¹ Yahweh kelim le Musa fi beriya ta Sina fi kema ta ejtima. De hasil fi awel yom ta sena nemra itiniin fi fetera ta sena nemra itniin baad shaab ta Israel kan tala bara min arid ta masir. Yahweh kelim, ² “hasibu kulu jamaa ta rijal ta Israel be kasma bab bitomon wa biyot ta abuhat tomon. Indu humon be asami. Hasibu kulu rujal rajil gusad rajil ³ Al indu ishiriin sena. Hasibu kulu al bi agder shakila ze askeri le Israel. Ita wa haron yau bi indu adad ta rijal de fi mujmu bitomon ta jesh. ⁴ Rajil min gebila bito, ras ta kasma bab, be kadimu ma ita ze huwo yau kayid ta gebila. Ai kayid bi kun kayid le rajil “20”, al bi shakila le bet ta abuhat bito. ⁵ De yau asami ta kada al bi shakila ma ita ⁶ Min gebila ta shamaon, shelumiel jena ta shorishaadi, ⁷ Min gebila ta yahuza, nahshon jena ta amminadab, ⁸ Min gebila ta yasachir, Nathaniel jena ta Suar, ⁹ Min gebila ta Zabulun, alyab jena ta helon, ¹⁰ min gebila ta Afraim jena ta Yousif, elishama jena ta ammihud, ¹¹ min gebila ta Benyamin, Abidan jena ta Gideoni, ¹² Min gebila ta Dan, Aliezer jena ta Ammishaddai, ¹³ Min gebila ta Asher, Fajaiel jena ta Okran, ¹⁴ Min gebila ta Gad, Eliyasaf jena ta Deuel, ¹⁵ Wa min gebila ta Naftali, Ahira jena ta Ehan.” Min gebila ta Reuben, Elizur jena ta Shedeur, min gebila ta Manasseh, Gamaliel jena ta Pedahzur, ¹⁶ Del kan rijal al azilu min shaab. Humon bi gud gabail ta judud bitomon. Humon yau kan kiyadad ta kasma biyot ta Israel. ¹⁷ Musa wa haron shilu rijal del, al sejilu be isim, ¹⁸ Wa humon limu kulu nas ma baad fi yom al awel min shahar nemra itniin. Rijal min ishriin sena wa sejilu humon bediri aslan be isim, be hasab kasma bab bitomon, hasab biyot ta abuhat bitomon, kan hasibu humon rajil be rajil. ¹⁹ Biga Musa sejilu asami bitomon fi beria ta sina, ze ma Yahweh wodi le humon wosiya ashan humon bi amulu. ²⁰ Min iyal ta iyal ta Raubin, Israel yau bikiria, min al sejilu. Hasab usura bitomon, be hasab biyot ta abuhat bitomon, asami ta rijal de kulu ishriin sena be agdamia bi agder ruwa le harib, hasibu rajil be rajil. ²¹ Hasibu humon 46,500 rujal min gebila ta Raubiin. ²² Min iyal ta iyal ta Shamaun min al hasab usura bitomon, be hasab biyot ta abuhat bitomon. Asami ta kulu mujmu ta rujal de ishriin sena bi agder ruwa fi harib, hasibu rajil be rajil. ²³ Hasibu humon 59,300 rajil min gebila ta shamaun. ²⁴ Min iyal ta iyal ta Gad, min al sejilu, be hasab usura bitomon, hasab biyot ta abuhat bitomon, asami ta kulu rujal de ishriin sena bi agder ruwa le harib, kan mahsub. ²⁵ Husibu humon 45,650 rajil min gebila ta Gad. ²⁶ Min iyal ta iyal ta yahuza, min al sejilu be hasab usura bitomon, hasab biyot ta abuhat bitomon, asami ta kulu rujal de ishriin sena bi agder ruwa le harib, kan mahsub. ²⁷ Hasibu humon 74,600 rujal min gebila ta yahuza ²⁸ Min iyal ta iyal ta yashakir, min al hasibu be hasab usura bitomon, hasab abuhat bitomon, asami ta kulu rujal de ishriin sena bi agder ruwa lr harib. ²⁹ Hasibu humon 54,400 