¹ Nkatchi owatuminua ovhakembi vhanika mo vhanthu, no onvhalongefhi vhakembi nawo mawo mavhakamunika pokatikeni. ² Ovho mawekemulongefha ondaka oyokutungulula ovhanthu ya mavhakapana Tate kulu engo evhepopila, okulitungulula mondjanga ovho muni. Ovhengi mavhatezha o tchituvho tcho umbalefhe, ya pokativho ondjila yatchatchili pokativho mavhakapopia navhi ondjila yatchatchili. ³ Memunalhae lhoyombongo, ovhalongefhi avhakembi mavhemufunu okupopia ovhitola vhetutu. ya penovhitenha omukeyefhi malondoka ya omutungululi wawo wapindukapo. ⁴ Ya embeo nkhú zhazha otchivhi, Huku ehe mezhevhele, evheyumbo momulilo ya evheyeka ngonkhuatua Vhakutua nelhenge metuiki, wa kevhele otchitenha tchomphela. ⁵ Huku kavhele ouye mukulu, ya aeta amandunde mouye, ombankhuvha chikile na Huku. wayovhole pé Noé, engo nkhu apopia okutia amuhe kumbilileni Huku. ya Huku naé woyovholavhali ovhanthu omapandu avhali. ⁶ Huku vhangula tchilongo Chondoma, Ngomola etungulula nomulilo, ya tcho tchapopia kutia omba havhachukue nae nawo otcho makaningua. ⁷ Ya He vhayowola Ló, o muzhiu omuwa, engo nkhu ehulilua mokonda nkhuwí otchituwo tchaombenha nkhu vhaninga ovhivhi. ⁸ Ovhitenha vhiatcho avhihe omuzhiu engo omuwa, engo nkhu aká pokatikawo, nkhulilua unene okumuna no kutea ovhipuka vhivhi embinha ovhanthu nkhu vhaninga. ⁹ Avhihe embio vhituvhilikifha kutia Tate kulu otchi tchi nge metunkhukulula kokukhulilua ovhanthu ombenha vheli ovhae na pó utchi tchi nge metuamine kohi vhovhivhi motchitenha tcho nphela. ¹⁰ Tchatchili tcho tchavhalela kombo havhayekako kokuvhaka noholo yo lutu nokutoya ovhatumini. ya ovho vhelipakako, nohomee vhetupu vhapopia navhi ovhipuka vhio keulu. ¹¹ Oyo andju, owolho zhinoyonkho zhapitako, nge kazhivhanga kovhanigi vhanavhi ponthe ya Tate Kulu. ¹² Ya omba, vhaka ngovhinhama embi havhitupo vhiamalakalua ohika yo kaleya no kutungulula. ovho kavhetchi tchitukana kovhaka ya makatungululua. ¹³ Ya mavhakatambula ofheto zho yopekalo zhawo. ovho vhatuta okutia o umbalefhe okuninga komutenha otchiwa, waka ngo nkhoko, ya vhelizhima kokulikelimba kuawo otcho vhakankhama komecha imu naotue. ¹⁴ Ovho vhenomiho eyula tchivhi, tcho havheyakamba ko yopekalo zhawo, vhavhilikifha kotchivhi ovhanthu ovhafhona, ya wenoyombungo zhetchuka okulipakako; oyonde wo tchivhi. ¹⁵ Owo vhalowola ondjila ombua, vhatezha ondjila ya Mbala, ondeya Mbeule, engo ahanda ofhento endji haifhuepó. ¹⁶ Ya é watatambula ofheto yovhivhi zhoyo pekalo zhae muni; ouye wovhinhama no mutchindo, okupopia nondaka yovhanthu, watchalika malunge omutuminua. ¹⁷ Omba yatcho vhaká ngoyo ndjivhindjivhi hazhina mande, ngo makaka onga hakako nkhando. ovhituiki ovhingi vhiaholekua wo. ¹⁸ Vhapopia pé no malikanaina, wakengelela owanthu pokati noumbalefhe wokolutu ya vhavhilikifha omba walola okuhupa kombenha waka motchivhi. ¹⁹ Uwepangeá eyowo, ya owo muni awapika wokulipumako, ya otchoweli owapika waignua atumina. ²⁰ Oma wahomboka kokulipumapo ko mouye mokonda yo kuíwa Tate Kulu Omuyowoli Yesu Clistu, awatchunapo wali okulipumapo, otchivhi matchikapitako tchopoma kokufhimbika. ²¹ Nkhu otchiwa owo ukuheivha ondjila ya tchatchili tchapona okuivha ya tchiwaluapo oipake etanmbo amatuminua afhuapo onga nkhu wapewa. ²² Omuheti umbo owatchatchili kuwo:" ombona imu yatchuna po handjoyayo"; ya ongulu endji yakofua itchuna oku langata monthata."