¹ Hasa kida, Joshua kan biga tala ajus wokit yahwah kelim le huwo,”Inta biga ajus, lakin lisa fi aradi ketir ashan inta bi gobudu. ² De yau ardi al lisa fadulu, kulu manatik bita nas palastiin, wa kulu nas geshuriin. ³ Min shihor al fi sherik al masir wa tijah shamal le hudud ta ekron, al tabi le nas canaaniin, gath, wa ekron-montiga ta aiwiin. ⁴ Fi junub(Montiga ta jabiliin) kulu aradi ta canaaniin min arah al tabi le sidoniin, lahadi beit lahadi aphek al fi hudud tan as amoriin. ⁵ Ardi bita gebaliin, kulu Lebanon tijah sherik min baal gad tehet jebel harmon le lebo hamath. ⁶ Bardo kulu nas al bi geni fi manatik al fogo jubal min Lebanon wa beit lahadi fi misrephoth maim fogo kulu nas sidon. Ana ni turuju humon bara gidam asakir ta Israel. Lazim keli inta gesimu aradi le nas Israel zei worisa zei ana amiru inta. ⁷ Gesimu aradi zei worisa le tiza gabail o nus ta gebila ta Manasseh. ⁸ Ma bagi nus ta gebila ta Manasseh, nas reuben wan as gad kan ligo worisa toumon al musa kan wodi le humon fi sherik ta Jordan. ⁹ Min Aroer al fi nihaya ta bahr Arnon gorge(fogo medina al fin us ta gorge) le kulu hadba ta medeba lahadi fi dibon. ¹⁰ Kulu medina ta sihon, melik ta Amoriin al hakim fi hesbon, lahadi fi hudud tan as Ammoniin. ¹¹ Gilead wag aria bita geshuriin wa maacatiin kulu tija ta jebel hermon, kulu bashan le salekah. ¹² Kulu mamlaka ta Og fi bashan al hakimu fi ashtaroth wa edrei-del yau al fadulu min rephaim-musa darabu humon wa turuju humon bara. ¹³ Lakin shab ta Israel ma turuju nas geshuriin au maacatiin. Humon gabilu nas geshur wa maacath ashan bi geni fi wasat tan as Israel lahad alela. ¹⁴ Le gebila ta lawi barau musa ma wodi aiya worisa. Zebiha ta yahwah, Allah ta Israel al amulu be nar, yau worisa toumon zei raa allah wori le musa. ¹⁵ Musa wodi worisa le gebila ta reuben kasuma bab be kasuma bab. ¹⁶ Garia toumon kan bada min Aroer fi nihaya ta bahar ta gorge, wa medina al fin us ta wadi, wa kulu hadba al fi medeba. ¹⁷ Reuben bardo ligo heshbon wa kulu medina bitou al fi hadba, dibon wa bamoth baal wa beth baal meon. ¹⁸ Wa jahaz, wa kedemoth wa mephaath. ¹⁹ Wa kiriathaim wa sibmah wa zereth shahar fir as tal bita wadi. ²⁰ Reuben bardo ligo beth peor, nenzila ta Pisgah, beth jeshimoth. ²¹ Kulu medina al fi hadba wa kulu mamlaka ta sihon melik ta amoriin al kan hakim fi heshbon al kan musa agilibu sawa ma kiadin ta midian evi, rekem, zur, hur wa reba, amra ta sihon al kan geni fi ardi. ²² Shab ta Israel bardo katulu balaam weled ta beor be shef zol al bi amulu shokol kujur fi wasat ta del al humon katulu. ²³ Hudud ta gebila ta reuben yau bahr ta Jordan de yau hudut, de kan worisa bita gebila ta reuben al wodi le aiya kasuma bab be medina toumon wa beled toumon. ²⁴ De yau haja al musa wodi le gebila ta Gad, kasuma bab be kasuma bab. ²⁵ Garia toumon ka jazer, kulu medina ta gilead wa nus ardi ta ammoriin le aroer al huwo sherik al rabbah. ²⁶ Min hesborn le Ramath Mizpah wa betonim, min mahanaim le garia ta debir. ²⁷ Fi hadba musa wodi le humon beth haram beth nimrah, Succoth wa zaphon, bagi mamlaka ta sihon melik ta heshbon ma Jordan zei hudud le tijah bahr ta kinereth akir be tehet, tijah sherik fog Jordan. ²⁸ De yau worisa ta gebila ta gad, kasuma bab be kasuma bab be medina toumon wa bilad toumon. ²⁹ Musa wodi worisa le nas ta gebila Manasseh. Kan wodi le nusu gebila ta shab ta Manasseh kasuma bab. ³⁰ Garia toumon kan min mahanaim kulu bashan, sitiin medina. ³¹ Nas ta gilead wa ashtaroth wa edrei(Medina mulkia ta Og fi bashan). Del kan wodi le kasuma bab ta machir weled ta Manasseh-nus ta shab ta machir, kasuma bab be kasuma bab. ³² de yau worisa al musk an wodi le humon min ardi ta moab lahadi fi gata Jordan fi sherik ta Jericho. ³³ Musa ma wodi aiya worisa le gebila ta lawi. Yahwah allah ta Israel yau worisa toumon zei huwo kelim le humon