotiliku indji enomihema. ²⁴ Ya oyofalicheu avhatia: Tala, palatchi mavhaningi ovhipuka embi havhiningua motchachalo? ²⁵ É atia: kamuyetchitanga tcheinha Ndiavhiti aninga tchi nkhu ehulilua natcho ya nondjala, é novhazhiu omba nkhu vhepamu? ²⁶ Ngatchi é ahita kondjuvho ya Huku tchi Ambiatale nkhu eli omutuita avhalela ya ali ombolo nkhu yapakua komecha yovholu oyomovhingelecha, endji nkhu hailua pé namunthu kualukele, nkhu eli pé ozhovhatuita; ya é apawo embenha nkhu vhepamu? ²⁷ Yesu atia: Otchachapalo nkhu yaniguá opaé omuzhiu, ya hamuzhiu ininguá otchapalo. ²⁸ Pae, Ondeyo Muzhiu Otate Kulu té motchachapalo.