¹ Kan fi rajil fi ardi ta Uz al isim towo Ayub; wa Ayub kan bila loum wa adil, wahid al gi kafu Allah wa gelibu min shar. ² le huwo kan weledu saba aulat wa talata banat. ³ Huwo indu saba alf korfan , talata al jumal , kumsumiya terran wa kumsumiya Humar wa kadamiin ketir. Huwo kan rajil al adiim fi kulu nas ta sherik. ⁴ Fi kulu weled fi Yom, al huwo bi amulu hafla fi bed towo. Humon bi resulu wa nadi ikwatum al talata ashan ja akulu wa ashrab mahum. ⁵ kan yom ta hafla kalasu , Ayub bi rasulu lom wa hu bi nedifum . Hu bi gum sabah bediri wa gedim zebiha mahruk le gusad aiya auladu , wa hu bi kelim ,”hu bikun aulad tai amulu katiya wa naalu Allah fi gulubum. “Ayub daiman gi amulu de. ⁶ Yala huwo kan yom al aulat ta Allah ja ashan gedim nufusum gidam Yahweh. Satan Kaman ja mahum. ⁷ Yahweh kelim le Satan ,” Min wen ita ja ? “ yala Satan juwabu Yahweh wa kelim, “ min lafaat fi ardi, min ruah hini wa hinak.” ⁸ Yahweh kelim le Satan, “ Hal ita iktebir kadam tai Ayub? “ lianu mafi wahid zehu fi ardi, bila loum wa rajil adil , wahid al bi kaaf Allah wa gelibu min katiya bara. “ ⁹ Yala Satan juwabu Yahweh wa kelim, “ Hal ashan bila sabab yau Ayub gi kaaf Allah? ¹⁰ inta ma kutu higis haulu , haulu bed towo ,wa haulu kulu hajatu al taabi lou min kulu tijah ? Inta bariku shokol ta Yeden towo, wa bahaim towo sheeted fi fi kulu ardi. ¹¹ lakin hasa shilu yeden taki wa lemesu kulu al hu indu, wa ainu iza kan huwo mabi naalu ita fi woshak. ¹² “Yahweh kelim le Satan, “ Degiga, kulu al huwo indu fi yeden taki .bes ile didu benefsu mata lemesu yeden taki fogo. “ Yala Satan tala bara min gidam ta Yahweh. ¹³ Hu ja fi yom tani , aulat towo wa banat towo kan gi akulu wa ashrab merisa fi bed ta akuum al akebir. ¹⁴ Murasula ja le Ayub wa kelim, “ Al tor gi kuruju wa Hamir gi akulu fi jambum. ¹⁵ Yala al Sabeaniin waga fogum wa shilum bara. Ze le Kadamiin del hum dukum ma kashum Sef. Ana al wahid al insehib ashan ja wori le inta.” ¹⁶ Ze huwo lisa wonudu, kadam tani ja wa kelemu, " nar ta Rabuna waga min samawat wa arugu gorufan ma Kadamiin. Ana al wahid al insehib ashan ja wori le inta.” ¹⁷ wokit huwo lisa kan gi wonusu, tani Kaman ja wa kelim,” Al chaldeaniin min talata mojmu ,amulu hujum fi jumal, was shilum bara. Ze le Kadamiin del ,humon katum ma sef . Ana alwahid al insehib ashan ja wori le inta.” ¹⁸ wokit huwo lisa gi wonusu, tani Kaman jaw a kelim, Aulat taki wa banat taki kan gi akulu wa asrab merisa fi bed ta Akuum al akbar . ¹⁹ Hawa tegil ja min gaba wa dugu kulu arba rukun ta bed. Hu waga fi shabaab del, wa humon mutu. Ana alwahid al insehib ashan ja wori le inta.” ²⁰ Yala Ayub gum, sheretu jalabiya towo, Zenu shar towo, dengiri wusa towo fi waata, wa mejidu Allah. ²¹ Huwo kelim,” Ana kan ariyan wokit ana tala min botun umi, wa ana Kaman bi rija arian hinak. Huwo de Yahweh yau wodi , wa de huwo yau shilu. Keli isim ta Yahweh bariku. “ ²² Fi kulu mushkila de , Ayub ma amulu katiya,wala huwo isteki Allah fi amulu haja batal.