¹ Wokit Jabin, melik ta Hazor asuma kalamde, huwo rasulu risala le Jobab melik ta madon, le melik ta shimron, wa le melik ta Akshaph. ² Huwo bardu al fi shamal al fogo jubal, fi alwadi ta bahr ta Jordan fi junub ta kinnereth, fi ardi al nenjil wa fi Naphoth dor le tijah ta garib. ³ Huwo bardo rasulu risala le nas canaaniin al fi sherik wa garib, Amoriin, Hasii, Perizziin, Jebusiin fi ardi al Malian be jubal, wa Hayawiin al fi tijah ta jebel Harmun al fi ardi ta Mizpah. ⁴ Kulu asakir toumon ja ma humon, kan asakir de ketir al adad toumon zei turab ta taraf-bahr humon kanendu khayl wa markabat. ⁵ Kulu muluk de gabilu fi zaman al humon tafiq fogo, wa humon amulu qeima fi mahal moyo t merom ashan bi shakila ma nas Israel. ⁶ Yahwah kelim le Joshua “Keli inta ma kafu fi gidam toumon leano bukura fi zaman zede ana bi wodi humon kulu fi ident ta Israel zei nas al mutu-mutu intum bi kasuru-kasuru kura ta khayl toumon, wa intum bi haragu markabat toumon”. ⁷ Joshua wa kulu rujal ta harib ja. Humon wosulu fajatan fi moyo ta merom, wa hajimu adu toumon. ⁸ Yahwah wodi adu fi ident tan as Israel wa humon darabu humon wa turuju humon le sidon, misrephoth maim, wa le wadi ta mizpah al fi tijah sherik. Humon darabu humon lahadi mafi sala wahid zol al kan hai al kan hai al fadulu. ⁹ Joshua amulu le humon bes zei yahwah wori le huwo. Huwo kasuru-kasusu kura ta khayl toumon wa haragu markabat toumon. ¹⁰ Joshua agilibu wara fi zaman dak wa gobudu Hazor. Huwo darabu melik too be shef. (Hazor yau kan ras ta kulu mamalik del) ¹¹ Humon darabu aiya haja al hai hinak be zol shef wa kutu humon beit ashan bi demiru, ashan kida kan mafi aiya qaliga al hai kan fadulu. Yala huwo haragu Hazor. ¹² Josuha gobudu kulu medina ta muluk del. Huwo gobudu kulu bitou wa darabu humon be sunun ta shef. Huwo demiru humon ta kulu-kulu be sunun ta shef zei Musa al kadim ta Yahwah kan amiru. ¹³ Israel ma demiry aiya medina al abinu fi ras Tilal, Lie Hazor. Huwo bes yau Joshua haragu. ¹⁴ Askir bita Israel shilu kulu hajat al nyakamu fi zaman mashakil min medina del, wa kulu haiwanat al hai le nufus toumon. Humon katulu aiya insane be shef lahadi humon mutu kulu. Humon wele shilu aiya haja al hai wa gi nefes. ¹⁵ Zei Yahwah kan amiru kadim tou musa, be nebsu tariga, musa Kaman amiru Joshua, wa Joshua amulu Kaman de. Huwo ma sibu aiya haja al ma amulu min kulu hajat del al Yahweh amiru musa ashan bi amulu. ¹⁶ Joshua shilu kulu ardi del, doula al fogo jubal, kulu neger, kulu ardi ta Goshen, tehet jubal wadi al fi bahr ta jorda, wa montiqa. ¹⁷ Min Jebel Halak gerib ma Edom, warua be huwo tijah ta shamal beit lahadi tijah ta Baal Gad fi wadi gerib ma Lebanon tehet jeleb harmon, huwo gobudu kulu muluk wa katulu humon. ¹⁸ Joshua amulu mashakil le muda zaman towil ma kulu muluk. ¹⁹ Mafi hai medina amulu salam ma asakir bita Israel ile nas Hayawiin al gi geni fi Gibeon. Israel gobudu kulu bagi medina fi mashakil. ²⁰ Leano kan Yahwah yau gowi gulub toumon ashan huwon bi demiru humon ta kulu-kulu budan rahma, bes zei huwo kan wori le Musa. ²¹ Bad de Joshua zaman dak jaw a demiru nas Anakin, huwo amulu kalam fi manatik ta juba al fi hebron, debir, anab wa al fi kulu manatik to jubal ta Yahuza, wa fi kulu manatik al fogo jubal al fi Israel. Joshua demiru humon ta kulu-kulu ma kulu medina toumon. ²² Mafi aiya wahid min Anakin kan fadulu fi ardi ta Israel ila Gaza, Gath, wa Ashdod. ²³ Joshua gobudu kulu ardi zei ma Yahwah kelim le musa. Joshua wodi ardi de zei worisa le nas Israel, wa sarafu le aiya gebila ta Israel wa ardi kana kudu raha min harib.