¹ Medina al kan maliyan maa nas hasa biga gi geni barau. Hiya biga zi mara al armala, raghmi hiya kan shaab al aazim. kan hiya amira bien al ddual, lakin hasa asuru hiya ashan bi kun fi eabudiya. ² Hiya gi kore wa gi kore shedid, wa dumue ta hiya nizil fi wosa ta hiya. Mafi wahid min habaieb ta hiya jaa ashan bi shejau hiya. sabihat ta hiya kulu kabasu hiya. homon biga aada ta hiya. ³ Baad majaa wa karisa hasiil, Yahuza ruwa le beled tani baeid. hiya gi iesh beina dual wa hiya ma ligu raha. nas kulu al kan gi turudu hiya wa ligu hiya fi huzun. ⁴ Sikat ta sahiyun kan fi huzu ashan mafi insan jaa le ihtifal. Kulu abuab ta hiya kan karabu. gulub ta kahana kan gi waja. fatawat ta hiya kan fi huzun wa hiya kaman kan indu nifsiyat. ⁵ Aadu ta hiya biga yahu said ta hiya, homon biga najiheen. Yahwah nizilu le hiya musiba ashan khataya ta hiya ketier. Iyal ta hiya biga masajeen le aadu ta hiya. ⁶ Shukul giyafa aba biniya ta sahiyun. Aumara ta hiy biga zi ghazal al ma agdeer ligu gesh al akhdar, wa homon biga ma indu gowa gedam nas al gi turudu homon. ⁷ Fii zaman al hiya ma indu biet wa ayam ta karisa ta hiya, Urshelim bi zekiir hajat ta hiya al ghali al kan hiya indu fi ayamat al bederi. wokit shaab ta hiya waga fi eda ta aaduw, kan mafi zol al saidu hiya. al aaduw ainu hiya wa ataku ashan demiru hiya. ⁸ Ureshelim amulu khatiya azim, ashan keda, hiya biga shien zi haja al waskhan. nas kulu al kan bi mejeedu hiya min wokit al homon ainu hiya ariyaani hasa homon biga bi akrau hiya. Hiya biga kore min wajaa wa hawil ashan bi ruwa beaid. ⁹ Hiya biga waskhan raghmi tunnurat ta hiya. kan hiya ma fekir aan mustaghbal ta hiya. waga ta hiya kan batal shedid, kan mafi zol al bi shejau hiya. hiya kore shedid, " Yahwah, Ainu le musiba tai,al aaduw biga ketier shedid!" ¹⁰ Al aaduw kalas kutu eda fi surwat tanina al ghali. hiya ainu dual gi dakalu fi mahalat ta hiya al mughadasa, raghmi inta kan kelim keli nas ma dakalu fi mahal ta ijtimaa taki. ¹¹ Shaab ta hiya kulu gi kore min taab zaman homon gi fetishu iesh. homon wodi hajat tomon al ghali ashan akil wa ruhu tomon bi rejaa. Yahwah, Asuma, wa ainu le ana, Ana biga ma indu faida. ¹² Nas al gi ruwa fi sika, de ma haja, keli intum ainu wa asuma iza kan fi huzun ta ayi wahid min intam zi huzun al musiba le ana de, zaman al Yahwah nizil le ana azaab fi yom ta ghadab tuo al sukhun. ¹³ Howo rasulu nar le ana min al aali, wa haragu audam de. howo wodi shrik fi kura tai wa rejaa ana wara. bi istimrar howo amulu ana haziin wa deaif. ¹⁴ Howo rubutu humula ta khataya tai maa eda tuo. kietu homon sawa wa kutu fi ragabtu tai. howo shilu gowa tai. Al said selimu ana le edan tomon, wa ana ma agdeer gum fok. ¹⁵ Al said turudu rujal tai kulu al agwiyaa al kan gi dafie aan ana. howo nadi al mejlis deed ana ashan bi kasuru rujal tai al nesheteen. al said ajeenu al aazraa biniya ta yahudiya fi tahuna ta eanaab. ¹⁶ Ana gi kore ashan hajat deel,eaun tai malaa ma moyo ea; ashan al muaazi baeid min ana,al howo yahu rejaa haya tai. Iyal tai wuduru ashan al aadu gelibu ana. ¹⁷ Sahiyun medu edan ta hiya le ausaa; kan mafi zol al bi shejeau hiya. Yahwah amiru nas al kan hawili Yacob ashan bi kun aada tuo. Le homon Ureshelim biga haja al ma nedeaif ¹⁸ Yahwah howo Bar, ashan ana itmarad deed wasaya tuo Asuma, shuob kulu wa ainu huzun tai. aazrawiyat tai wa rujal tai al agweyaa homon biga asraa. ¹⁹ Ana nadi ashab tai, lakin homon kan biga khaeneenle ana. kahanaa tai wa sheukh tai woduru fi medina, zaman al homon gi fetishu akil ashan homon bi hai. ²⁰ Asuma, Yahwah, ashan ana fi nefsiyat; batna tai gi wajaa, gelba tai ma murtah fi juwa ana, ashan ana kan mutamerid shedid. Bara, al harba gi meilu le aua, fi dakil al bietbes mutu yahu fii. ²¹ Homon asuma kore ta wajaa tai, lakin mafi zol al bi shejeau ana. aduo tai kulu asuma aan mashakil tai wa homon muksuteen mn haja al inta amulu. inta jebu yom al inta waadtaa; hasa keli homon tala zi ana. keli homon jebu shurur tomon gedam taki. ²² keli inta itaamal maa homon zi al inta itaamalta maa ana ashan khataya tai kulu. kore tai biga ketier wa gelba tai itsadm.