¹ Endji ondaka ombua oyokufhimbika owa Yesu Clistu o Ndeya Huku. ² Ngatchi tchahonikua metikula lho mutuminua Ichaiya: Aámi engo kó mitumu ongamba Yange Kotchipala tchoe, entcho yatcho maikavhiukifha nawa ondjila yoé. ³ Ondaka ya umu, kuifhanea me handja: vhiukifheni ondjila ya Tate Kulu, ningeñmi nawa Ondjila Ya Tate Kulu. ⁴ Ndjau weya okuyavheka me handja nokupopia okuyavhama kokulivhela vhavhelue koyopekalo. ⁵ Otchilongo tchatcho atchihe otchoko Chundeya, ya avhehe ovhokuká kochelule vhezhile kué. Ovho nkhu vhayavhekua naé komphupa Chortá, okuliholola oyopekalo zhavho. ⁶ Ndjoau nkhu uwala ovhipa vhio vhikamelu, nkhu enekuamu otchipa lhatchamika ombambo lhae nkhu ulha ovhipafhipafhi ya no utchi vhomokuti. ⁷ É nkhu upopia okutia: " Kuna engo mekeya ketakolhange, é una vhali oyonkhono tchapona ami, ya aami hitokale okunhongama ndjimuifhe oyonkhaku Zhae. ⁸ Ami mbe muyavheka no mande, É meke muyavheka no Mphepo Endji Yafuapo. ⁹ Atchiningua Povhitenha vhiatcho embio, Yesu walua Konachale yo Kongalileia, ya akayavhekua na Ndjoau komphupa ya Chortau. ¹⁰ Yesu tchalua momande, É amunu eulu malili ikula ya Omphepo aipundu Namué ngo pomba. ¹¹ Ya keulu akulu nondaka: Ovhe Undeyange engo ndjihanda unene. Ndjine ehambo engi naovhe. ¹² Ya pae É Omphepo mandjangayatcho aimutuá kehandja. ¹³ É aká me handja omala omakuinhi akuana, otcho malolua ne lhapu. É nkhu uno vhinhama vhiomokuti, ya É oyoandju nkhu zhimulechalela. ¹⁴ Pae Ndjoau tchahita mokaleya, Yesu eya té Kongalileya, okupopia ondaka ombua oya Huku, ¹⁵ Okutia: ovhitenha vhiavhilikifhua, ya oumbala wa Huku upepei. Livhelini ya tavhelini kondaka ombua. ¹⁶ Pokuendea pamu kelunga lho Kongalileya, É amunu Chimau na Andele, omuango wa Chimau, mavhayumbu owanda melunga, nkhu ovhalovhi. ¹⁷ Yesu atia: Indjeñmi, Nthezhangeni, ya Ami mikemuninga owalovhi wovhanthu. ¹⁸ Mondjangayatcho avhayeka omawanda ya avhemutezha. ¹⁹ Ya Yesu, tchiandepo vhali okañphiki, amunu Tiaku ondeya Chembendeu, na Ndjoau, omuango waé; ovho nkhu vhemo mbaluku mavhayiukaiifha omavhanda. ²⁰ Ya evheifhana, ya ovho avhayekapo hé yavho, Chembebdeu, novhatalavhai vhaé mo mbaluku ya Avhemutezha. ²¹ Avhahiti Kokafalanau , ya motchachapalo Yesu ahiti kochinangonga ya otcho malongefha. ²² Ovho nkhu vhaka vhahuvha natchi É nkhu evhalongefha, mokonda É nkhu uvhelongefha ngaingo nkhu enoyonkhono ya nkhu kakalé ngoyokilipa. ²³ Ya poeinha kochingonga, nkhu kuno muzhiu umu nkhu uno omphepo oyombi engu elikanaina okutia: ²⁴ Yesu yoKonachale otchitchi tchi otue tunatcho naowe? vheya okututungulula? ami ndjikui. oovhe engu Wafuapo ovha Huku. ²⁵ Yesu akanaine elhapu ya atia: Nhimapo ya mué luamu. ²⁶ Ya omphepo ombi aimuyumbu pohi ya mue ailumu akuena unene. ²⁷ Ovhanthu avhehe nkhu vhahakuka ya avhelipulé poluavho: Tcho otchitchi? Okulongua kumu okupe okoyonkhono? É utimina hende noyomphepo oyombi, ya ozho zhimutea. ²⁸ Mondjangayatcho pó, ondaka vhiovhipuka embio nkhu aninga ailiwayalé ko tchilongo tchatcho atchihe otcho ko Ngalileya. ²⁹ Pae tchi vhalua kochinangonga, avhande kondjuwo ya Chimau na Andele, na Tiaku na Ndjoau. ³⁰ Inaevhi ya Chimau wavhafhua momala akekama nelema. Ya ovho avhemuhe ku Yesu. ³¹ Ya É eya, emukuata mokuvhoko ya akulama; elema alimuyeka, ya é afhimbike kumulechalela. ³² Pae tchi kuatukovhela, etango tchi lhahita, ovho Avhemuete avhehe omba nkhu omauvhela elikalaela. ³³ Ovhanthu vhotchilingo tchatcho atchihe avheliongezhe pombondi. ³⁴ É ahakula ovhengi omba nkhu vhenomalema vhakekama novhipuka ovhingi, ya aifhamu oyomphepo oyongi oyombi. Oyomphepo oyombi ehemezhikele zhipopie, mokonda ozho Yesu nkhu vhemui. ³⁵ Yesu apitunduka komuhuka omunene, nkhu hakuyatcha; alupo, andé kohika imu ku nge nkhu makaka peke ya kó elikuambele. ³⁶ Chimau ya naombenha nkhu Vhepamu avhekemuyewa. ³⁷ Ovho avhekemuvhafha ya avhemuhele okutia: Avhehe mavhayevhe óvhe. ³⁸ Yesu evhele okutia: tuendeni koyohikazhimu vhali, kovhilongo embi vhielipalakana na puenu, nako ndjikevhelonge. Tcho otcho mbeya okuninga mounu. ³⁹ É aende kongalileya yatcho aihe okuvhelongea koyo Chinangonga zhawo ya no kuifhanu oyomphepo oyombi. ⁴⁰ Umu engu nkhu eno ouvhela vhotchilundu eya Kue eliheke akekea koyongolo. é apopi ku Yesu okutia: Ovhe ngo wahánda, upondola okumphoona. ⁴¹ Tchatcha onkhenda, Yesu aónhonuna okuvhoko kue ya emuvhizha, atia: Ami mbahanda. uyele. ⁴² Mondjangayatcho otchilundu atchimuyeka, ya é ayele. ⁴³ Yesu emuhele lumu nawa atia enda, ⁴⁴ atia: Tatupu, nge huketchipopia kovhanthu, ya enda kamunike kovhatuita ya vhilikifha kokuyela koe tcheinha Moichechi atumineé, ngoumbangi kuvho. ⁴⁵ Ya é akapita ya afhimbike okuvhehela avhehe ya okuvhayaleka ondaka, otcho kutia hinde Yesu pokuhita movhilongo vhimu vhali ahamahiti nawa mokonda yovhanthu. É hinde nkhu uno lho kuka koyohika zhimu peke, ya nangatcho kaya ovhanthu nkhu vheya Kué koyohika zhatcho azhihe.