¹ Wa baad nehaya ta ishriin sena, fii zaman al seliman abinu beit ta Rabuna, wa beit tou, ² Huwo abinu mudun al hiram kan wodi le huwo, wa huwo kutu iyal ta Israel fogo. ³ Seliman hajimu hamath zobah wa intesir le homon ⁴ Huwo abinu tadmor fi sahra, wa kulu mudun al ta makazin al huwo abinu fi hamath. ⁵ Wa Kaman huwo abinu beth horon al fok wa beth horon al tehet, mudun al abinu bi suur al gowi, bowaba wa khandak ⁶ Seliman abinu baalath wa kulu mudun ta makazin al tabe le huwo, wa kulu mudun al ta murakabat tou, wa kulu hajat al huwo kan gi itmana ashan bi abinu fi Jerusalem, fi Lebanon, wa fi kulu mahal al tehet hukun tou. ⁷ Wa le kulu nas al kan sibu fi hihites, amoriin, perizzitiin, hivitiin wa jebusitiin, al homon ma tabe le Israel, ⁸ Wa nas al min bein tomon al fadulu sibu fi ard dak al nas ta Israel ma demiru homon, seliman amulu homon omal ta shukul, lahadi yom ta alela ⁹ Seliman ma amulu iyal ta isreal abiet lakin huwo amulu homon asakir wa musuliin ta jesh wa dubat ta asakir ta murakabat tou ¹⁰ Wa ruwasa al kan seliman kutu homon ashan bi kun musuliin le nas adad tomon kan 250. ¹¹ Seliman jibu beniya ta pharaoh min medina ta daud le biet al kan huwo abinu le heya, wa huwo kelimu mara tai ma bi geni fi beit ta daud, melik ta Israel, leanu mahal al tabut ta Rabuna dakalu fogo biga mukadus." ¹² Biga seliman gedimu zebiha al haragu le Rabuna fi masbaha al huwo abinu gedam ta portico, ¹³ Huwo gedimu zebiha ze ma kulu yom, wa huwo gi gedimu hasab wosiya ta musa, fi ayam ta Sabbath, agmar al jedid, wa fi ayat tala tal marat, kulu sena id al fetiir wa id ta asabe wa is ta mazalat. ¹⁴ Ashan huwo bi istakal hasab khuta ta abu tou daud, seliman nizamu mujumu ta lawiin, wa khana hasab shukul tomon al lawiin ashan bi renimu le Rabuna wa bi akhdimu gedam khana, ze ma deiru kulu yom wa Kaman nizamu huras ta kulu bab ta daud, ashan de wosiya ta daud rujul allah, ¹⁵ Nas del homon ma sibu wosiya ta melik al kan wodi le khana wa lawiin an kalam ta hajat au kalam ta makazin. ¹⁶ Kulu shukulat al wodi le seliman intahat, min fi bedaya ta abinu asas ta beit ta Rabuna, lahadi nihaya, beit ta Rabuna intahat. ¹⁷ Biga seliman ruwa fi Ezion geber wa Kaman fie lath fi taraf bahar, fi ard ta edom. ¹⁸ Hiram rasulu le huwo sefina ma dubat tou, nas al arufu bahar, wa ma khadamiin ta seliman, homon ruwa fi ophir wa homon shilu min hinak 450 kilo ta dahab wa homon jibu le melik seliman.