¹ Bad dak Ayub juwabu wa gal, ² Kef inta saidu zol al ma indu guwa! kef inta ankizu idan al ma indu gudra! ³ Kef inta arsidu zol al ma indu hikma wa alinu le huwo marafa! ⁴ Be musada ta munu al inta wonusu kilmat de? roho ta munu yau tala baramin inta? ⁵ Kutu meitin ashan bi regif, Del al fi tehet miya wa kulu al bi geni juwa humon. ⁶ Sheol ariyan gidam Allah; demar be nefsu ma indu kuta did huwo. ⁷ Huwo bi midu fada al shimaliya fok jou fadi, wa huwo bi haligu ard fok haja al mafi. ⁸ Huwo bi robutu(limu) miya fi sihaf tou al semik(tegil), lakin sihaf ma moshurut tehet humon. ⁹ Huwo bi kahti Shutu(mahal) ta gamar wa shetetu sihaf tou fogo. ¹⁰ Huwo afura hudud al daira fi shutu ta miya ze khat bein nur wa duluma. ¹¹ Hamud ta samah bi regif wa zalanin be tobihk tou. ¹² Huwo hada bahar be guwa tou; be fihim tou huwo demiru Rahab. ¹³ Be nefes tou huwo amulu fada nedif; idan tou atanu debiba al jere. ¹⁴ Ainu(suf) del yau lakin hudud ta sikat tou; nina bi asuma hams tou kef! Munu bi fahim guwa ta raad(saga) tou kef?"