¹ Gadib bi tala min jiza Yasse, wa fere bi tala min juzur bitou bi weledu samara. ² Roho ta Yahwoh bi geni le huwo, roho ta hikma wa fihim, roho ta moshura wa guwa, roho ta maarif wa makafa ta Yahwoh. ³ Farah bitou bikun makafa ta Rabuna, huwo ma bi hakimu hasab ena bitou bi ainu, ma bi hakimu hasab adana bitou bi asuma. ⁴ Lakin, huwo bi hukumu al maskin be adala wa bi hakimu be ansaf le arid al mutuwade. Huwo bi durubu al arid ma al gadib ta kasma bitou, wa ma nefes ta shafaten bitou huwo bi katulu al sherir. ⁵ shokol adil bikun rubat ta sulta bitou, wa amana rubat hawli atraf bitou. ⁶ Al zeib(morfain) bi genin ma koruf, wa nimir bi num ma ganamaya, Al ijil,jena ta ased wa ijil al semen, sawa. Jena suker bi sugu humon. ⁷ Al bagara wa al dub bi shilu sawa, wa iyal bitomon bi num sawa.Al ased bi akulu fadalat ta dura ze bagara. ⁸ Jena al bi rada bi alabu fi ufura ta debiba, wa jena al fotumu bi kutu ida bitou fi hufura ta dabaib. ⁹ Humon ma bi amulu batal wa la bi demiru fi kulu jebel ta kuds bitai. Leanu arid bikun maliyan min maarafa ta Yahwoh, ze moyo bi kati bahar. ¹⁰ Fi yom dak, jazar ta Yasse bi arfa raya ta shuab. Al uma bi rija le huwo, mahal ta raha bitou bikun mejid. ¹¹ Fi yom dak, Rabuna bi rija midu ida bitou tani ashan bi kati bagi nas bitou al fadulu fi Ashur, Masir, Fathros,Cush, Elam, Shinar, Hamath, wa Jazair ta bahar. ¹² Huwo bi arfa fok raya ta umon wa bi limu morfudin ta Israel wa al mushtetin ta Yahuza min arba itijahad ta arid. ¹³ Huwo bi shilu bara hasada ta Afraim, wa Adawa ta Yahuza bi gatau. Afraim ma bi hasidu Yahuza, wa Yahuza ma bi amulu adawa le Afraim. ¹⁴ Lakin ma bi intehi ala jibal ta Filistin fi garib, wa humon ma baad bi nahabu nas ta sherik. Humon bi hajimu Adom ma moab, wa shaab ta Ammon bi tei humon. ¹⁵ Yahwoh bi demiru Kalij ta bahar ta masir. Ma hawa bitou al gowi huwo bi hizu ida biotu le nahar al Farat wa bi gesimu huwo le saba mamarat, yala huwo bi agder ruwa fogo be ahziya(safingat). ¹⁶ Hinak bikun fi sika al seri le bagi shaab bitou al rija min Ashur, ze kan le Israel fi ruju bitomon min arid ta Masir.