rujal min gebila ta yashakir. Min iyal ta iyal ta Zabulun, min al hasibu be hasab usura bitomon, hasab biyot ta abuhat bitomon, asami ta kulu rujal de ishriin sena bi agder ruwa fi harib, kan mahsub ³⁰ Min yal ta Zebulun kan eidu kulu asami ta ai zol min issirin sena wa al kebir fi omur lakin bi akder wraa fi dusuman, min kasif ta judud, wasura wa ayila. ³¹ Hasibu humon 57,400 rujal min gebila ta Zabulun. ³² Min iyal ta iyal ta Afraim jena ta Yousif, min al sejilu be hasab usura bitomon, hasab biyot ta abuhat bitomon asami ta kulu rujal de ishriin sena, bi agder ruwa fi harib, kan mahsub. ³³ Hasibu humon 40,500 rujal min gebila ta Afraim. ³⁴ Min iyal ta iyal ta Manasseh jena ta Yousif, min al sejilu de, be hasab usura bitomon, be hasab biyot ta abuhat bitomon, asami ta kulu rujal de ishriin sena bi agder ruwa fi harib, kan mahsub. ³⁵ Hasibu humon 32,200 rujal min gebila ta Manasseh. ³⁶ Min iyal ta iyal ta Benyamin, min al sejilu, be hasab usura bitomon, hasab biyot ta abuhat bitomon, asami ta kulu rujal de ishriin sena bi agder ruwa fi harib, kan mahsub. ³⁷ Hasibu humon 35,400 rujal min gebila ta Benyamin. ³⁸ Min iyal ta iyal ta Dan, min al sejilu de, be hasab usura bitomon hasab biyot ta abuhat bitomon, asami ta kulu rujal de ishriin sena bi agder ruwa fi harib, kan mahsub. ³⁹ Hasibu humon 62,700 min gebila ta Dan. ⁴⁰ Min iyal ta iyal ta Saher, min al sejilu de, be hasab usura bitomon, hasab biyot ta abuhat bitomon, asami ta kulu rujal de ishriin sena, bi agder ruwa fi harib, kan mahsub. ⁴¹ Hasibu humon 41,500 rujal min gebila ta Asher. ⁴² Min iyal ta iyal ta Naftali, min al sejilu de, be hasab usura bitomon, hasab biyot ta abuhat bitomon, asami ta kulu rujal de ishriin sena, bi agder ruwa fi harib, kan mahsub. ⁴³ Hasibu humon 53,400 min gebila ta Naftali. ⁴⁴ Musa wa Haron hasibu kulu rujal de, ma baad ma itnashar rujal al kan bi kud Israel min biyot ta abuhat bitomon. ⁴⁵ Ashan kida kulu rujal ta Israel min ishriin sena, kulu al mumkin bi shakila fi harib, kan mahsub fi hasab biyot ta abuhat bitomon. ⁴⁶ Hasibu humon 603,550 rujal. ⁴⁷ Lakin lawiin kan ma hasibu hasab gebila ta abuhat bitomon ⁴⁸ Leanu Yahweh kelim le Musa, ⁴⁹ “ita ma bi hasibu gebila ta lawi awo bi domu humon fi jumla ta shaab ta Israel. ⁵⁰ Bidal le de kelifu lawiin kede ihtam le maabad ta tifagiya ta marasim, wa bi ihtam le kulu asasat al fi maabad wa le kulu haja foko. Lawiin bi arfa maabad, wa humon bi arfa asasat ta maabad. Humon bi ihtam be maabad de wa amulu muaskar bitomon hawli huwo. ⁵¹ Asa maabad de bi hariko le mahal tani, lawiin be kutu huwo tehet. Ai zol gerib al bi ja gerib ma maabad de bi katulu. ⁵² Kan saah ta Israel arfa kelima bitomon fok, kwu rajil bi mulu le rai al tabi le mujmu ta junud bito. ⁵³ Hata walo, tifagiya ashan gadab ma bi ja ala shaab ta Israel. Lawiin bi gum be kidma ta maabad ta tifagia ta marasim.” ⁵⁴ Shaab ta Israel bi amulu hajat de. Humon bi amulu ai haja al Yahweh wosia be wasit Musa.