¹ Fogo al mustanadat kan Nehemiah, al hakim, welet ta Hakaliah wa Zedekiah, ² Seraiah, Azariah, Jeremiah, ³ Pashhur, Amariah, Malkijah, ⁴ Hattush, Shebaniah, Malluk, ⁵ Harim, Meremoth, Obadiah, ⁶ Daniel, Ginnethon, Baruch, ⁷ Meshullam, Abijah, Mijamin, ⁸ Maaziah, Bilgai, wa Shemaiah. Delin kan al kahana. ⁹ Al Lawien kan:Jeshua welet ta Azaniah, Binnui ta al usura ta Henadad, Kadmiel, ¹⁰ wa zumala tomon Lawien, Shebaniah, Hodiah, Kelita, Pelaiah, Hanan, ¹¹ Mika, Rehob, Hashabiah, ¹² Zaccur, Sherebiah, Shebaniah, ¹³ Hodiah, Bani, wa Beninu. ¹⁴ Al kiadat ta al nas kan: Parosh, Pahath-Moab, Elam, Zattu, Bani, ¹⁵ Bunni, Azgad, Bebai, ¹⁶ Adonijah, Bigvai, Adin, ¹⁷ Ater, Hezehiah, Azzur, ¹⁸ Hodiah, Hashum, Bezai, ¹⁹ Hariph, Anathoth, ²⁰ Magpiash, Meshullam, Hezir, ²¹ Meshezabel, Zadok, Jaddua, ²² Pelatiah, Hanan, Anaiah, ²³ Hoshea, Hananiah, Hasshub, ²⁴ Hallohesh, Philha, ²⁵ Rehum, Hashabnah, Maaseiah, ²⁶ Ahiah, Hanan, Anan, ²⁷ Malluk, Harim, wa Baanah. ²⁸ Ze le al bagi ta al nas, al kan kahana, Lawien, hurasbuwaba, murenimin, kadamin haikal, wa kulu al kan fasilu nefsatomon min al nas ta al aradi mujawara/jiranat wa waadu nefsatomon le al ganun ta Allah, sawa ma nusuwan tomon, awulat tomon wa banat tomon, kulu al indu maalumat wa fahimin, ²⁹ umon limu sawa ma akuwana tomon, musakafin tomon, wa rubutu nefsatomon ma kulu al laana wa halifa le dowuru fi ganun ta Allah, al kan wodi be Musa al kadam ta Allah, wa le hafisu wa tii kulu al wasayat ta Yahuah Rabuna ta nina wa kararat wa faraid tao. ³⁰ Nina waadu gali nina ma bi wodi banat tanina le al nas ta al art au silu banat tomon le awulat tanina. ³¹ Nina kaman waadu gali kan al nas ta al art jibu hajat au ayi dura le tebiu fogo al yom Sabbath, nina ma bi biu min umon fogo al Sabbath au fogo ayi yom kudus. Kulu bat saba sena nina bi sibu mahal zarat tanina le raha, wa nina bi satifu/afi kulu diun. ³² Nina gabilu al awamir le wodi tilit ta giram fida ayi sena le al kidma ta al bet ta Allah tanina, ³³ le sedidu/wofiru al ess le nas al mojudin, wa le al dura ta tekdima kulu yom, al tekdimat mahruk fogo al Sabbaths, al iktifal sahar jedid wa iktifalat muktar, wa le tekdimat mukadas, wa le al tekdimat katia le amulu makfara le Israil, ze kaman ze le kulu al sokol ta al bet ta Allah tanina. ³⁴ Al kahana, al Lawien, wa al nas jada gura le tekdima al kasab. Al gura biga bi iktar yatu min usar tanina bi jibu kasab fogo al bet ta Allah tanina fi zaman al itaru ayi sena, le bi haragu fogo al altai ta Yahuah Allah tanina, ze uwo yau moktub fi al ganun. ³⁵ Nina waadu le jibu le al bet ta Yahuah al awelfuakih zarao/rabao min turab tanina, wa ayi sena al awelfuakih min ayi sejera. ³⁶ Al awel molut ta awulat tanina, wa ta abgar ta nina-alahasab le sunu yau moktub fi al ganun-wa al awelmolut ta bahaim ta nina wa ta zeribat ta nina nina bi jibu le al bet ta Allah tanina, le al kahana al bi akdim fi al bet ta Allah ta nina. ³⁷ Nina bi jibu al awel ta ajin ta nina wa tekdima dura ta nina, wa al fuakih ta kulu sejera wa mosurub jedid wa zet, le al kahana, le al gurafmakzan ta al bet ta Allah ta nina. Nina bi jibu le al Lawien al usur min kulu al mudun al nina sakalin fogo. ³⁸ Al kahana, jil ta Aaron, lazim bi kun ma al Lawien zaman umon bi akudu al ususr. Al Lawien lazim bi jibu nisba asara ta al usur le al bet ta Allah ta nina le al gurafmakzan ta al amana/kazina. ³⁹ Le al nas ta Israil wa al ajial ta Lawi umon le jibu al toboruwat ta dura, mosurub jedid, wa zet le al gurafmakzan makan al hajat ta al haikal bi kutu wa hafisu fogo wa makan al kahana al bi akdim, wa al hurasbuaba, wa al murenimin bi geni. Nina ma bi jahilu/aba al bet ta Allah ta nina.