¹ Rauya ta Ashaya jena ta Amos, al huwo ayinu be kusus Yahuza wa Urshelim, fi ayamat at Uzziah, Yusam, Ahaz, wa Hazekiah, muluk ta Yahuza. ² Asuma ya samawat, wa kutu bala, ya ard; lanu Yahwah wunuso: ''Ana guoumu wa raba iyal, lakin umon merid did ana. ³ Tor bi arufu sidi tuo, wa humar bi arufu mahal akil ta said tuo, lakin Israel ma arufu, Israel ma bi fahim.'' ⁴ Wululu! la nasn al katiin, shaab al asuru tihit be katiya, iyal ta nas al bi amulu sher, iyal al bi ishtakal be fasad! Umon sibu Yahwah, umon alisu Kudus Israel, umon guwi badun tumon min huwo. ⁵ Le lisa bi dugu itakum? Malu itakum bi merid ketir wan ketir? Ras kulu ayan, geliba kulu deif. ⁶ Min batna kura le lahadi fi ras mafi mahal al kues; tabarat bes, wa dabarat al lisa jedid; lisa ma gufulu, nedifu, rubutu, wele aliju ma zeat. ⁷ Beled takum karabu; mudon takum aragu; mahal zara takum adu bi demiro gidam takum- wa karban, shilu be ajanib. ⁸ Biniya ta Sahiun sibu ze rukuba fi mahal zara, ze dul fi jinena ta karma, ze medina al hawitu. ⁹ Kan kan ma Yahwah ta junud sibu bagi ta nina, inna kan biga ze Sodoma, wa inna shabihu Gomora. ¹⁰ Auma takum kelima ta Yahwah, intakun hukam ta Sodoma; asuma takum le ganoon ta Allah, intakum na ta Gomora: ¹¹ ''Le shunu zabaeih takum ketir le ana?'' Yahwah kelim. ''Ana indu kifaya min muhragat kurfan takum, wa hajat takum al semin; wa min dom ta teran takum, kurfan, wele ganamayat ana ma bi hibu. ¹² kan intakum bi ja zahir gidam tai, munu yao aslau min intakum, ashan intakum bi dusu bet tai? ¹³ Tani matkum jibu zabaih al ma indu mana; bakur mukruh le ana; gamara takum al jedid wa ijtima takum ta ayamat ta Sebit- Ana ma bi rudu ijtimaat ta sher. ¹⁴ Ana akrahu bidaya ta shuhur takum wa ihtifalat; umon tegila le ana; Ana taban min tahamul tumon. ¹⁵ Yala kan intakum bi midu idenat takum fi salawat, Ana bi dusu uyon tai min intakum; idenat takum malian ma dum. ¹⁶ Kasulu, wa nedifu badum takum; wasa takum sher ta amail takum min ena tai; wegif takum sher; ¹⁷ alimu takum amulu kues; fetishu takum adala, amulu takum sikat adil, wedi takum adala le atimin, difa takum armala.'' ¹⁸ ''Taal takum hasa, kede anina wunuso sawa,'' Yahwah kelim; ''Hata kan kataya takum ze gurmuz, umon bi kun abiyad ze telij; hata kan umon ahmar ze dudi, umon bi kun ze sof. ¹⁹ Kan intakum rudu wa teii, intakum bi akulu kues ta ard de, ²⁰ lakin kan intakum aba wa merid, sef bi akulu intakum,'' lanu kasma ta Yahwah wunuso. ²¹ Ke medina al amin biga zania! Hiya al kan malian be adala hiya kan malian be bir, lakin hasa hiya malian be katalin. ²² Fidda takum biga waskan, kumur takum lakbatu be moyo. ²³ Ruwasa takum mutmeridin wa nas al bi duru ma haramiya; ayi zol hibu rushuwa wa bi jere wara haja al majani. Umon ma bi difa atim, wele kure ta armala ma bi wusulu gidam tumon. ²⁴ Ashan kida de yao elaan ata Yahwah ta junud, al Gadir ta Israel: ''Wululu le umon! Ana bi integim did adu tai, wa ana bi integim be nefsa tai did adu tai; ²⁵ Ana bi gilibu iden tai did itakum, nedifu takum zagal takum be burak, wa shilu takum zagal takum kulu. ²⁶ Ana bi rija guda takum ze awel, wa mushrifin takum ze bidaya; baat kida bi nadi inta medina ta bir, medina al amin.'' ²⁷ Sahiun bi afdi huwo be adala, wa delin tuo al tub be bir. ²⁸ Mutmeridin wa kuta bi demiro umon sawa, wa delin al sibu Yahwah bi mutu. ²⁹ ''Lanu umon bi kun indu fadiya min ashjar ta batum al intakum indu niya fugu, wa bi karabu niya takum le jinena al intakum iktar. ³⁰ Lanu intakum bi kun ze batum al sibu kurufu tuo waga, wa ze jinena al ma indu moyo. ³¹ Rajil al guwi bi kun ze hadid al taban, wa shukul tuo ze sharar ta nar; umon kulu bi aragu sawa, wa mafi zol bi batulu umon.''