¹ Etikula lho nthuko lha Yechu Kilichitu, Ondeya Ndiavhiti, Onde ya Mbalayau. ² Amdalayau nkhu óhe ya Ichaki, Ichaki, nkhu óhe ya Chakó; Chakó, nkhu óhe ya Yunda ya no vhanguvhae; ³ Yunda nkhu óhe ya Falé na Chalá, vhalua mu Tamale. Falé nkhu óhe ya Chilome; Chilome nkhu óhe ya Alau; ⁴ Alau nkhu óhe ya Aminandambe; hé ya Nachome; Nachome, nhu óhe ya Chamome; ⁵ Chamome nkhu óhe ya Mbowa, vhalua mu Lambi; Mbowa hé ya Ombende, Vhalua mu Luti; Ombance, nkhu óhe ya Ndjeche, ya ⁶ Ndjeeche óhe ya Ndjiavhiti ohamba. Ndjiavhiti nkhu óhe ya Chalomau, alua mo mukai wa Úlia. ⁷ Chalomau nkhu óhe ya Lombawau; he ya Ambia, Ambia, he ya Hacha. ⁸ Hacha he ya Ndjochafa; Ndjochafa nkhu óhe ya Ndjolau, ya Cholau nkhu omukulu wa Ochiya. ⁹ Ochiya nkhu óhe ya Ndjotau; Ndjotau, he ya Kachi; Kachi he ya Chekiaya; ¹⁰ Chekiya nkhu óhe ya Manache, Manache óhe ya Amu; Amu óhe ya Ndjichiya, ye ¹¹ Ndjochiya nkhu amukulu wa Ndjekonia novhangu vhae, tchi tualua Kombambilonia. ¹² Ya pae tchivhatchindua kombambilonia, Ndjekonia nkhu óhe ya Chalatiele; Chalatiele, nkhu omukulu wa Cholombale; ¹³ Cholombale, nkhu óhe ya ambiyunde; Ambiyunde, he ya Eliyaki; Eliyaki, he ya Achole; ¹⁴ Achole nkhu óhe ya chandoki; Chondoki, he ya Akim; Akim, he ya Eliyunde; ¹⁵ Eliyunde nkhu óhe ya Elechale, he ya Matá; Matá, he ya Ndjakó, ¹⁶ ya Ndjakó nkhu óhe ya Chusé, omuzhiu wamliya, engo ayomuka Yesu, engua vhemuífhana okuia Clistu. ¹⁷ Omihoko avhihe vhia Ambalayau té ku Ndiavhiti, nkhu vhene ekuinhi nó mihoko vhikuana; okuifhilila pu Ndiavhiti té pokutchindua kombambilonia, nku omihoko ekuinhi navhikuana; ya pokutualua kombambilonia té ku Clistu, nkhu omihoko ekuinhi na vhakuna. ¹⁸ Okutchitua kua Yesu Clistu kuaende ngatchi: Maliya, ina Ya Yesu, nkhu omutuinha kazhona wa Chuse, nkhu havheyelikupa, é ekelimuna eli otchinangamea apakua nó Mphepo entchi Yafuapo. ¹⁹ Omuzhiu wae Chuse, nkhu omunthu afuapo, ya tchi nkhu hahande okumuhólola móvhengi, mombungo yae atutu okulovhola omutuinha kazhona vhuaé. ²⁰ Monkhando yo kututa ovhipuka embio, akumunika ó andju ya Tate Kulu kué kondjozhiyae okutia: Chuse onde ya Ndiavhiti, hopatana okutambula Maliya ngo mukaiwoe, mokonda eyumu endi enalho, wapewa no Mphepo endji ya Fuapo. ²¹ É makayomuka ondele ya ówe, mukemuluka ena lha Yesu, mokonda É makayovhola avhanthu Vhae koyopekalo zhawo muni. ²² Atchihe tcho tchiningililua okutia opo tumuneko tchi tchapopiwé na Tate kulu mokonda yomutuminua: " ²³ Tala engo heyala na muzhiu makaila otchinangamea ya makayomuka ondele, ya makatiwa Manuele, tcho tchapopia okutia 'Huku una otue." ²⁴ Chuse tcha pinduka molupotchui, aningi tchi oandju ya Tate Kulu nkhu yemutumina ya pae emutambula ngo mukaiwae. ²⁵ Ya é otcho nkhu hemuím povhiyalo, hinde té ayomuka ondele, ya emuluku ena lha Yesu.