¹ Abuab ta Ariha kulu kan mukful be sabab ta shaab Israel. Mafi zol al bi dakalu wa mafi zol al bi tala. ² Yahawah kelim le Yashu, ''Ayinu Ana wedi Ariha be melik tuo wa kulu asakir tumon ta harib fi iden. ³ Kede iatkum lifu medina de ma kulu na takum ta harib fi zaman wahid. Amulu takum ze le fetera ta stta yom. ⁴ Saba kahana kede shilu saba trumpet gidam ta tabot. Fi yom nimra saba itakum bi lifu medina de saba marat, wa kahana de kede afugu trumbeta. ⁵ Yala kede umon afugu trumbeta be sout ali le zaman tuwil, kan itakum asuma sout ta trumpeta ahaab kulu kede ahtif be sout ali, yala hetta ta menina bi eaga tihit kulu sawa. Asakir kede hajimu ayi zol be zol. '' ⁶ Yala Yashu weled ta Nun nadi kahana wa kelim le umon, ''Shilu takum tabot al ahad, wa kede saba kahana shilu saba trumpeta gidam tabot ta Yahwa.'' ⁷ Huwo kelim le shaab, ''Ruwa takum wa lifu takum medina, wa rujal al musalahin be ruwa gidam ta tabot ta Yahwa.'' ⁸ Ze ma Yashu kelim le shaab, kahana al shilu saba trumpeta gidam ta Yahwah. Ze ma umon bada sfugu trumpeta. Tabot ta Yahwah bi ja wara tumon. ⁹ Asakir muslahin bi ruwa guidam ta kahana, wa saga bi ruwa wara tabot, wa kahana bi afugu trumpeta tumon be istimrar. ¹⁰ Yashu weri le shaab, kelim, ''Matakum ahtif. Mfi sout kede tala min kasma takum lahadi yom al ana bi weri le itakum kede ahtif.'' ¹¹ Tabot ta Yahwah lifu hawil medina mara wahid fi yom dak de. Yala umon dakalu fi kiam tumon wa nom bilele dak. ¹² Yala Yashu gum sabah bediri, wa kahana arfa tabot ta Yahwah . ¹³ Wa saba kahana al bi shilu trumpeta al saba gidam ta Yahwah umon bi ruwa wa bi afugu trumpeta. Wa nas al musalahin bi ruwa gidam tumon. Wa Saga bi ruwa wara ta tabot ta Yahwah, yala umon bi ruwa wa bi afugu trumpeta. ¹⁴ Umon lifu medina de mara wahid fi yom nimra itnin wa umon rija le kiam tumon. Umon amulu kida le fetera ta sitta yom. ¹⁵ Fi yom nimra saba umon gum bediri, wa umon lifu hawil medina be nefsa teriga al kan umon bi lifu, lakin dur de umon lifu saba marat. ¹⁶ Fi yom nimar saba, wekit kahana afugu trumpeta, yala Yashu weri le shaab kede ahtif! lanu Yahwah wedi le itakum le itakum medina de. ¹⁷ Medina de ma kulu haja al fugu bi kun mudamar le Yahwah. Ile Rahab al zania yao bi sibu hai - hiya ma nas al fi ma Huwo fi bettuo ayo bi sibu umon haiin ashan huwo dusu nas al kan anina rasulu. ¹⁸ Wa le itakum kede itakum kutu bala takum min haja ta haram, lan itakum demiro umon, matakum shilu ayi haja tumon. Kan itakum shilu haja ta haram itakum bi kutu mahal ta Israelk waskan, wa itakum bi damar le badum takum. ¹⁹ Kulu fidda, dahab, wa afash al amulu min hadid wa nihas kede kadiso le Yahwah. Kede kutu umon fi kazina ta yahwa.'' ²⁰ Wekit umon afugu trumpeta de, shaab kulu kure be sout azim wa heta waga tihit. ²¹ Umon demiro ayi haja al kan fi medina de ta kulu kulu be sef, rjal wa mara, suker wa kebir, bagarat, kurfanwa hamir. ²² Yala Yashu kelim le itnin rujal al kan jasisu beled de, ''Ruwa takum fi bet ta zania de. talatakum mara de wa kulu delin al fi ma Huwo fi bet, ze ma itakum ka halifu Huwo.'' ²³ Yala shabab al jasisu beled de dakalu juwa wa tala Rahab bara. Umon tala abu tuo, uma tuo, akuana, wa kaulu ahal al kan ma huwo fi bet. Umon kutu umon fi mahal ta Israel. ²⁴ Umon haragu medina de wa ayi haja al juwa medina de. Bes fida wa dahab wa afash al amulu min hadid wa nihas kutu fi kazina ta Yahwah. ²⁵ Lakin Yashu sibu Rahab al zania ma, bet ta abu tuo, wa ahal tuo kulu haiin. Huwo geni fi Israel lahadi yom ta aleela ashan huwo dusu rujal al Yashu rasulu ashan bi jesisu Ariha. ²⁶ Yala Yashu halifu fi zaman dak, wa kelim, ''Muluon zol al bi abinu medina ta Ariha de gidam ta Yahwah. Be bikir tuo Huwo bi kutu asas tuo, wa be taman ta iyal tuo al sukerin huwo bi rekibu abuwab tuo.'' ²⁷ Wa Yahwah kan ma Yashu, wa kabara tuo wusulu le ard kulu.