¹ Fi sahar tamaniya ta sena nimra itniin ta hukum ta Darius, al kilima ta Yahuah ja le Zechariah welet ta Berechiah welet ta Iddo, al nebi, kelim, ² ''Yahuah kan dayiman zalan ma abuhat takum! ³ Kelim le umon, 'Yahuah ta junud kelimzede: Gilibu le ana!_de yau al karar/ilan ta Yahuah ta junud_wa Ana bi rija le itakum, Yahuah ta junud kelim. ⁴ Ma takum geni ze abuhat takum be umon al ambiya kore bediri bara, kelim, ''Yahuah ta junud kelim zede: Gilibu min turuk takum batal wa mumarasad serira!'' Lakin umon kan ma asuma wa ma kutu balak le ana_de Yahuah yau alinu.' ⁵ Abuhat takum, wenu umon biga? Wenu biga al ambiya, umon hasa ini lel abat? ⁶ Lakin kilimat tai wa kararat tai al Ana ammiru le kadamin tai al ambiya, kalas umon ma gilibu abuhat takum? Kida umon ikterif/tuub wa kelim, 'Bes ze Yahuah ta junud katit le amulu le nina sunu turuk wa amayol ta nina iatehik, kida uwo itaamal ma nina.''' ⁷ Fi al yom arba _isirin ta al sahar hidasar, uwo yau al sahar ta Shebat, fi al sena nimra itniin ta hukum ta Darius, al kelima ta Yahuah ja le a Zechariah welet ta Berechiah welet ta Iddo, al nebi, kelim, ⁸ ''Ana ayinu fi al lel, wa, ayinu! Rajil kan bi sugu fok husan ahmar, wa uwo kan wasat al asjar al fi al wadi; wa wara uwo inak kan ahmar, ahmar-buni, wa hasasin abiyat.'' ⁹ Ana kelim, ''Hajat delin yau sunu, Rabuna?'' Biga al malayika al wonusu ma ana kelim le ana, ''Ana bi wori le ita sunu yau hajat delin.'' ¹⁰ Biga al rajil al wogif finus al asjar juabu wa kelim, ''Delin yau hasasin Yahuah kalas rasulu bara le mururu hawuli al ard.'' ¹¹ Umon juabu al malayika ta Yahuah al wogif wasat al asjar myrtle; umon kelim le uwo, ''Nina kalas geni mururu hawuli al ard; ayinu, kulu a ard bi geni bira wa biga fi raha.'' ¹² Biga al malayika ta Yahuah juabu wa kelim, ''Yahuah ta junud, lakadi miten biga ita ma bi wori rahma le Arselim wa le al mudun ta Yahuzah, al ita kalas biga zalan ma sebeyin senawat delin?'' ¹³ Yahuah juabu al malayika al kan wonusu ma ana, ma kalamat kuwes, kilimat ta taaziya. ¹⁴ Kida al malayika al kalas wonusu ma ana kelim le ana, ''Nadi bara wa kelim, 'Yahuah ta junud kelim zede: Ana kalas biga gayur le Arselim wa le Zion ma hanan kebir! ¹⁵ Ana zalan sedid ma al ummam al biga fi salam/amnyi. Zaman Ana kan zalan suker bess ma umon, umon amulu al karaba batal. ¹⁶ Ashan kida Yahuah ta junud kelim zede: Ana kalas rija le Arselim ma marahim. Bet tai bi abinu wasat hia_de yau al ilan ta Yahuah ta junud_wa al habil mitir biga bi juru bara fogo Arselim!' ¹⁷ Tani mara nadi bara, kelim, ' Yahuah ta junud kelim zede: Mudun tai biga tani mara bi mala ma sokol kuwes, wa Yahuah tani mara bi azi Zion, wa uwo tani mara bi iktar Arselim.''' ¹⁸ Biga An arfa fok uyuun tai wa ayinu arba guruun! ¹⁹ Ana wonusu le malayika al kelim ma ana, ''Delin yau sunu?'' Uwo juabu ana, ''Delin yau al guruun al kalas setetu Yahuzah, Israil, wa Arselim.'' ²⁰ Biga Yahuah wori le ana arba nas funun. Ana ²¹ kelim, ''Nas delin bi ja le amulu sunu?'' Uwo juabu, wa kelim, ''Delin yau al guruun al setetu Yahuzah kida gali mafi zol biga bi arfa ras tao fok. Lakin al hadadin kalas ja le kowofu umon, le dugu tehet al guruun ta al ummam al arfa guruun dit al ard ta Yahuzah le setetu hia.''