¹ Risala al Habakok istelim, ² "Yahuwa, lahadi meten ana bi kore musada, wa ita ma bi asoma? Ana kore le ita, 'Fi zulum!' lakin ita ma bi ankizo. ³ Malo ita koto ana aino shar wa katia? Damar wa zulum gidam tai; shakila wa khilafa bi zido. ⁴ Ashan keda mafi zol bi asuma le ganon ta Musa, wa addala ma bi geni le fatra towil. Leano shar bi gilibo nas al abrar; ashan keda addala mafi. "Yahuwa kan rudu le Habakuk. ⁵ "Aino le umamm wa deriso humon; kede intum istagarab! Ashan ana bi ruwa amolo haja fi zaman takom al intum ma bi sedeg kan wori le intum. ⁶ Aino! Ana bi ruwa arufa Kaldaneen - shab al tekiyan- humon bi daoro fi aradi ashan nykamo biyot al ma ta tumon. ⁷ Humon kutu nas bi kafo rogoso min humon; humon bi fekiro ino de hag tumon ashan bi hakimo nas. ⁸ Husan tumon bi jere futu nimir, batal futu zeeb ta misa. Forsan tumon ja min mahal bead - humon bi tire ze nisr al der gobodo ferisa tou. ⁹ Humon kulu bi ja le shakila; humon bi ja ze gubar ta sahar, wa humon bi limo asra (nas al gobodo fi harib) tumon ze ramla. ¹¹ Humon bi aliso molok, wa humon bi aliso hukam. Humon bi atako le huson al gawi, ashan humon bi amolo jebel min turab wa bi dakalo fi mrdina de. ¹⁰ Yala humon bi dakalo ze hawa; biga humon bi foto le makan tani- humon galtanen, ashan humon bi fekif ino guwa tumon yao illah tumon." Habakok gom asalo Yahuwa sual tani ¹² Ita yao ma min zaman al beid, Yahuwa Illah ta tai, al wahid Al Kudus? Enna ma bi mutu. Yahuwa yao kutu humon ashan bi hakimo enna, wa ita, Hajer, yao asiso humon ashan bi adilo enna. ¹³ Ena taki nedif ashan bi aino shar, wa ita ma bi agder aino haja batal be rahama; malo bigabi aino be raham le del al aglibo did ita? Malo ita bi askot fi zaman al ashrar bi abula delin al nedifi min humon? ¹⁴ Ita kutu nas ze samaga fi bahar, ze hasharat al ma indo hakim. ¹⁵ Huwo bi gobudo humon be jabada; huwo bi amsoko nas fi shabaka tou; huow bi limo humon sawa fi shabaka tou; yala huwo bi alabo murtah. ¹⁶ Shan keda huwo bi wodi zebiha le shabaka tou, wa harago bokhor le kemin ta tou, ashan be sabab ta shabaka de huwo bi ish murtah, wa akil ta tou maliyan. ¹⁷ Kede huwo istemir fadi shabaka tou de, wa kede huwo istemir katulu ummam bedon rahama?"