¹ Biga ana bi kelimu,sei Allah aba nas bito? Ibrahim min gebila ta Benjami. ² Allah ma aba nas bito, al huwo arufu min bediri. Sei intum ma arufu shunu al kitab bi kelimbe kalam ta Eliya, kef huwo asalu Allah did Israel? ³ Ya Rabuna humon katulu anbiya taki, humon kasuru mazbah taki tehet, ana barau yau fadulu, humon bi fetisu haya tai. ⁴ Lakin juwab ta Allah kan le humon shunu? ana hafisu le ana Saba Alf rujal al humon kutu rukuba le baal. ⁵ Ashan kida hata fi zaman ta hasa kaman humon yau al fadulu ashan ikhtiyar ta nina. ⁶ Lakin kan be neima, ma bi kun be amail. wa ile neima ma bi kun neima, wa lakin kan be amail, biga neima ma bi kun fi, wa ile amail ma bi kun amail. ⁷ Biga shunu? al hajat al israel bi fetisu, humon ma ligo. lakin al mukhtarin ligo. wa al bagiya gulub tomon gowi. ⁸ Huwo bes ze ma huwo moktub: "Allah wodi le humon Roho ta balada ashan uyun tomon kede ma aynu, wa adana tomon ashan kede ma asuma, le yom ta alela." ⁹ Biga Daud bi kelim: "kede tarbiza tomon kun shabaka wa sherek wa gofulu wa akaab le humon. ¹⁰ Kede uyun tomon tala duluma ashan kede humon ma aynu, wa kede dahar tomon kormos kulu yom." ¹¹ Wa ana bi kelim, seihumon gofulu ashan kede humon waga? La, de ma bi hasil. Lakin bi fashal tomonkulasa ja le umam, ashan bi amulu gera wa fadiya. ¹² Teib kan fashal tomon ganiyan le alam, wa kan kasara tomon ganiyan le umam, biga shokol kamil tomon bi kun kef? ¹³ Lakin hasa ana bi kelimu le intum umam, wa ze ma ana rosul le umam, ana bi dala ma kidma tai. ¹⁴ Ana bi hagiru le hasada nas al tabi le ana, bi kun nina bi kalisu baad min humon. ¹⁵ Lianu kan aba tomon yau musalaha ta alam, biga rudu tomon bi kun shunu, kan haya ta nina mutu? ¹⁶ Kan awel simar mahjuz, wa kaman kutla ta ajin. kan juzur mahjuz, wa kaman al furuh. ^{18 17} Lakin kan baad min furu de gatau, wa kan inta yau fereta zeitun ta sahara, limu inta sawa ma humon, wa kan inta sharig ma fi taam ta shajera zeitunal asil. ¹⁸ Fa mata dala le furu, lakin kan inta dala, de ma inta yau bi saudu juzur al asil, lakin juzur al asil de yau bi saudu inta. ¹⁹ Biga inum bi kelim gal, gatau furu ashan bi taaimu ma ana. ²⁰ De hagiga ashan adam iman tomon yau gatau humon bara, lakin intum wogifu gowiashan iman takum, mata kum fekiri be teriga ta dala an nefsa takum, lakin kafu takum. ²¹ Lianu kan Allah ma bi zidu furu al tebiya, wa la bi zidu le inta. ²² Yala biga aynu, le shokol kuwes wa kutura ta Allah, kutura towo le Yahudin al humon waga, lakin shokol kuwes ta Allah le inta, kan inta istemirfi shokol kuwes towo, wa ile bi gatau inta bara. ²³ Wa kan humon ma sabitu ashan adam iman, bi teimu humon, lianu Allah bi agder ashan bi taimu humon tani mara. ²⁴ Lianu kan gatau inta min shegera zeitun ta sahara hasab al tebiya, wa biga teimu inta bidu tebiya fi shejera ta zeitun al kuwes, godur shunu bi taimu nas al humon hasab tebiya fi shejera zeitnu tomon al khas? ²⁵ Ashan ana ma deiru intum ya akuwana tai ashan bi jahilu sir de, ashan intum ma bi kun negitin fi nefsa takum, aw fikra takum, al sir de inu geliba al gowi al nus ja le Israel, lahadi nas umam bi kun kamil. ²⁶ Inu Israel kulu bi ligo kulasa, bes ze ma katibu: mukalis bi ja min Sahyun. Huwo bi shilu katiya min Yakub. ²⁷ Wa de bi kun tifagiya tai ma humon fi zaman al kan ana shilu katiya tomon. ²⁸ Lakin ze ma min taraf ta Injil humon ada min ajil takum, lakin ze ma min taraf ta ikhtiyar humon mahbubin ashan abuhat tomon. ²⁹ Ashan hadiya wa nadi ta Allah ma bi geiru. ³⁰ Lianu intum kan ma bi ihterimu Allah, lakin hasa intum ligo rahma ashan adam ihteram tomon. ³¹ Be nefsa teriga kaman yahudin del ma bi ihterimu ashan kaman bi rahamu humon be rahma ma intum. ³² Ashan Allah gofulu nas kulu fi adam ihteram, ashan huwo bi agder rahamu humon kulu. ³³ Godur shunu gina wa hikma wa maarafa ta Allah amig, wa godur shunu ma bi agderu fetisu hukum towo, wa sika towoma bi agder arufu. ³⁴ Lianu de munu yau arufu fikira ta Rabuna aw de munu yau biga mustishat towo? ³⁵ Aw de munu yau al nimira wahid wodi haja le Allah al inu Allah bi dafa huwo? ³⁶ Lianu min huwo wa be wasat huwo wa le huwo kulu hajat, mejid le huwo ile al abad. Amin.