¹ Yahwah wonusu le Musa gali, ² Kelim le Harun wa awlad towo, wa le nas kulu ta Israel, wori le umon haja al Yahwah kelim ze ganun. ³ Ayi zol al min Israel al bikatulu bagara, koruf, awu ganam fi musaskar, wele bara min muaskar ashan bigedim zabiiha. ⁴ Kan huwo ma jibu hayiwon de gidam bab ta keima ta ijitima ashan bigedimu ze zabiha fi mahal ta Yahwah, zol de bikun galtan fi dofugu dom. Huwo dofugu dom, wa zol de shilu huwo bara min nus ta nas towo. ⁵ Sabab ta taalimat/ganun de ashan shaab ta Isreal bijibu zabihat towmon gidam bab ta keima ta ijitima, le gesis ashan biwodi zabina ze zabiha ta salam le Yahwah bedal bi gedimu zabiha fi mahal al fadi Meidan. ⁶ Gesis birushu dom fok mazbah ta Yahwah al fi bab ta dakalu keima ta ijitma, huwo biharagu shaham de ashan biwodi riha al hilu le Yahwah. ⁷ Wa keli ma gedim tani mara zabihat tomon le asnam ta ganamayat, al gi kutu umon ze nas ta zina. De bekun ze ganun sabit le umon ma iyal ta iyal tomon. ⁸ Inta bikelim le umon , ayi zol min Israel wala ayi zol a deifan al geni fi nus tomon, al bigedim zabiha ta haragu wala ta gadima. ⁹ Wa ma jibu zabiha de fi gidam bab ta keima ta ijitima ashan bigedimu le Yahwah, zol de bigatau bara min nas towo. ¹⁰ Iza kan ayi zol min beit ta Israel wala ayi deifan al geni fi nus takun akulu dom. Ana bi agilibu usa tayi min zol al akulu dom wa ana bigat huwo bara min nus ta nas towo. ¹¹ Ashan haya ta hayiwon moujud fi dom. Ana kalas wodi dom ta hayiwon ashan intum bi amulu kafara fok mazbah le haya takum. Asha de dom al gi amulu kafara, le anu de dom al bikafir ashan haya. ¹² Ashan kida ana kan kelim le nas ta Israel, mafi zol biaku lu dom, wala zol al deifan al geni fi nus takun bi akulu dom. ¹³ Ayi wohid min shaab ta Isreal, wala ayi deifan al geni fi nus takum, al ruwa fi gaba le sed ashan katulu hayi wan wala teir algi akulu, zol de bi dofugu dom ta hayiwon de bara wa dofunu be turab. ¹⁴ Ashan haya ta ayi kaliga fogo dom, de yau sabab al ana kan kelim le nas ta Israel, “intum keli ma akulu dom ta ayi kaligo, ashan haya ta kulu kaliga moujud fi dom. Zol al bia kulu dom biga towo bara.” ¹⁵ Ayi zol al bia kulu hayiwon al mutu barau awo katatulu ma hayiwon al batal, kan zol de weled beled wala deifan al geni fi nus takun, huwo bikasulu gumasat towo wa beredu ma moya, Kaman huwo bikun nijis lahadi Asia. Baad dak huwo bikun nedif. ¹⁶ Lakin kan huwo ma kasulu gumasat towo wa ma beredu, huwo bishilu zamb/galat towo benefsa towo.