¹ Kelim ta Yahwa ja le ana fi tisa sana, fi ashara shahar, wa fi ashara yom ta shahar, gal, ² ''Jena ta insaan, katibu le nefsa taki al isim ta yom de, nefsu yom de, leanu nefsu yom de melik ta Babylon asuru Uruselim. ³ Fa wonusu masal ded bet al mutamarrid, misaal. Kelim le humon, 'Rabuna Yahwa kelim keda: kutu guruma ta rakabu. Kutu huwo wa kubu moyo fogo. ⁴ Limu qita akil fi juwa tou, kulu qita al kwes__kura wa katf__wa malau fi dakil eizam alafdal. ⁵ Shilu al afdal min qatie wa kawmu fok al eizam tihit tou. Jibu huwo le agilibu wa rakabu eizam fogo. ⁶ Ashan keda Rabuna Yahwa kelim keda: Wayl le medina ta dom, guruma ta rakabu adak al mustajil fogo wa isteajal ma bi tala bara min fogo. Shilu qieta ba qieta min fogo, lakin ma ta jada al ketir fogo. ⁷ Leanu dom ta heya fi nus ta heya. Heya jahizu fi hajar al nayim; heya ma kubu huwo bara fogo ard ashan bi khati ma turab, ⁸ fa huwo jibu zalan fok le intiqam al saa. Ana kutu dom fogo hajar al nayim ashan ma bi khati huwo. ⁹ Ashan keda, Rabuna Yahwa kelim: Wayl le madina ta dom. Ana kaman bi kebiru al kawma ta kasab. ¹⁰ Kawmu fok al kasab wa walau nar. Rakabu al lahm tamum wa ajinu fi qieta wa keda eazam kun fadi. ¹¹ Yala jahizu al huruma fogo jamuur tou al fadi, ashan harara wa alama ta bronze, ashan huwo ma nedif fi juwa tou huwo bi sahi, sada tou bi akulu. ¹² Heya biga khayif min taab, lakin sada ta heya ma futu bara min heya bi wasat nar. ¹³ Suluk taki ta fadiya fogo adm nadafa. Leanu ana hawil ashan bi nadifu inta lakin inta lisa ma bi kun nadif min adm nadafa taki, inta ma bi kun nadif tani lahadi ana bi rudu ma zalan fogo inta. ¹⁴ Ana Yahwa alinu, wa ana bi amulu. Ana ma bi rija wele ana bi akudu rah min huwo. Ze kan fi sikat takum, wa ze nashatat takum, humon hukumu inta!__de yau elan ta Rabuna Yahwa,''' ¹⁵ Yala kalam ta Yahwa ja le ana, gal, ¹⁶ Jena ta insaan! ayenu, ana ana shilu raqba ta uyuun taki min inta ma waba, lakin inta ma bi hazin wele kore, wa moyo ena taki keda ma kubu. ¹⁷ Inta lazim bi neng neng fi samt. Ma ta amulu jinaza le meit. Rubutu eamama taki fogo inta a kutu sefinja taki fi kura taki, lakin ma ta khati wosa ta shar taki aw akulu reqif ta insaan al hazin al faqidu nuswan tomon'' ¹⁸ Fa ana wonusu la nas fi sabah, wa mara tai mutu fi ashiya. Fi sabah ana amulu haja al wori le ana kede amulu. ¹⁹ Nas asalu ana, ''Hal inta am bi kelim anina hajat del mana tou , hajat al inta bi amulu?'' ²⁰ Fa ana kelim le humon, ''kalam ta Yahwa ja le ana gal, ²¹ 'Kelim le bet ta Israel, Rabuna Yahwa gal keda: Ayenu! ana bi waskanu haykal tai__dala ta guwa taki, frah ta uyuun taki, wa istiyak ta roho taki, wa awulaad taki wa banat taki al inta sibu wara bi waga bi wasat sayf. ²² Yala inta bi amulu saa ze ana amulu: inta ma bi khati wosa ta shar taki, wele akulu reqif ta rijal ta sabah! ²³ Lakin, eamama taki bi kun fi ras taki, wa sefinja taki bi kun fi kura taki; inta ma bi hazin wele kore, leanu inta sahi bara fi iithm taki, wa kulu inassn bi neng neng le aku tou. ²⁴ Fa Ezekiel bi kun alama le inta, ze kulu hajat al huwo amulu inta bi amulu kan zaman de ja. Yala inta bi arufuinu ana Rabuna Yahwa!'''' ²⁵ Lakin inta jena ta insaan, fi yom de ana amsuku haykal tomon, al yau frah tomon, dala tomon, wa haja al homon ayenu wa nia__wa zaman ana shilu bara awulaad tomon wa banat __ ²⁶ fi yom de, laja bi ja le inta ashan bi wodi le inta akbar! ²⁷ Fi yom de kasma taki bi kun fata le laja wa inta bi kelim__inta ma bi askut. Inta bi kun alama le humon ashan humon bi arufu inu ana Yahwa.''