¹ Zol al shahid awu kan shahid awu arufu kalam al hasil-kan huwo asma kalam ta laana lakin aba ashan bikun shahid huwo amulu katia, yala huwo bikun mosuol le zamb ta katia towo. ² Awo ayi zol habisu ayi haja al Rabana wosifu gali nijis, kan haja de meyit ta hajiwan al nijis wala meyit ta ayi kaliga algi juru nefsa towo fi turab, hata iza kan huwo kalas biga galtan wa nijis. ³ Wala iza kan huwo habisu haja nijis ta zol tani, kan haja nijis de kan sunu, wa iza kan huwo ma arufu, huwo bikun galtan baad ma huwo biarufu. ⁴ Iza kan ayi zol al kasma towo bikun serii fi katia ta halifa, awo amulu le kwes, wala le batal, kan huwo yatu nou ta zol hata kan huwo ma arufu gali huwo holifu besura, iza kan huwo ja arufu wara kalam halifa towo de huwo bikun galtan fi kulu hajat al huwo amulu. ⁵ Iza kan zol galt an fi kulu hajat del, huwo lazim bieterif beayi katia al huwo kalas amulu. ⁶ Big huwo bijibu tegedima ta katia le Yahwa ashan katia al huwo kalas amulu, huwo bijibu koruf al mara or gonamaya le zebiha le zol de ashan katia bitowo. ⁷ Iza kan huwo ma biagder jibu koruf, huwo bijibu iten hamam awu gumuria le Yahwa ze zabiha ta katia towo, wahid le zabina ta katia wa tani de le zabiha ta haragu. ⁸ Huwo bijibu tiyur de le gesis, al begedimu wahid ze zebiha ta katia awel-huwo bilifu ras ta haman de laadi ragab ta towo bikasuru lakin ma bifasilu ras min jisim. ⁹ Biga huwo birushu juzu min dom Kaman bisafa bagi dom min jisim ta hamon de fok mazbah. De zabiha ta katia. ¹⁰ Kaman gesis bigedim haman nimira etnen ze zabiha ta haragu, ze wosifu fi gawanin ta gedimu zabiha, wa gesis bigedim haman de ze kafara le zol de ashan katia al huwo kan amulu, wa katia ta zol de bi afi. ¹¹ Lakin kan huwo ma biagder wodi etnen haman wa gumuria, biga huwo biwodi wahid min ashara ta ephah-etnen wanu litter ta degigal naiim wa nedif le zebiha ta katia towo, huwo ma bikulu fogo zeit wala kutu fogo ayi boharat, lianu de zebiha ta katia. ¹² Huwo bijibu le gesis, wa gesis bi akumu degig de maliyan fi ida towo ze zebiha tez karia yala baad de huwo bihara gu fi ras mazbah, fi ras zabiha al amulu le yahwa. De azbiha ta katia. ¹³ Gesis amulu kafara le ayi katia al zol de kan amulu, wa zol de katia towo bia fi. Bagi al fadulu min zabiha de bikun ta gesis, ze gi amulu fi zabiha ta hubbub. ¹⁴ Yahwah kan kelimu le Musa gali, ¹⁵ Iza kan ayi zol amulu katia wa haja al makwes le hajat ta Yahwah, lakin iza kan huwo ma gasid, huwo bijibu zabiha ta katia le Yahwah. Tagadima de bikun koruf al rajil al nedif, biaburu taman ta koruf de be shekel (gurus) ta fida al fi mahal al mokadas ze tagadima ta katia. ¹⁶ Huwo kutu Yahwa bikun muktene be galat al huwo amulu le haja al mokadas, wa huwo bizidu wahid min kamsa min taman al huwo kan wodi ashan bi wodi le gesis, biga gesis bia mulu shokol ta kafara le zol de ma zabiha ta katia wa zol de beligo afi min katia towo. ¹⁷ Iza kan ayi zol amulu katia wa amulu ayi haja al Yahwa kan wodi ganun/talimat kede ma amulu. Hata iza kan huwo ma arufu, huwo lisa amulu galat wa kbikun mosuol le katia de. ¹⁸ Huwo bijibu koruf al nedif al taman towo bikun sawa ma taman ta hasa, bikun ze zabiha ta amulu galat, bijibu le gesis, biga gesis biamulu kafara le zol de ashan katia al huwo kan amulu fi zaman al huwo kan ma arufu, wa zol de biligo afu min galat towo. ¹⁹ De zabiha ta katia, wa huwo hagiga gaitan gidam Yahwa.