¹ Mafi dulum bi kun le de al indu waja. Ze ma wekit al bediri amulu ihana le ard ta Zabalun wa Nafatali, lakin fi zaman al akir huwo kutu guwo mumajad, sika ta bahar, gata bahar ta Urdon, Jelil ta umam. ² Shaab al bi geni fi duluma ayinu nur azim; wa delin al ish fi dul ta mutu, nur wala le umon. ³ Inta zidu umam; wa inta zidu farah tumon. Umon bi afrah gidam taki ze fi zaman ta hasad, ze rujal be afrah kan ymon bi gesimu ganima. ⁴ Lanu nir ta tegila tuo, wa asaya ta kitfa tuo, wa asaya ta de la bi assuru huwo, inta berjilu ze fi yom ta Midian. ⁵ Ashan ayi gizima ta zol ta harib wa gumash al lakbatu ma dum be aragu, bi kun jaz ta nar. ⁶ Lanu weledu le anina jena, wa wedi le anina weled; wa hukum bi kun fi kitifa tuo; wa isim tuo bi nadi Mushir Ajib, Allah al gadir, Abu abadi, Amkir ta Salam. ⁷ Mafi nihyay le hukum ta tuo wa mafi nihaya le Salam, ze huwo bi hakimu fi kuris ta Daoud, wa fi mamalaka tuo, ashan bi asisu wa bi sabitu be adala wa bir min zaman de le gidam wa lel abad. Gira ta Yahwah Rab al junud bi amulu kalam de. ⁸ Rabuna rasulu kilima did Yagub, wa bi waga fi Israel. ⁹ Shaab kulu bi arufu huwo, hata Afraim ma sukin ta Samira, al bi wunuso be kibiria wa arfa negfsa, ¹⁰ Toob waga, lakin anina bi abinu tani be hujar al guwi; jimez gata wa anina badilu be uraz.'' ¹¹ Ashan kida Yahwah bi gum fuk did huwo Resin, adu tuo, wa ana bi shetetu adu tuo, ¹² Aramiin fi safa sherik, wa Falastiniin fi garib. Umon bi akulu Israel be kasma muftu. Fi kulu hajat de, zalan tuo ma wasa; lakin iden tuo bi midu. ^{13 14 15} Lisa shaab ma rija le de al durubu, wele umon bi fetisu Yahwah Rab al junud. Ashan kida Yahwah bi gata min Israel ras wa danaba, shejera ta balah wa assal, fi wahid yom. Sheak wa delin al bi fekir umon ras; wa nebi al bi terisu kizib yao danaba. ¹⁶ Delin al bi wuduru shaab, wa delin bi gedimu umon de bi abulau umon. ¹⁷ Ashan kida Rabuna ma bi afrah be shabab tumon wele huwo bi kun indu rahma le abuhat ma aramil tumon, min ma ayi bi bidun rabuna wa bi amulu sher, wa ayi kasma bi wunuso hajat al belid. Fi hajat de kulu, zalan tuo ma wasa; lakin iden tuo lisa bi midu. ¹⁸ Sher bi aragu ze nar; bi akulu hasak wa shuk; kaman bi aragu gabat al kubar, al dukahn tuo bi gum fuk ze amuod. ¹⁹ Be wasat gadab ta Rab al junud bi aragu ard, wa shaab yao bi kun jas ta nar. Mafi insan bi angizu aku tuo. ²⁰ Umon bi nakamu akil be ida al yumin lakin lisa umon bi tala jian; umon bi akulu akil be iden al shuaml lakin ma bi tala shaban. Ayi wahid bi akulu laham ta jisim tuo. ²¹ Manassa bi akulu Afraim, wa Afraim bi akulu Manassa; wa umon bi limu sawa wa bi hajimu Yahuza. Fi hajat de kulu, zalan tuo ma wasa; lakin iden tuo lisa bi midu.