¹ Vhahandua, hamutavhele koyomphepopé loleni oyomphepo mutale okutia ozho zhalua na Huku mokonda ayonkhembi, ovhatuminua ovhengi zhawayala nouye. ² Pokatikatchó zhimbukenipo Omphepo ya Huku: oyomphepo zhatcho azhihe embeo zhipopia okitia Yesu Clistu wayomukua ngomunthu ozho o Huku. ³ oyomphepo emea hazhipopi okutia Yesu ondeya Huku, oyotchita tcha Huku. endji mutea okutia maiya pahe, imouye. ⁴ Yonkhelo, onué muvha Huku ya muapikulula owatumua ayonkhembi, mokonda enguinha emué o munene tctapona kuémbi vhimouye. ⁵ Yomphepo emea ozhomouye tchi zhipopia otcho mouye ya ouye, uetea. ⁶ Otue tuvha Huku, enguinha hei Huku ututea, engo heliwa Huku ketute. pó opotutchi okutia o Omphepo endji, oyatchatchili endji eyetutu ⁷ Vhahandua, ngatulihole pokati novhakuetu mokonda otchihando otcha Huku. ya avhehe ombenha vhahale vhakuavho vhayomukúa na Huku ya vhei Huku. ⁸ Enguinha hahole vhakuaó kei Huku mokonda Huku otchihando. ⁹ Otchihando tcha Huku tchimunika pokatiketu: tchi Huku atuma Ondeyae Ongunga mouye, opó tuninga omunhu mokondayae. ¹⁰ Ya mutcho muno tchihando: ya haótue tuhole Huku, Huku ée etuhole engo atuma Ondeyae Ongunga engo eya kutuyowola koyonkhali zhoyo pekalo zhetu. ¹¹ Vhahandua, ngatchi Huku etuhanda naótue ngatulihende pokati. ¹² Kakuna engo eyamuna Huku, ya otue ngatulihole Huku matuatuako no kuká motue .Ya otchihando tchae tchiyula motue. ¹³ Mutcho otue tutchi okutia matutuatuako okuka mué ya ée maka motue mokonda utupa Omphepo yae. ¹⁴ Ya otue tutchimuna ya tuyombangi zhatate tchi atuma Ondeyae Ongunga aile omoyovholi ouye. ¹⁵ Engo mapopi okutia Yesu ondeya Huku, Huku uká mué, ya ée uká mu Huku. ¹⁶ Ya otue tutchi ya tuatavhala otchihando tchi Huku enatcho motue. Huku otchihando engo aka motchihando, maká mo Huku ya Huku mue. ¹⁷ Otchihahando tcho tchiyula motue okutia opó tuninga émeeko, mokando omunhu wetu mouye ombunu, otchongo munhu wa Clistu. ¹⁸ motchihando kamuna vhoma, motchihando tcheinha tchafuapo tchatchili tchatata ovhoma, engo atila ovhoma mombungo yae mutupu o tchihando tchatchatchili, mokonda ovhoma ulikifha otia kouye kuna ohali. Otue tulihole tupu, mokonda Huku ée atenga okuhole ¹⁹ Otue tulihole tupu, mokonda Huku ée atenga kutuhole. ²⁰ Umu ngatia ndjihole Huku, ée kahole omuanguvhuae pó onkhembi, kutupu engo nge mahanda Huku, engo hamamunu ée hahole omunguvhe engo amuna. ²¹ Otchitumino tchi Clistu etupa otchi: engo ahanga Huku naé ngahadevho omuanguvhae.