¹ De yau kelimat ta mualim , Ahfad ta Dauud wa Melik fi Orishelim, ² Mualim kelim de “ Zee bukar ta Dabab , zee sout al fi hawa , kulu haja woduru, sibu sowalat ketir ³ yatu faida al Insan be lego min kulu shokol al houw be amolo teet shemis ? ⁴ Jil Wahid be rowa wa tani be ja, lakin Ard be geni ela abad. ⁵ Shemish be tala, wa be rowa teet. Wabe rija tani wara fi makan al houw tala min fogo tani. ⁶ Hawa be rowa fi junub wa be lifo daira le shamal , daiman be rowa hawil houw baraw houw houw derib wa be ja wara tani . ⁷ Kutu anahar be jirir le bahar. Lakin Bahar ma be mala. Fi makan al anahar de be rowa fogo huomon be rowa tani. ⁸ Kulu haja bega momil, wa mafi wahid be agdir aashan ashrah how ena ma be shaban ma hajat al houw adana ma be timo ma haja al houw asuma. ⁹ Ai haja al hai houw be istemiir kun hai, wa ai haja al amolo be amolo tani mafi haja jedid teet shemish . ¹⁰ Hal fi haja momkin be kelimo an houw, “Ainu , de jedid”? ai haja al hai how be kun hai le zaman towil babol anaina . ¹¹ Mafi zol be zekir haja al hasil fi zaman al kedeem ,wa hajat al be hasil ketir fi badiin wa al be hasiil fi mustakbal ¹² Ana austaz wa ana kan Melik le kulu isreal fi Oreshelim. ¹³ Ana kutu fi geliba tai ashan be derisu wa fitisu Hikma fi kulu haja al amolo teet shemish, fitiso de tab ta shokol al Allah wodi le iyal ta insane ashan kun moshkol ma houw. ¹⁴ Ana inu kulu amail al amolo teet shemish, wa inu, de kemeya ta bukar wa turudu hawa. ¹⁵ Haja al kormoso ma be agdir adilo! Al woduru ma be hasibu! ¹⁶ Ana wonusu fi gelba tai gali “ iynu, ana aksab hikma kebir min kulu Nas al kun gably ana fi Oreshelim. Muuk tai iynu hikma kebir wa marafa,” ¹⁷ Yala ana kutu fi gilba tai ashan arifu wa kaman junu wa shokol beleed .ana ja fahim de muhawola ashan be ainu hawa . ¹⁸ Fi sibu hikma fi ketir min ehbaat , wa al be zidu marafa be zidu huzun.