¹ Biga huwo kore fi adan tai ma sawt fok, wa kelim, Kede huras ja le medina, kulu wahid ma silah tou ta tadmir fi yadan tou. ² ''Yala ayenu! Sita rijal ja min sika ta bab al fok al tija shamal, kulu wahid ma silah tou ta dabahu fi yadan tou. Hinak kan zol fi nus tomon libisu kitan ma mueaddad ta ketab fi jambo tou. Fa humon dakalu wa wogif taraf mazbah ta bronze. ³ Yala mejid ta Allah ta Israel ruwa fok min al malaiyka al kan fi ataba ta bet. Huwo nadi le zol al libisu kitan al indu mueaddad ta ketab fi safa tou. ⁴ Yahwa keim le ana, ''Mururu min nus ta medina __fi nus ta Uruselim__wa kutu alama fgog wosa ta del al bi neng neng wa waja gelba ann kulu fagarat amulu fi nus ta medina.''' ⁵ Yala huwo wonusu le tanina fi adana tai, ''Mururu min al medina bi wara tou wa katulu. Ma ta sibu uyuun taki kun ma rahma, wa ma ta kutu humon ezber ⁶ kan zol kebir, shaab, azara, iyal sokaraw nasawiin.Katulu humon kulu. Lakin ma ta ja gerib ma aye wahid al indu alama fi ras tou.Bada fi haykal tai!'' Fa humon bada ma shuyukh al kan fi gedam ta bet. ⁷ Huwo kelim le humon, ''Nejesu al bet, wa mala medan bet tou ma al mayit. tagadam!'' Fa humon ruwa bara wa hujumu al medina. ⁸ Ze humon kan bi hujumu, Ana ligo nefsa tai barau wa ana waga fogo wosa tai wa kore bara wa kelim, ''Oh, Rabuna Yahwa, hal inta bi demiru ana kulu bagi ta Israel fi dufugu ta zalan taki fogo Uruselim?''' ⁹ Huwo kelim le ana, ''Al iithm ta bet ta Israel wa Yahuza azim jiddan. Al ard maliyan min dom wa al medina maliyan min fasad, min zaman humon kelim, Yahwa nesitu al ard; wa Yahwa ma bi ayenu! ¹⁰ Fa, yala, ena tai ma bi ayenu ma rahma, wa ana ma bi kutu humon ezber. lakin ana bi jibu fogo ras tomon kulu. ¹¹ ''Ayenu! Zol al libisu kitan al indu mueadad ketab fi tija tou al bi dahar. Huwo wori wa kelim, ;;ana amulu kulu al inta amiru ma ana.''