¹ “Yinu, ana gerib birasulu rasul, wa huwo bi jahizu sika gidam tai, biga Rabuna al intum gi fetisu, bi ja mofaja le hayikal towo. Rasul ta ififagiya al intum bi farhan fogo, ayinu huwo bi ja,” Yahwa al gadir kelim. ² Lakin munu yau bi agder sobur yom al huwo bi ja? Munu yau bi agder sobur yom al huwo bi ja? Munu yau bi agder wogif zaman huwo be zahir? Lenau huwo bikun ze nar al benedifu, wa sabun al bikasulu. ³ Huwo bi geni ze makana al bi jedidu wa bi nedif fida, wa huwo bi jedidu awolad ta lawi, huwo bi jedidu huwmon ze dahab wafida, wa umon bi jibu kurban/taya dima tomon belbir le Yahwa. ⁴ Biga tagadima ta Yahuza wa Ourshelim bi kutu Yahwa farhan ze fi ayamant al gedim, wa ze fi sinin al gedim ⁵ Ana biga bi ja gerib lekum ashan hokum, ana be sura bikun shahid did saharin, nas tazina, shuhudin ta kidib, wa did del al bi zulumu umal ta ujura min hak tomon, del al bi zulumu aramil wa yetam wa del al bi zulumu guraba/ajanib, wa del al ma bi kerimu ana.” Yahwa al gadir kelim. ⁶ Leanu ana Yahwa ma geiru; ashan kida, intum awolad ta Yacoub, lisa intum ma wosulu fi nihaya. ⁷ Min ayam ta abuhat takum, intum aba gawanin tai wa ma hafizu umon. Rija takun le ana wa ana bi rija le intum.” Yahwa al gedir kelim, lakin intum kelim, nina bi rija keif? ⁸ Insan zol bi agder seredu Rabuna? Lisa intum gi seregu anal akin intim gi kelim, nina seregu inta keif? Fi ushur wa kurban. ⁹ Intum molounin be laana, leanu intum gi seregu ana, beled kulu. ¹⁰ Jibu ushur kamil fi beit al kazina, ashan bikun fi akil fi beit tai, wa jeribu ana hasa be kalam de, Yahwa al gedir kelim, kan ana ma bi fata le intum shababik ta sama wa kubu Baraka le intum, hata mahal bikun mafi ashan bi timu. ¹¹ Ana bi wonusu did del al bi karabu zera takum ashan umon ma bi karabu intaj ta ida takum. Kurum takum fi mazra ma fi fakidu simar tomon, “Yahwa algedir kelim. ¹² Bilad kulu binadi intum mobarakin, leanu intum bikun arid ta farah” Yahwa algdir kelim. ¹³ Kelimat takum did ana kan gowi. ‘Yahwa kelim, lakin intum kelim nina kelim sunu fi nus bitana did inta? ¹⁴ Intum kelim, mafi faida ashan akdim Rabuna. Faida sunu nina hafizu talabat towo wa do wuru be kore gidam Yahwa al gedir? ¹⁵ Be kida nini binadi na ta kibriya mobarikin nas al ashrar batalin ma bes nas ta barakat ziada lakin umon Kaman gi jeribu Rabuna wag i nofudu jere. ¹⁶ Bega del al bi kafu Yahwa wonuse le baad tomon Yahwa gi kutu bala wagi asma, wa kitab ta zikra mozekira fi alkan katibu gidam towo del al gi kafu Yahwa wag i kerimu isim towo. ¹⁷ Umon bikun tai, “Yahwa al gedir kelim, “worisa ta kazana ta nefsa tai, fi yom da kana amulu ana bi hafizu umon ze abu al bi hafizu weled al gi kadim huwo. ¹⁸ Bega tani mara intum bi meiz Karin bein al bir wa al sher, bein al gi abidu Rabuna wa al ma gi abidu huwo.