¹ Fi lel dak melik ma agder ashan bi num. Huwo amiru khudam ashan bi jibu sejil bita ahdas ta hukum tou, wa agarau umon be sot fok gidam melik. ² Huwo ligo kan sejilu hinak inu Mordecai wonusu an Bigthana wa Teresh, itnin min dubad ta melik al bi haresu buaba, al umon jeribu ashan bi augu Ahasuerus. ³ Melik asalu, "amulu kan sunu ashan bi wodi ihtiram au temiyiz(meizu) le Mordecai fi amulu kalam de?" Bad dak shabab bita melik al bi khadim huwo gal, "mafi haja amulu le huwo ⁴ Melik gal, "Munu yau fi batna hos?" Hasa Haman dakalu bara al hos bita bet ta melik ashan wonusu le huwo an kanagu Mordecai fi masnaga al kutu fok le huwo. ⁵ Khudam ta melik kelimu le huwo, "Haman wagif fi batna hos." melik kelimu, "Keli huwo dakal juwa." ⁶ Zaman Haman dakalu, Melik kelimu le huwo, "Bi amulu sunu le zol al melik der ashan bi ihterimu?" Hasa Haman gal le nefsu, "Munu yau melik der ihterimu aktar min ana?" ⁷ Haman kelimu le melik, "Zol al melik der ashan bi ihterimu, ⁸ kede jibu libsa(gumas) bita melik, libsa al melik kan libisu, wa husan al kan melik sugu wa fi taj bikun fi ras tou. ⁹ Bad dak libsa wa husan bi wodi le zol al mohim bita melik. Kede umon libisu zol al melik indu niya(der) ashan bi ihterimu, wa kede umon gedimu huwo fi ras husan le sikat kulu bita medina(asima. Kede umon alinu gidamu, 'De yau haja al amulu le zol al melik der ihterimu!" ¹⁰ Bad dak melik kelimu le Haman, '"Asra, shilu libsa wa husan, ze inta kelimu, wa amulu kalam de le Mordecai yahudi al bi geni fi bab hos ta Melik. Mata sagit fi ai kalam al inta kelimu." ¹¹ Bad dak Haman shalu libsa wa husan. huwo libisu Mordecai wa gedimu huwo fi ra husan fi kulu sikat bita medina. huwo alinu gidamu, De yau haja al amulu le zol al meilk der ihterimu!" ¹² Mordecai raja fi bab hos ta Melik. Lakin Haman dakal seri fi dakil bet tou, hazin,(bi kore), ras tou mokful. ¹³ Haman kelimu le mara tou Zeresh wa kulu asdika(soaban) tou kulu haja al kan hasal le huwo. bad dak nas tou al maruf indum hikma, wa mara tou Zerah, kelimu le huwo, "Iza kan Mordecai, Gubal al intum biga bi waga(sagid) huwo Yahudi, intum ma bi koumu huwo, lakin intum bi waga gidam huwo." ¹⁴ Fi zaman umon bi wonusu ma huwo, Dubad ta melik wosulu. Humon rua seri ashan jibu Haman le le iid al Esther nazimu.