¹ Tchinkhetchali pokufhimbika, tchi otue tuatia, otchi tuamuna nohoetu tuatalela, ya tchihea ondaka yomunhu, nomawokoetu afhafhata. ² Omunhu wailikifhua, ya otue tuemuna, kuo tuyombangi. ³ Tchi tuahela omue, otchi tuamuna no kutea. Tuningemee eliongezho pamu naotue, ya eliongezho lhetu oku Huku Nondeyae Yesu Clistu. ⁴ Ovhipuka embio tuemuhonikila okutia ehambu lhetu opó liyula motue. ⁵ Endji ondaka tuatea kué ya tuahela onué. Huku otchitemee, ya mué kamuna tuiki nalimu. ⁶ Ngatia tuneliongezho naé otué otcho matuendaele metuiki, pó otue tuakemba, ya katuningi otchatchili. ⁷ Ya ngatuendeé motchitemee ngantchi naé emotchitemee, pó tuneliongezho limu novhakueto, ya omulai wa Yesu ondeyae utupóna oyopekalo zhatcho azhihe. ⁸ Ngatutia katuna oyopekalo tuelikoa otuemuni ya otchacthili katchimotue. ⁹ Ngatulizhimbula oyopekalo zhetu ée omuviukifhi afuapo kokuewela ayopekalo zhetu, ya nokutuyowola ovhinamikila. ¹⁰ Ngatutia katuningi oyopekalo pó tuemuluka etutu ya ondayae kaimotue.