¹ Ashan keda keli intum kun nas al indu shibeh ma Allah, zi iyal ta Allah al mahbubiin. ² Wa gi ish fi muhaba, zi kaman Al mesih hibu nina wa wodi nisa tuo ashan nina,hadiya al hibu wa zebeha le Allah. ³ Lakin ma keli kun fi hata fekira ta fasad ta jens aw ayi shikil ta najasa aw tamaa, le anu deel yahu khataya le nas ta Allah al mukadasiin. ⁴ Keli ma kun fi waska, wonusu al belied wa keli ma kun fi hizar al batal- kulu deel khataya,lakin keli kun fi wodi shukuran. ⁵ keli intum kun mutakaakidiin min de, inu fasd ta jens, najasa, aw zol tamaa- de indu ayi wrisa fi mamlaa ta al mesih wa Allah. ⁶ Keli zol ma kabasu intum ma kalam al ma hagiga, le sabab ta hajat deel yahu khadab ta Allah bi ja le iyal ta adam taa . ⁷ Ashan keda,ma keli intum shariku humon. ⁸ Le anu intum kan fii duluma,lakin hasa intum fi fi nur ta Rabuna. dowru takum zi iyal ta nur ⁹ (Ashan samar ta nur de gi geni fi kulu al kwes, al biir wa al hak) ¹⁰ Wa fetisu hajat al Rabuna bi kun mukusut. ¹¹ Keli intum ma limu ma hajat doluma al ma bi jebu samar, lakin ashan keliintum aba humon. ¹² Ashan humon ( hajat de) fadiya hata kan zekiru hajat ali humon amulu fi siir. ¹³ Lakin kan ayi haja wala bi wasa tnur, huwo bi kun zahir, ¹⁴ Le anu ayi haja al biga zahir huwo nur. ashan keda bi kelim gali,"gum, intum al naymiin, wa keli gum min ben deel al mutu, wa Al mesih bi wala fi intum. ¹⁵ Keli intum kulu bala shedid kef intum bi ish- ma zi nas al ma hakimiin lakin zi nas al hakimiin. ¹⁶ Keli intum stefied min wokit ashan ayamat biga shiriir. ¹⁷ Ashan keda, ma keli intum kun beliediin, lakin fahim takum shunu huwo irada ta Rabuna. ¹⁸ Keli intum ma asharab khamr, ashan bi wodi intum le akhlak al ma indu musauliya. lakin, keli intum kun maliayaniin bi ruhu al kudus, ¹⁹ Keli intum wonusu ma baad bi mazamiir wa traniim wa ahani ruhiya, intum bi guna wa amulu tasabiih le Rabuna bi kulu gulub takum. ²⁰ Keli intum daiman wodi shukran fi isim ta Rabuna ta nina yesua al mesih wa Allah Al Ab , ²¹ Gedimu niefsa takum le baad ma kafu le Al mesih. ²² Nuswan, wodi gesim takum le rujal takum , zi al Rab. ²³ Le anu rujal humon yahu ras ta mara zi Al mesih neifsu yahu mukalis tuo. ²⁴ Lakin zi kenisa, wodi niefus tuo le Al mesih, ashan kede nuswan keli wodi niefsa tumon le rujal fi kulu haja. ²⁵ Rujal, hibu nuswan takum, zi Al mesih hibu al kenisa wa wodi niefsa le ajel kenisa. ²⁶ Al mesih wodi niefsa tuo ashan kenia bi kun mukadus, bi niedifu kenisa de bi wasat kasil bi moyo wa kelima, ²⁷ Ashan huwo bi gedimu kenisa le niefsa tuo zi mumajad, bedun khatiya aw wasaka aw ayi haja zi de, lakin mukadus bedun khata. ²⁸ Bi niefsu teriga rujal keli humon hibu nuswan tumon zi gesim tumon.Zl al bi hibu mara tuo huwo bi hibu niefsa tuo. ²⁹ Le anu mafi zol bi akrah niefsa tuo lakin huwo bi akilu wa bi ihtam ma gesim tuo, zi Al mesih bi amulu kenisa bi ihtemam, ³⁰ Le anu nina adaa ta jasad tuo. ³¹ "Le sabab de rajel bi sibu Abu tuo wa Auma tuo wa bi limu ma mara tuo, wa itniin bi kun gasad wahid". ³² De yahu siir al aziem- lakin ana gi wonusu an Almesih wa al kenisa. ³³ Maa zalik, Kaman ayi wahid min intum keli hibu mara tuo zi niefsa tuo, wa mara keli ihtrim rajel tuo.