¹ Fi yom dak umon kan agara kitab ta Musa fi adana ta nas, kan ligo moktub fi kitab inu mafi zol min Amoniin wala Moabiin bija fi ijitma ta Rabuna lelabad. ² De kan ashan ma eish wa moya, lakin umon kan ajiru balaam ashan bi leanu israel. Lakin Rabuna kan gilibu al laana le baraka. ³ Ze umon asma le ganun, umon kan tala min nus ta Israel ayi zol al ajnebi bara. ⁴ Gubal de kan ayinu Eliashib al gesis ashan bikun mosoul le Makazin ta beit ta Rabuna. Huwo kan indu sila garaba ma Tobia. ⁵ Eliashib kan bediri gi kutu fogo atiya ta gemeh, bokur, hajat ta rakabu, wa ushur ta gemeh, kamra jedid, wa zeit al kan wosi ashan bekun le lawin, marenimin, huras ta abwab, wa tabaruat le gusus. ⁶ Lakin fi awokat del kulu ana ma kan fi ourshelim, leanu fi sena nimra etnein wa talatin ta melik Artaxerxes ta Babilon, an kan ruwa le melik. Baad zaman ana kan asalu izin min melin ashan ana bi tala. ⁷ Wa an kan raja le ourshelim. Ana kan fahim sher ta Eliashib al huwo kan wodi Makzan fi wahid mi owad al fi beit ta Rabuna. ⁸ De kan ma kwes le ana wa ana kan jada afasat ta usura ta Tobia bara min makzan. ⁹ Ana kan wodi karar keli nedifu makzan wa keli rijau fogo hajat ta beit ta Rabuna, tegdima ta gemeh wa bokur. ¹⁰ Ana kan ja ligo enu nisba ta lawiin kan magi wodi le umon, wa umon kan jere bara, kulu zol ma gi wodi le umon, wa umon kan jere bara, kulu zol fi mahal zara too, lawiin wa moranimin al kan gi amulu shokol. ¹¹ Ashan kida, ana kan wonusu be zalan le mouzifin, wa kan kelim, ashan shunu beit ta Rabuna ma gi kutu bala fogo? Ana kan limu umon sawa wa kan kutu umon fi mahalat tomon. ¹² Biga kulu yahuza kan jibu ushur ta gemeh, kami jedid, wa zeit fi makzan ¹³ Ana kan ayinu shelemia al gesis yekun bita malia wa zadok yekun katib, wa min lawiin, pedaiah. Baad umon kan Hanan jena ta Mattania, le anu kan ayinu umon nas umanaa. Shokol tomon kan wazau hajat le zumala tomon. ¹⁴ Zekir ana, Rabuna tayi, wa kaman kulu anwa ta afasat al tegil, al umon kan gi jibu le ourshelim yom sebit. Ana kan anziru umon ashan umon keli ma biyu hajat yom dak. ¹⁵ Fi ayam ana ainu fi Judah nas gi tujaru ma merisa fi yom sabbath wa gibu dura wa kutu fi humaraat, wa merisa, eanab, tin, wa kulu anwae al al ahmal tegiil, al humon gibu fi Jerusalem fi yom ta Sabath. Ana aihtaji ashan humon gibiu akill fi yom dak. ¹⁶ Rujal min sur al gi geni fi ourshelim kan jibu samak wa kulu anwa ta budaat, wa kan gi biya yom sebit le nas ta yahuza wa jua medina. ¹⁷ Ana kaman kan kasim nas kubar ta Yahuza, De yau hajat batal yatu al intum gi amulu, karabu yom sebit? ¹⁸ Abuhat takum kan ma amulu zede? Hal Rabuna kan majibu kulu sher le nina wa fi medina de? Hasa intum gi jibu haja batal ziyada le israel bewasit karabu yom sebit. ¹⁹ Laman wata tala duluma fi abowab ta ourshelim gubal yom sebit, ana kan wodi taalimat be inu keli gofulu abowab wa keli ma fatau lahadi yom al tani ta sebit. Ana kan kutu baad rijal bitai fi abowab ashan mafi budaa bijibu juwa yom sebit. ²⁰ Al tujar wa nas al ta biyu hajat barau barau kan gi limu bara min ourshelim mara au maraten. ²¹ Lakin an kan anziru umon, lee intum gi limu bara sur? Kan intum amulu ze de tani mara, ana gobudu intum, min zak dak le gidam umon kan maja yom sebit ²² Ana kan wodi awamir le lawiin keli tahir/nedifu nefsa tomon, wa ja ashan biharisu abowab, ashan bikeli yom sebit bikun nedif. Zekir ana kaman, Rabuna tayi, wa keli inta indu rahma le ana, ashan itifagiya al nesia al inta kan indu le ana. ²³ Fi ayamat dak, kaman ana kan ayinu yahudin al kan jouzu min nuswan al min ash dudiat, Amoniat, wa Moabiat ²⁴ Nus ta iyal tomon kan gi wonusu luga ta Ashdud, mafi min umon kan aruf keif bi wonusu luga ta yahud, lakin bes luga ta wahid min nas tanin. ²⁵ Ana kan hazir umon, wa laan umon, wa ana kan durubu juzu min umon, wa kan juru shaar tomon bara. Ana kan kutu uma halifi be Allah, gali intum ma bi wodi banat takum le awolad tomon, wala shilu banat tomon le awolad takum, wala le nufus takum. ²⁶ Melik siliman ta israel ma kan ta bilad ketir mafi melik kan ze huwo, Allah too kan hibu huwo, wa Allah kan kutu huwo melik fok kulu israel. Be de kulu, nusuwan to al ajanib kan kutu huwo amulu katia. ²⁷ Hal anina bi asma le intum wa amulu kulu galt al kebir de? Wa amulu bidun amana deed Allah ta nina ashan bi jouzu nusuwan ajanib? ²⁸ Kan wahid min awolad ta yoyada weled ta Eliashib reis ta kahna kan nesib ta sanballat al min Horoni. Ana kan kutu huwo jere min gidam tayi. ²⁹ Zekir ana ya Allah tai, ashan umon waskan shokol gesis, wa itifagiya ta shokol gesis wa lawiin. ³⁰ Be kida ana kan nedifu umon min kulu ajnabi, wa kan asisu wajibat ta gusus ma lawiin, kulu wahid le kidma too. ³¹ Ana kan wofir hatab ta tegdimat keli jibu fi zaman too, wa le intaj ta zeraa al awel, zekir ana, Allah tai le kwes.