¹ Yahwa kan nadi Musa wa kan kelim le huwo min keima ta ijtima, wa kelim gali, ² Wonusu le na ta Israel wa kelim le umon, “iza kan ayi zol fi nus takun azu jebu takadu ma le Rabuna, kede jibu tokadima taki min bagara awu koruf. ³ Iza kan takadima towo zabiha al biharagu min bagar, huwo biwodi bagara rajil al ma indu eib/ayan. Huwo bi wodi gidam bab al gi ruwa fi keimata ijtima, ashan bikun mogbul gidam ta Rabuna Yahwa. ⁴ Huwo bikutu ida towo fi ras ta takadima al biharagu de, wa biga takadima de bekun mogbul/birudu fi mahal towo biga katia towo bishilu bara. ⁵ Kaman huwo lazim bikatulu bagar degidim dom Yahwa, iyal ta Harun, al gusus, bigedim dom ta bagara de wa birushu fi altar/mahal ta daba hayiwan al gidam ta bab al gi dakalu fi keima ta ijtima. ⁶ Huwo bishilu jilid ta hayiwan de kulu bara, wa bigata hiyiwan de heta heta ⁷ Iyal ta Harun, al gusus bi wala nar fi mazbah ta aragu hayiwan wa bisala kasabat fogo nar. ⁸ Biga iyal ta Harun, al Gusus, Bikutu Gitaat ta Laham, wa ras waziut kulu fi katab al fi nar al fi mazbaha. ⁹ Lakin hajat al juwa batna wa kureinat bikasulu ma moya. Biga gesis biharagu hajat kulu al fi mazbaha ze zabiha al gi haragu. Zabiha de bijibu riha kwess le ana; bikun tagadima al amulu le ana be nar. ¹⁰ Iza kan tagadima towo min koruf owu ganamaya, keli Yakun al rajil wa nedif, ¹¹ Huwo bikatulu hayiwan de fi jiha al shamal min mahal ta dabaw hayiwan le Yahwa. Iyal ta harun, al gusus, birushu dom ta hayiwan, de fi kulu jiha bita mazbah. ¹² Huwo bigata hayiwan de heta heta ma ras wa shaham towo, wa gesis bikutu gitat ta Laham de fi nar al fi mazbah, ¹³ Lakin hajat al kan fi batna ta hayiwan de wa kurein bikasulu be moya. Biga gesis bigedimu kulu hajat de wa haragu fok mazbah. De Yawo zabiha ta hargu, wa al wodi/ta law riha hilule Yahwa, de bekun tagadima al amulu be nar. ¹⁴ Iza kan tagadima ta zol le yahwa al biharagu min tiyur ,zol de bijibu gumuria aw haman. ¹⁵ Gesis bijibu fi mazbah, bilifu ras towo ladi bigata, biharagu fi mazbah. Binagau dom de fi taraf ta mazah. ¹⁶ Huwo bitalau hajat ta batna wa bijadou taraf mazbah fi jiha ta sherik, mahal ta rumad. ¹⁷ Huwo biseretu wa fata hamama de fi nus ta jinahat towo lakin ma bigesim le etnein, biga gesis biharagu fi mazbah. Fok hatab al fi nar. Biga bikun tagadima al haragu, wa bitalau riha hilu le Yahwa, de bikun taga di ma al amulu le huwo be nar.