¹ Le sabab de, Ana, Bulus, musjune ta mesih yesu ashan intum al umamiin- ² Ana fekri intum asuma an wekala ta neima ta allah al wodi le ana ashan intum. ³ Ana bi katibu hasab siir al beinu le ana. de yahu al hagiga al dusu ali ana kan katibu le intum. ⁴ Kan intum agara (resala de), itakum bi agder fahimu hikma tai fi hagiga al dusu an al mesih de. ⁵ Fi ajeiyal taniin hagiga de ma beinu le iyal ta insan. lakin hasa beinu bi wasat rohu le rusul wa anbeiyaa al ikhtaru homon le shukul de. ⁶ Hagiga al dusu de howo inu nas umamiin del homon gi worisu, wa homon aada fi jasad, wa homon bi shariku waad al fi mesih yesu bi wasat injeal. ⁷ Laanu ana biga kadam ta injeal bi wasat hadia ta neima ta Allah al wodi le ana bi wasat ta shukul ta gowa tuo. ⁸ Allah wodi hadia de le ana, salla (raghmi) kan ana yahu sukir min kulu nas ta Allah al kudusiin. Hadia de inu ana keli alinu le nas al umamiin injeal al ghaniya al ma dusu ta al mesih. ⁹ Hadia ta Allah le ana inu keli ana tala howo fi nur le iey zol khuta ta Allah de shunu. Khuta de kan dusu. Khuta de kan zamaan dusu le sanawat twil bi wasat ta Allah, ali kalagu hajat. ¹⁰ Khuta de kan alinu bi wasat ta kenisa ashan hukkam wa sultat al fi samawat bi arofu hikma ta Allah al mukhtlef ( al barau). ¹¹ De hasil hasab khuta al abadi ali temu fi al mesih yesu rabuna. ¹² Fi al mesih nina indu shajaa wa bi ja bi sigha ashan eman ta nina fi howo. ¹³ Le sabab de ana bi asalu intum keli ma tala tabaniin bi sabab taab tai ashan intum, ali howo mejid takum. ¹⁴ Ashan kida ana bi dengri rukuba tai le Al ab, ¹⁵ Min howo ali wodi isim le kulu usura al fi sama wa al ard. ¹⁶ Ana gi seli inu keli howo wodi le intum, hasab ghina tuo fi mejid, Ashan intum bi kun gowiin bi gowa wasat rohu, ali fi intum. ¹⁷ Ana gi seli inu yesua keli ish fi gulob takum bi wasat ta eman, ashan intum bi kun indu juzor wa asas gowe fi mohaba tuo. ¹⁸ Keli intum wa muminiin kulu kun indu gudra ashan bi fahim shunu howo al aard, al tool, al aali, Wa al umogh, ¹⁹ wa ashan intum bi arufu mohaba ta al mesih, ali fok le maarafa, ashan bi mala intu ma kulu kamal ta Allah. ²⁰ hasa le zol ali bi agdeer amulu aktar bi ketiir min kulu al nina asalu au fekir, hasab gowa tuo al gi ishtakal fi nina, ²¹ Keli mejiidu howo fi kenisa wa fi mesih yesu. le kulu ajeal ilal abaad wa al abadiin. Ami.