¹ Neshid al anshad, ta Solomon. Mara gi wonusu le nefsa ta hiya. ² Ah kan, keli howo ghabilu ana bi ghublat min kasma tuo, Hiya wonusu le Rajil leanu hub taki afdal min al khamra. ³ Dehanat taki ta masah riha tuo giyafa; Isim taki gi kubu zi aabier, ashan keda Banat gi hibu inta. ⁴ Shilu ana maa inta, wa keli nina jere. Mara de gi wonusu le nefsa tahiya gal melik shilu ana fi audat tuo. (Mara de gi wonusu le Rajil) keli nin afrah; nina muksuteen bi inta; keli nina ihtefil bi hub taki; ashan hub taki afdal min al khamra. howo tebie nusuwan taneen bi hibu inta. ⁵ Ana asued lakin hilwa, Ya Banat ta Ureshelim- Asued zi khiyam ta Ghidar, Jemila zi sataier ta suliyman. ⁶ keli intum ma ainu ana ashan ana asued, leanu shemish haragu ana.Iyal ta Auma tai kan zalaaniin min ana; Ana biga haris ta karma tomon, lakin karma tai ana ma sarisu. ⁷ Wori le ana, inta ya al ruhu tai gi hibu, inta gi wodi aqhnam taki ashan bi akulu gesh wen? Bi nahar homon gi akudu raha wen? Maalu ana biga zi al gi lifu lifu jambu aqhnam ta sabihat taki? ⁸ Kan inta ma arufu, Ya ajmal min beina nusuwan, keli inta douwuru wara kura ta aqhnam tai, wa araie aqhnam taki al sukar de jambu beiut ta ruwaa. ⁹ Ana shebihu inta, ya habiba tai, bi farasa min beina fursan ta markibat ta Pharaon. ¹⁰ Khudud (Bangiri) taki giyafa wa muziyan, ragaba taki fogu siilsila min jawahir. ¹¹ Nina bi amulu le inti Dahab muziyan bi saf ta Feddah. ¹² Wokit al melik geni fi serir tuo, Nardiin tai tala riha tuo. ¹³ Habib tai zi shenta ta al mur al gi geni billel kulu beina sudureen tai. ¹⁴ Habib tai zi mujmuaa ta zuhur ra henna al fi mazraa ta En gedi. ¹⁵ Yahu, inyti jemila, ya habiba tai; inu, inti jemila, ya habiba tai; eiuyn taki zi hamam. ¹⁶ Yahu, inta wosiem, ya habib tai, inta hilu shedid, zuhur yahu mahal ta num ta nina. ¹⁷ Aawamid ta Beit ta nina min khashab al Aurz; shababik ta nina min sunuwbar.