¹ Paulu omulongua wa Yesuu Cistu koholo ya Huku nokoya Timotio omuangu wetu, ² kovafuifhipo novaviukifhi ovangu ku Clistu omba vekokolocho. Ngahaele onue, nombembua kotchivei tcha Huku Tate Yetu ³ olupandu oku Huku Hé ya Tate Kulu Yetu Yesu, ya apahe tulikuambelea onue. ⁴ Otue tuatea ekolelo lheni mo Yesu Clistu ya notchihando tchi munatcho novafuifhipo vatcho avehe owa Huku, ⁵ mokonda yekolelo endi lhaholekelua onue keulu. Onue poupe muatele ekevelo endeo olho ndaka yatchatchili, ⁶ endji yefhika konue. Tchi matchieta elaó endi malihanduka mouye watcho auhe ya namonue okuifhilila metango eniã muatele nokutchiva onkhenda ya tchatchili, ⁷ Endji ondaka endji mualongoka na Epafala omuhandua wetu omutalavai epangalhetu engu eli omuviukifhi omupopi wa Clistu, kouwa wetu. ⁸ É etuhela otchihando tchetu koMphepo. ⁹ Pouhunga watcho, naotue potchitenha tcheinha nkhe tuatele, katukapoyole kaya kokulikuambela nokukumba opó oholo Yae Kounongo Wae auhe nokutea koMphepo. ¹⁰ Otue tulikuambelea okutia muende nawa mo Tate Kulu, tchi nge matchilemuifha Tate Kulu Okundapa nawa mukule nounongo wa Huku. ¹¹ Tulikuambelea okutia opó muómbe muatakamifha koyonkhono zhatcho azhihe, koyonkhono zhoumbala ku uka nombili. ¹² Tulikuambelea kutia mupandule ku Tate nehambo, engu emukoleka mutambule otchevei tchepinga lhovafuifhipo kotchitemii. ¹³ Yesu wetuhukulula moyonkhono zhotchivei ya etueta nokoumbala wondeyae omuhandua. ¹⁴ Engu etuhukulula, tcho otchi, okuvelua kovivi. ¹⁵ Yesu otchifhefha tcha Huku engu hamunika otchivali tchovipuka viatcho avihe. ¹⁶ Pae Mue ovipuka avihe viatungua ngaile oviopeulu ngaile oviopohi embi vimunua naimbi havimunua; ngaile kotchipundi tchavalela pamu okoyonkhono; ngaile omutumini pamu okoyonkhono ovipuka Viae Kue. ¹⁷ É é atenga kovipuka viatcho avihe ya ovipuka viatcho Mue avikaka. ¹⁸ É mutue wolutu tchie eli ongelecha É eli omufhimbiki otchiveli komba vatchua; pae éénotchivei kovipuka viatcho avihe. ¹⁹ Wahambukifha Huku omukalo wae auhe Mue kokukamu, ²⁰ ya etchiningele ombembua komulai kekuluchu Lhae mokonda Yae okulitchama muni ovipika viatcho avihe ngaile pohi ngaile keulu. ²¹ Ya naonue poupe nkhu kamuiwe na Huku ya nkhu muvita viae pokututa kuemii nokovininga vieni ovivi. ²² Pae pahe wemutchumaa kolutu luónhama Yae kokutchua Kuae mumunike ngavafuifhipo hamunavali otchituhi nge hamamuevelua vali Kue. ²³ ngamukakako mekolelo otchizhike ya nokukulama ahamamuifhua kondaka endji muatea endji yapopiwa kovipuka viatcho avihe embi vikohi vieulu. Ondaka endji ami Paulu mbaila omupopi wondaka. ²⁴ Pahe ndjilemua noyohali zhange konue okufuapo, kolutu luange otchicthi tchakambefhapo noyohali zha Clistu kolutu Luae tchi eli ongelecha. ²⁵ Tchi otchingelecha pua mipopile oumbamgi ombo mbatambula ku Huku tchi mbaomiikua kotchiwa tchemii mukumbilile ondaka ya Huku. ²⁶ Tchei okupopia okulinphengemiika nkhe komanima ya nokomihoko, ²⁷ ku Huku nkhu ahanda okuivifha oulombe woumbala wokupopia movipunde tcho otchi, Clistu monue kekevelo moumbala. ²⁸ Ingu óClistu engu tuhepaula. Otue tualondola avehe okulongefha ounongo watcho auhe; opó tuvevilikifhe okuafuapo ku Clistu. ²⁹ Putcho, ami ndjilikuatefhela ya ndjilua noyonkhono Zhae embii zhimuami unene.