¹ Yala inta, jna ta insaan, shilu safe seniin ze muz halaqa le nefsa taki, wa muz fogo ras taki wa dikin taki, yala shilu mezan ashan waznu wa gesimu sharr taki. ² Haragu sulsu tou ma nar fi nus ta medina zaman ayam ta hisar intaha, wa shilu sulsu ta sharr wa hujumu ma safe, kulu hawili medina. Yala shetetu sulsu tou le hawa, wa Ana bi rasim bara safe ashan turuju wara nas. ³ Lakin shilu addad soker ta sharr min humon wa rubutu humon fi zariba ta malabis taki. ⁴ Yala ketir ta sharr wa jadau fi nus taki nar, wa haragu fi juwa nar; min hinak nar bi ruwa bara bara le kulu bet ta Israel.'' ⁵ Rabuna Yahwa kelim keda, ''De yau Uruselim fi nus ta umam, hinak ana kutu heya wa hinak ana lifu heya ma aradi tanin. ⁶ Lakin heya indu sharr ab kararat tai aktar min al umam indu, wa qawanin tai aktar min al delaad al hawili hya. Nas aba hukum tai a ma dowuru fi qawanin tai.'' ⁷ Ashan keda Rabuna Yahwa kelim keda, ''Leanu mashakil takum ketir min al umam al hawili intum wa ma dowuru fi qawanin tai aw amulu hasab kararat tai, aw hata amulu hasb kararat tai aw hata amulu hasb kararat ta umam al hawili inta, ⁸ '''Ashan keda Rabuna Yahwa kelim keda, ''ayenu Ana bi nefsa tai bi amulu ded inta. Ana bi nefizu ahkam fi nus takum ashan umma bi ayenu. ⁹ Ana bi amulu le inta haja al ana ma amulu wa shikil al ana ma bi amulu tani, ashan kulu amayiel taki al affin. ¹⁰ Ashan keda abuhat bi akulu iyal fi nus takum, wa awulad bi akulu abuhat tomon, min zaman dak ala ana bi nefizu hukum fogo intum wa shetetu le kulu tijahat intum al kulu fadulu. ¹¹ Ashn keda, ze ma ana hai_de yau elan Rabuna Yahwa_huwo akhid leanu ita waskanu mazbah tai ma hajat taki ta kerihiya wa ma kulu amayiel al shein, al ana ma nefsa tai bi nagisu adan taki, uyuun tai ma kun endu rahma fogo intawa ana ma bi geiru inta. ¹² Talata aeba takum bi mutu ma waba, wa bi akulu humon ma maja fi nus takum. talata arba bi waga ma safe hawili itakum. Yala ana bi shetetu talata arba fi kulu tijahat, wa bi tala bara safe ashan bi turuju wara tomon . ¹³ Yala zalan tai bi kamilu, wa ana bi kutu zalan ashan humon bi akudu raha. ana bi kun shaan, wa humon bi arufu inu ana, Yahwa, yau wonusu fi zalan tai zaman ana kamilu zalan tai ded humon. ¹⁴ Ana bi kutu inta karab wa louma le umam al hawili intum fi nazra ta kulu zol al mururu min hinak. ¹⁵ Fa Uruselim bi ja kun haja le nas tanin ashan hukumu wa ashan bi alisu, inzar wa khawf le umam al hawili intum. Ana bi nefiz hukum ded inta fi darawa, wa ma tubikh ta zalan__ Ana, Yahwa alinu keda! ¹⁶ Ana bi rasulu bara nishabat guwi ta majaea ded inta al bi ja teriga al ana bi demiru inta. Leanu ana zidu al majaea fogo inta wa kasuruamilin ta khabaz. ¹⁷ Ana bi rasulu majaea wa karisa ded inta ashan inta bi kun bidun iyal. waba wa dom bi mur min inta, wa ana bi jibu safe ded inta__ Ana, Yahwa, alinu keda.''