¹ Mundapi nkhelo ngayo, engo ndjihanda tchatchili. ² Nkhelo, pangalhange ndjikumbakumba ku Huku, okutia atchihe tchikaenawa kovhe, atchihe tchikae nekongoko, ngatchi wakanawa komphepo. ³ Mbalemua unene tchi mbatea okutea ovhanguvhetu vheya avhentchele okutia ovhe wafuapo tchatchili ngatchi napahe uká motchatchili. ⁴ Kutupuali tchitchindemifha tchamona okutea ukatia oyandevhange vhandeá motchatchili. ⁵ Nkhelo panga lhange ovhe fuapo kutcheinha uninga kovhangu vhué, napua vheli owokokuti. ⁶ Owo vahetchihepaula kotchingelecha tcha mounu tchi vhahumba otchihando tchoé. alikana, popila ovhanthu omba vhatuaéko kuninga tchi nge matchilemifha Huku. ⁷ Owo Vhafhimbika okuenda kovhininga vhya Clistu hamavhatevhele kopopilua no vhanthu ombenha nkhu havhatavhele ku Huku. ⁸ Ya otue ovha Huku, tuno olho kupopila ovhanthu ombo, pó ngatcho tupondola kuka pamu kovhininga vhiopopia ondaka ya tchatchili. ⁹ Ami mbahonikee o mukanda omuphiki kotchingelecha, ovho Diótrefes engo a handa okuila o mutumini kahande kutelela tchenha ami mbapopia. ¹⁰ Ami ngombe fhika kó, ya miya komuhela kutcheinha atchihe aninga; ovhipuka ovhivhi apopia moutue netutu endi ahepula. é po kalemua pokuninga, ovhango vhue nge vhefhika pó kevhetambula pua umu handa kuvhetambula hinde uvhetata motchingelecha. ¹¹ Nkhelo pangalhange Ngaio, hetekela tchi elitchiwa hohetekele otchivhi engo ninga otchiwa o Huku, engo haningi tchiwa keya muna Huku. ¹² Avhehe vhapopia nawa Ndemetiu, otchatchili tchatcho tchimupia nawa. naótue tumu popia nawa ya tuehumba, nouvhe utchi okutia tchi tuapopia otchatchili. ¹³ Ndjinovhipuka vhingi embe mbanda kumuhela, ya hihande kuninga tcho komukanda. ¹⁴ Mikeyelele ndjimumune zhiwa ya tuhepule pamu. ¹⁵ Ombembua ngaiká naónue omapangavhe vhatia hakupula komanawo ko mana omana omapangange.