¹ Be taakid fi afurai fidah, mahal al humon safau dahab. ² Hadid bi talau min ard; nihas bi talau min hajer. ³ Zol bi kutu nihaya le duluma wa bi fetisu, le akir mahal, Hujar fi ghamud wa duluma al ghamid. ⁴ Huwo bi kasuru wa bi fata hufura al deig min mahal al nas bi geni fogo, mahalat al nesitu be kura ta ai zol. Huwo bi haligu beid kalis min nas; huwo bi agilibu gidam wa wara. ⁵ ze le ard, al minu bi tala rakif, huwo galab fok tehet ze be nar. ⁶ Hujar tou yau mahal al bi ligo fogo sapphires(hujar al zahari) wa turab(ghubar) tou fogo dahab. ⁷ Mafi ter al indu dufur arufu sika le mahal dak, wele ena ta sogur ainu. ⁸ Haiwant al fukurin ma douru fi sikil sika dak, wele ased al takiyan de mururu hinak. ⁹ Zol bi kutu iden tou fi hujar al sawan; huwo bi aglibu jubal be irik tomon. ¹⁰ Huwo bi gata majari bein hujar; uyun tou bi ainu hinak hajat al indu kheima. ¹¹ Huwo bi robutu jadawil ashan ma bi jere; huwo bi jibu haja al dusu nefsu hinak le nur. ¹² Hikma bi ligo wen? Mahal ta fihim wen? ¹³ Insan(zol) ma arufu ser tou; wele bi ligo fi ard ta nas al aishin. ¹⁴ Miya al umk(juwa shidid) tehet ard bi gul, 'mafi le ana'; bahar bi gul mafi ma ana.' ¹⁵ Ma bi ligo be dahab; wele fidah bi wozinu ze ser tou. ¹⁶ Ma bi keimu ma dahab ta Ophir, ma hajer al asued au sapphire. ¹⁷ Dahab wa bolor ma bi sawi huwo fi keima; wele bi badilu be silsila ta dahab al asli. ¹⁸ mata zekiru keima be Coral au Jasper; feilan, ser ta hikma yau aktar min Yaqut. ¹⁹ Topaz ta Kush ma bi sawi huwo; wele bi keimu be teriga ta dahab al tahir ²⁰ Min wen, bad dak, hikima bi ja?Mahal ta fihim wenu ²¹ Hikma dusu min uyun ta kulu kainat al hai wa dusu uyun ta tiyur ta samah. ²² Dimar wa mutu gal, 'Nina asuma bes be ishahat an huwo be adana ta nina,' ²³ Allah fahim(arufu) sika al bi ruwa fogo. Fa ²⁴ Huwo bi suf lahadi akir ta ard wa ainu tehet samah kulu. ²⁵ Huwo bi kutu guwa ta hawa wa talau juzu min miya bara be mizan. ²⁶ Huwo amulu karar le matara wa sika ta saga. ²⁷ Bad dak huwo bi ainu hikma wa bi alinu; huwo bi asisu, feilan wa huwo bi fahisu. ²⁸ Le nas huwo gal, 'Ainu, Kafu ta Rabuna- huwo hikma; ashan ta tala min shar huwo.'"