¹ De yau kalam ta Yahwa al ja le Joel weled ta Pathuel. ² Asuma kalam de, intum siyuk, wa asuma, sukan kulu ta ard. Hal haja ze de hasil fi ayam takum au fi ayam ta judud takum? ³ Kelimu le iyal takum anu, wa kede iyal takum kelimu iyal tomon, wa iyal tomon le jil al jai. ⁴ Haja al jarad sibu, jarad al ketir akalu; haja al jarad al ketir sibu hasarat akalu; wa haja al hasarat sibu, dud akalu. ⁵ Gum fok, intum al sakara, wa kore, intum kulu al bi asurub kamur, leanu kamur al hilu gatau bara min intum. ⁶ Doula ja le ard tai, gowi wa wa bidun adad. asnan tou huwo asnan ta ased, wa huwo indu asnan ta lobuwa. ⁷ Huwo sibu jinena inab tai le mahal fadi wa huwo gishiru shejer tiin tai. Huwo gishiru gishir tou wa jadau bara; aksan tou biga abiad. ⁸ Kun hazin ze armala al libisu gumas min shuwal ashan rajil tou mutu. ⁹ Gatau hataya ta dura wa hataya ta moshurubat min bet ta Yahwa. Gusus, Khudam ta Yahwa, hazin, ¹⁰ Akulu zira, turab bi kun hazin leanu akulu(karabu) dura. Kamur al jedid nasif; zed sagad(mafi). ¹¹ Intum muzaraiin, kun khajlan, wa kore, intum al bi zarau karma, geme wa sheir. hasad ta zira karabu. ¹² Karma yabis wa ashjar tiin yabis; ashjar ta raman yabis, asjar ta nakla kaman yabis. farah yabis min iyal ta iyal ta bashar. ¹³ Intum Gusus! libisu gumas min shuwal wa kun hazin, kore, intum khudam ta mazba. taalu, num be gumas min shuwal fi lele kulu, Intum khudam ta Allah tai. Abusu hataya ta dura wa hataya ta mosrubat min bet ta Allah taki. ¹⁴ Kutu yom ta siam mukahdas, wa kutu yom ta jumhur al mukadas. Limu shiyuk wa sukan kulu ta ard le bet ta Yahwa Allah taki. wa kore le Yahwa. ¹⁵ Alas(woe) le al yom! Yom ta Yahwa bi gerib hina. be kalam de dimar bi ja min ghadir. ¹⁶ Hal akil ma gatau min gidam uyun takum, wa farah wa shurur min bet ta Allah ta nina? ¹⁷ Bizira afan tehet wasaka tomon. makhazin biga fadi, wa kasuru makhazin, dura yabis. ¹⁸ Abgar bi shihek kef! Ghita ta abugar bi lifu sambala leanu humon ma indum ges(akil). Hata korufan tabanin. ¹⁹ Yahwa, Ana bi kore. Nar haragu ges ta beriya, wa lahab haragu asjar kulu ta ghaba. ²⁰ Hata hawinat ta ghaba bi wonusu le inta, moya ta jadawil yabis, wa nar haragu ges ta Beriya.