¹ Hazkia bada hakimu ligu umomnr tuo kamsa wa isherin sena; huwo hakimu tissa wa isherin sena fi Urshelim. Isim ta uma tuo kan Abiya; binia ta Zachariah. ² Huwo amulu haja al kues gidam ta Yahwah, bes ze abu tuo Duod amulu. ³ Fi awel sena ta hukum tuo, fi awel shahar, Hazekiah fata abuab ta bet ta Yahwah wa abinu umon min jedid. ⁴ Huwo dakalu nas kahana wa Lawiin, wa limu umon sawa fi midan ta safa sherik. ⁵ Huwo kelim le umon, ''Asuma takum le Ana, itakum ya Lawinn! Kadisu takum nefus takum, wa kadisu takum bet ta Yahwah, Ilah ta aba takum, wa tala takum najasa min makan al mukadas. ⁶ Lanu judud ta anina aktauo wa amulu sher gidam ta Yahwah Ilah ta anina; umon sibu huwo, wa gilibu usat tumon bait min mahal al Yahwah bi geni fugu, wa gilibu dahar tumon le huwo. ⁷ kaman umon gufulu abuab ta Rawag, wa batulu lambat; umon biga ma bi aragu bakur wele bi gedimu zabaieh le Ilah ta Israel fi mahal al mukadas. ⁸ Ashan kida zalan ta Yahwha nezil fi Yahuza wa Urshelim, wa sibu umon biga fi kuf wa istigrab, ze ma itakum bi ayinu ma uyon takum. ⁹ De saba al abuhat ta nina katulu uomn be sef, wa awlad ta anina, wa banat ta anina, wa nusuwan ta nina shilu umon. ¹⁰ Hasa fi geliba tai ana der amulu ahad ma Yahwah, Ilah ta Israel, ashan zalan al kalis de bi ruwa bait min anina. ¹¹ Iyal tai matakum wuduru sika, lanu Yhawha iktar itakum ashan bi wegif gidam tuo, ashan bi abudu huwo, wa itakum bi kun kidam tuo wa bi aragu bakur.'' ¹² Yal Lawiin wegif: Mahas weled ta Amasai, wa Yuwil weled ta Azriah, min shaab ta Gahatiin; wa min shhab ta Marari, Gais weled ta Abdi, wa Azriah weled ta Yahleleil; wa min Jarshuniin, Yawak weled ta Zimma, wa Aiden weled ta Yawak; ¹³ wa min Iyal ta Alisafan, Shamri wa Yaieil; wa min Iyal ta Asaf, Zachariah wa Matniah; ¹⁴ min iyal ta Heman, Yahieil wa Shimei; wa min iyal ta Yadusun, Shamiay wa Uzziel. ¹⁵ Umon limu akuwana tumon, wa kadisu nufus tumon, wa umon dakalu juwa, ze melik wunusu, be hasab kalam ta Yahwah, ashan bi nedifu bet ta Yahwah. ¹⁶ Kahana ruwa juwa fi mahal al juwa bet ta Yahwah ashan bi nedifu; umon tala bara kulu najasa al umon ligu juwa haikal ta Yahwah fi bara midan. Lawin shilu hajat de wa wedi bara fi wadi Kidron. ¹⁷ Umon bada takdis fi awel yom ta awel shahar. Fi tamaniya yom umon kadisu bet ta Yahwah. Fi yom nimra sitashar umon kalasu takdis ta bet ta Yahwah. ¹⁸ Yala umon ruwa le Hazkiah al melik, wa kelim, ''Anina nedifu bet ta Yahwah kulu, mazbah ta muhragat ma afashat tuo kulu. ¹⁹ Anina jahizu wa kadisu kulu hajat al Ahas tala zaman huwo amulu sher fi hukum tuo. Ayinu umon yao gidam ta mazbah ta Yahwah.'' ²⁰ Yala Hazekiah al melik gum saba bediri wa ruwasa ta medina; huwo ruwa lahadi fi bet ta Yahwah. ²¹ Umon jibu saba Teran, saba kurfan sukerin wa saba kurfan, wa saba ganamayat abu rajil, ze zebiha ta katiya le mamlaka, la makdas, wa le Yahuza. Huwo wer le kahana, iyal ta Haron, kede gedima umon fi ras mazbahb ta Yahwah. ²² Umon katulu teran de, wa kahana shilu dom de wa rushu fi mazbah. Yala umon katulu kurfan al sukerin de wa rushu dom tumon fi mazbah ; wa kaman umon katulu wa rushu dumon tuo fi mazbah. ²³ Umon jibu ganamayat abu rajil de le zebiha ta katiya gidam ta melik wa majma; umon kutu idenat tumon fugu ganamayat de. ²⁴ Kahana katulu uomn, wa umon gedimu zebiha ta katiya be dom tumon fi mazbah ashan bi amulu kafara le shaab Israel kulu, lanu melik yao kelim kede muhraga wa zebiha ta katiya kede gedimu le Israel kulu. ²⁵ Hazekiah kutu Lawin fi bet ta Yahwah be Sunuk wa Aidan, wa Rabab huwo nazim umon be hasab teriga ta Dauod, Jad, Al bi ayinu melik, wa Nasan, al nebi, lanu awamir de kan min Yahwah be wasat ta ambiya tuo. ²⁶ Lawin wegif be Alat ta Dauod, wa kahana be trumpeta. ²⁷ Hazekiah weri le umon kede gedimu muhraga fi mazbah. Wekit badau tegdim ta muraga, guna ta Yahwah kaman bada, ma trumpeta, sawa ma alat ta Dauod melik ta Israel. ²⁸ Majma kulu abudu, Murenimin guna, wa dugu trumpeta; hajat kulu istemir lahadi muharaga intaha. ²⁹ Wekit umon kalasu zabaeih de, melik ma kulu nas al fi ma huwo dengir wa abudu. ³⁰ Yala Hazekiah al melik ma mugedimin de kelim le Lawin kede guna tasabih le Yahwah be kelimat ta Dauod wa Asaf. Umon guna tasabih be farah, wa umon dengir tihit wa abudu. ³¹ Yala Hazekiah kelim, ''Hasa itakum kadisu nefus takum le Yahwah. Taal takum hini wa jibu takum zabeih wa zabeih ta shukur fi bet ta Yahwah.'' Majma jibu zabeih wa zabeih ta shukur, wa kulu delin al indu geliba al der jibu muhraga. ³² Adad ta muhragat al majam de jibu kan sebein teran, wa miya kurfan al sukerin, wa miten ganamaya abu rajil. De kulu kan le muhragat le Yahwah. ³³ Zabeih ta takgdis kan sutumiya teran wa tultumiya kuruf. ³⁴ Lakin kahana kan besitin ashan bi nedifu muragat de, yala akuwana tumon, lLawin, saido umon lahadi shukul kalasu, lahadi kahana be bi kadisu badun tumon, lanu Lawin kan mukadasin aktar min kahana. ³⁵ Kan fi muhragat ketir; gedimu sawa be shaham ta zebiha ta salama, wa kan fi zebiha ta sharab le kulu muhraga. Kidima ta bet ta Yahwah kan amulu be nizam. ³⁶ Hazekiah bi farhan, wa shaab kulu kaman, be haja al Allah jahizu le shaab, lanu shukul kan amulu guwam.