¹ De yau al kilima ta Yahuah al ja le Zephaniah welet ta Cushi welet ta Gedaliah welet ta Amariah welet ta Hezekiah, fi al ayom ta Josiah welet ta Amon, melik ta Yahuzah. ² ''Ana bi demiru ayihajat kulu bara min al was ta ard_de Yahuah yau alinu. Ana bi demiru rujal wa haiwanat; ³ Ana bi demiru al tiur ta samawiyat wa al samak ta al bahar, al damar sawa ma al asrar. Lianu Ana bi gata bara insan min al usa ta al ard_de Yahuah yau alinu. ⁴ Ana bi rua bara ma ida fogo Yahuzah wa kulu al sukan ta Arselim. Ana bi gata bara ayi bagi ta Baal min makan de wa al asma ta al nas wasaniyin wasat al kahana, ⁵ al nas al fok al rasbiut bi abidu hajat al fi sama, wa al nas al bi abidu wa alifu le Yahuah lakin umon kaman alifu be melik tomon. ⁶ Ana kaman bi gata bara delin al kalas gilibu bara min rua wara Yahuah, delin al wele fetisuYahuah la asalu irsad tao.'' ⁷ Askut gidam Rabuna Yahuah! Lianu al yom ta Yahuah biga gerib; Yahuah kan jahisu al zebiha wa kasisu barau diuf tao. ⁸ ''Uwo bi ja gerib fogo al yom ta zebiha ta Yahuah, al Ana bi agibu al amirat wa al awulat melik, wa ayiwahid labis fi gumasat ajnabiya. ⁹ Fogo al yom dak Ana bi agibu kulu delin al nutu fogo al huraibada, deln al malau bet said tomon ma unf wa kabasa. ¹⁰ Kida bi geni zede yom dak_de Yahuah yau alinu -gali kore ta waja/ taab bi ja min al Buaba Samak, wailat min al Mahaliya al Tani, wa sort kasra kebir min al tilalat. ¹¹ Kore, ya sukan ta al Mahaliya Suk, lianu kulu al buda biga bi demiru; kulu delin al bi wozinu fogo fida biga bi gatau bara. ¹² Uwo bi ja gerib an al zaman dak Ana bi fetisu Arselim ma lambat wa agibu al rujal al kalas geni fogo merisa tomon wa kelim fi gelba tomon, 'Yahuah ma bi amulu ayihaja, kan kuwes au batal.' ¹³ Gina tomon bi tala kasara, wa biut tomon biga bi sibu karban! Umon bi abinu biut lakin ma bi geni fogo, wa zarau mazare lakin ma bi asurubu mosurub tomon . ¹⁴ Al yom kebir ta Yahuah biga gerib, gerib wa mustajil guwam! Al sort ta al yom ta Yahuah bi geni ze kore mur ta katil! ¹⁵ Yom dak bi geni yom ta zalan/gadab, yom ta azab wa taab, yom ta moj wa karaba, yom ta duluma wa huzun, yom ta suhub wa duluma tegil. ¹⁶ Uwo bi geni yom ta trumbetat/abuak wa jeres/inzar dit al mudun hadis wa al makan sakila fok. ¹⁷ Lianu Ana bi jibu taab fogo insaniya, kida gali umon bi dowurur biga ze nas amiyanin talama umon kalas aktau dit Yahuah. Dom tomon bi kubu bara ze wasaka, wa hajat jua umon ze kara. ¹⁸ Wele fida tomon au dahab tomon biga bi agder le kalisu umon fogo al yom ta zalan ta Yahuah. Be al nar ta gira tao al sukan ta duniya kulu biga bi demiru, lianu uwo bi jibu nihaya al batal.''