¹ Chunda omutalavhai wa Yesu Clistu omuango watiaku, omba vhaifhanua Yesu Clistu. ² Ya onkhenda , ombembua no tchihando nga vhiliwanakane monue . ³ Avhahandua ami tchinkhumilikuatefgele okumuhonila kotchikolo tche yowo, ku tupamu nkhu ndjino olhokulitavhela naonue okumulunda opomu talavhaya me kolelo limu apephe, tchapewa ovhavhiukefhi. ⁴ Ya ovhanthu vhamu avhahita pé pokati kovhalechali hama vhavhichala kuo muni omba ovhanthu ombenha okunguka kuawo nkhu kuahonikua kulukulu, ovhanthu oyondinga vhivhi, omba vhapengefha ongolui ta Huku yetu ya vhatchuna kokuninga ombalefhe okulilapu ya ahamavhatavhele Omulongefhi Tate Kulu yetu muni Yesu Clistu. ⁵ Pahe ndji no lho kumunongonukifha nangatchi muetchia atchihe tcho, okutia Tate Kulu vhayola ovhanthu, okuvheifha kotchilongo tcho Engitu tchala pó atungulula oma nkhu havhatavhele. ⁶ Oyo andju tchi hazhininge tchi Huku nkhu evhepangela avhalowola motchilongo tchi nkhuvhakala, Huku vhevheombekea me melhenge endi hamalipu me tuike kokuyefhua kotchitenha tchinene. ⁷ Ngatchi tchafha ochondoma no ngomola, no vhilongo vhio ponthe vhiavhio omba nkhu vheno yopekalo zhokulilapo okutezha oyoholo ombi kontchitilo, avha pakua kokuheteka, kumuna ohali yo kuzhingulula no mulilo ombo haupu. ⁸ Ngatchi tchafha ko vhazhiu omba vhatopeka omalutu avho mo kulota kuavho, kavhatavhele konkhala mutue vhawo, okupopia nomatuka moyo andju. ⁹ Ngo andju Mingeli, nkhu yelipaka kokulinana olutu lua Moichechi, ahama popi naé omalaka okungula pamu no kutukana, putcho vhapopia tcheinha Tate Kulu hahanda. ¹⁰ Putcho ovhanthu ombo vhatukana tchenha havhei, ya tcheinha vhatea no kuhanunuka, ngo vhipako embee havhitutu kovhipuka nga embio vhitungululua. ¹¹ Kakeleka ombenha vhandea moyondjila zha Caí, vheliumba motchiwi tcha Mbalaya nokuninga otchipulu okutakea moupenda vha Colé. ¹² Ovhanthu ombo otcho ngoyombua embee zhaholama kotchipito tcho tchihando. ovho vhazhana otcho havhetchi okukoyevhafhua okulilifha poluavho muni, omakaka haena omaende, eyulifhua no mphepo, omiti havhina ounhango, kutchua tuvhali, okutukulua komizhi. ¹³ Omatchimba omavhi ómelunga, kulietela onthutu ohomiyawo, onthungulu yotchivhi,kue embio etuiki lha nkolekua okuha kakako te kolukulu. ¹⁴ Nangatchi ovhanthu omba, Inoke onvhe owepanduvhali mundjila motchimbiula tchimu na Andau, atutu okupopia: taleni Tate Kulu ingo meya ne kuinhi lho vhavhiokifhi. ¹⁵ Okuninga okukoyefha ko vhanthu vhatcho avhehe ya okuvhezhila avhehe oyondinga vhivhi kovhininga vhiawo avhihe ovhio kuhaninga nkhenda, embie vhaninga ovhivhi na embie avhihe vhiakola, na embie vhafhimba Kué. ¹⁶ Ovhanthu omba avhambi, vheliyekea koholo zhoyopekalo, vhakenguengelela vhelipakako no kukemba ovhanthu vhamu okuningia okutia vhapiteko. ¹⁷ Ya paé onue vhahandua nongonukeni oyondaka emmea zhapopia koluku novhangua vha Tate Kulu yetu Yesu Clistu. ¹⁸ Ovho vhemuhela: kovhitenha vhiokufhinina, makuká okukuelefha omba makandea moyohola zhavho oyombi. ¹⁹ Ovhanthu omba ovhoyatcho makaeta okuliapuluka; ovho tchivhi ya kavhanige Omphepo endji Yafuapo. ²⁰ Onue pae ovhahandua, likolefheleni kokufuapo mekolelo okulikuambela ko Mphepo endji yafuapo. ²¹ Liholekeni motchihando tcha Huku, okukevhelela onkhenda oya Tate Kulu yetu Yesu Clistu komuhu ombo haupo. ²² Ningemee oluembea luaómbenha mavhapatana. ²³ Ya vhemu yowoleni okuvhehuhukulula ko mulilo, novha kueni, vho ningeni onkhenda no kuhumba, okuhahanda no vhikutu embe vhia chilia kolutu. ²⁴ Ya enguinha nge mazhili okumuifha mo kuliputala ya lipakeni me fhina lho Umbala wae no tchiundo tchimu, nehambu enene. ²⁵ Kumu pé Huku Ondjowoli wetu, mokonda ya Yesu Clistu Tate Kulu yetu, ngau kaekó oumbala , ouhamba ngau kakaeko okuifhilila pahe te kulukulu. Ewa.