¹ Yahuwa kelimu(wonusu) ma Musa wa gal, " ² Wonusu le shab bita Israel wa kelimu le umon, 'Izakan zol amulu tegdir kas le Yahuwa, huwo istamilu kiyam del. ³ Mikias ta keima bita zol rajil min ishrin le sitin sena lazim bi kun kamsin shekel(juram) bita fidah,, baad shekel bita mahal guad. ⁴ Fa le bit bitaal endu nefsu umur keima bitou bikun teletin shekels.(juram) ⁵ Min umur kamsa sena le ishirin sena keima bitak bita zol raji lazim bikun ishrin sheke(juram)l, wa le bit bikun ashara shekel(juram). ⁶ Min umur wahid shahar le kamsa sena keima bita weled rajil bikun kamsa sekel bita fidah, wa le bit bikun talata shekel(juram) bita fidah. ⁷ Min umur ta sitin sena wa fok le zol rajil keima bitak lazim bikun kamistashar shekels(juram), wa le mara(bit) bikun ashara shekels(juram). ⁸ Lakin izakan zol al amulu kasam(halifa) ma bi agder dafa keima de, Bad dak zol ali wodi de bi gedimu le gesis, wa gesis bi keimu zol dak be adad ali zol amulu tegdir de bi agder. ⁹ Izakan haja al gadiru de huwo haiwan al mogbul le Yahuwa, ai tija bita haiwan ali wodi le Yahuwa bikun kudus(kadis). ¹⁰ Zol de kede ma badilu au badilu al kwes be al batal, au batal be al kwes. Izakan huwo badilui wahid haiwan be tani, Kulu umon itnin wa al badilu bekun kudus.(kadisiyin). ¹¹ Ala kulu hal, izakan haja al zol de gadiru ashan bi wodi le Yahuwa huwo nijis, ashan Yahuwa ma bi gabilu(rudu), bad dak zol de lazim kede jibu haiwan de le gesis. ¹² Gesis bi gadiru, be keima ta shuk bita haiwan de. Ai keima ali gesis de kutu fi ras haiwan de, dak bikun keima tou. ¹³ Izakan sidi haiwan de deir rijau, keima tou al kamis bi zidu fi sher bita ruju. ¹⁴ Kan zol kutu juzu min bet tou ze hadaya kudus le Yahuwa, bad dak gesis bi kutu keima tou kwes au batal. ai keima ali gesis de kutu, huwo bikun ze huwo kutu. ¹⁵ Lakin izakan sidu al kutu juzu min bet tou de deir ashan bi rijau, huwo lazim bi zidu keima tou al kamis fi sher bita ruju, wa biga bikun tou. ¹⁶ Izakan zol kutu juzu min ardi tou, bad dak keima tou bikun nisba al kifaya bita bizra ali bi zarau- homer bita sheir bi keima be kamsin juram bita fidah. ¹⁷ Izakan huwo kutu juzu min mazra bitou fi sena bita yubil, keima bitou bikun sabit. ¹⁸ Lakin izakan huwo kutu juzu min mazra bitou baad sena bita Yubil, bad dak gesis lazim bi asibu keima bita mazra be adad bita sinin al fadul lahadi sena tani bita Yubil, wa bi nagisu keima tou. ¹⁹ Izakan zol al kutu juzu min mazra dier ashan bi rijau mazra tou, Bad dak huwo lazim bi zidu keima al kamis, wa bikun tou. ²⁰ Izakan huwo ma rijau mazra, au izakan huwo bau mazra le zol tani, ma bi rijau tanimara. ²¹ Bidal min de, mazra de , kan faku fi sena bita Yubil, bikun hadaya al mukadas le Yahuwa, ze mazra ali wodi bita kulu kulu le Yahuwa. Huwo bikun bita gesis. ²² Izakan zol kutu juzu min mazra(mahal) ali huwo istara, lakin mazra(mahal) dak ma juzu min ardi bita usra tou, ²³ bad dak gesis bi keimu adad de lahadi sinin bita Yubil, wa zol de lazim bi dafau keima tou fi yom dak ze haday al mukadas le Yahuwa. ²⁴ Fi sena bita Yubil, Mahal de bi rija le zol ali mahal de isteru, le sidi(sahib)al ardi. ²⁵ Keima de kulu lazim bi gisu be wozin bita juram bita shekel al mukadas. Ishirin jera lazim bi adilu wahid jurum. ^{26 27} Mafi zol ali bi kutu juzu min moulud al awel bein al haiwanat, minzu(min bedri) moulud al awel bita Yahuwa; sua(hata) kan tor au koruf, huwo bita Yahuwa. Izakan huwo haiwan nijis, bad dak sidi(sahib) bi isteri be keima tou, wa seir al khamis lazim bi zidu le keima dak. Izakan haiwan de ma rajau, bad dak huwo bi biyu be keima al kutu. ²⁸ Lakin mafi haja ali zol karizu le Yahuwa, min kulu hajat ali huwo indu, sua kan insan au haiwan, au ardi bita usura tou, bi biyu au rijau. Ai haja ali karizu huwo mukadas le Yahuwa. ²⁹ Mafi fidia (haja) bi dafau le zol ali karizu le demar(karaba). Zol dak lazim bi katulu. ³⁰ Ushur kulu bita ard, sua kan dura al raba fi ard au fuaki min asjar, huwo bita Yahuwa. huwo mukadas le Yahuwa. ³¹ Izakan zol rijau ai ushur tou, huwo lazim bi zidu keima tou ali khamis fogo. ³² wahid min ashara bita kulu haiwan halif, ai haja al mururu tehet hasaya bita rai(zol ali bi ainu wara haiwanat), wahid fi ashara lazim bi kutu fi taraf le Yahuwa. ³³ Rai de kede ma fetisu haiwan al kwes au al kab, wa huwo lazim kede ma badilu wahid be tani. Izakan huwo badilu, bad dak kulu de wa dak ali huwo badilu bikun mukadas. ."'Ma bi rijau. ³⁴ Del yau wasayat ali Yahuwa wodi le Musa fi Jebel Sina le shab bita Israel.