¹ Roho ta Rabuna ja le Azariah jena ta Oded. ² Howo ruwa ashan bi gabilu Asa wa kelim le huwo, asuma le ana, Asa wa kulu juddah wa Benjamin. Rabuna ma intum iza kan intum ma howo, iza kan intum fetish howo, howo bi kun ma intum, lakin iza kan intum sibu howo, howo bi sibu intum. ³ Ashan hasa Israel ma indu hagiga fi Rabuna le zaman tuwil, bidun khahin al gi derisu, wa bidun sheriya. ⁴ Lakin kan homon fi tab homon gi ja le Rabuna, Allah ta Israel wa gi fetisu howo, homon ligo howo. ⁵ Wa fi zaman dak mafi salam le zol al juwa wa al bara, taab le shaab ta Israel kulu al fi Ard. ⁶ Demiru homon geta geta uma did uma, wa medina did medina, leanu Rabuna azibu homon be kulu shekil ta taab, ⁷ Lakin keli inta kun gowi, keli iden taki, ma kun kasilan, leanu bi wodi makafa ta shokol taki. ⁸ Fi zaman al Asa asuma kelimat ta nabuwa ta Nebi Oded, howo ligo tesji, howo shilu hajaf al batal kulu min Ard ta Juddah wa Benjamin, wa min mudun al kan howo gobodu min jebel ta Ephraim, wa howo abinu mazbaha, le Rabuna, al kan geddam ta mahal al abinu be kasab fi beit ta Rabuna. ⁹ Howo limu kulu juddah wa Benjamin, wa del al kan gi geni ma homon, Nas min Ephraim wa mandesseh wa min Simeon. Leanu homon ja min Israel le howo fi adad kebir, zaman al homon ainu inu Allah Rabuna tou ma howo. ¹⁰ Yala biga homon limu ma baad fi Jerusalem fi Shahdr al talit fi sena al 15 ta hukum ta melik Asa. ¹¹ Homon gedimu le Rabuna baad min genima al homon jibu 700 ras ta bagara, wa 7,000 ras ta khruf wa ganamaya/ agnam. ¹² Humon dakalu fi ahaad ashan bi fetisu Rabuna, Allah ta Judud tomon, bi kulu gulub tomon wa nejsa tomon. ¹³ Humon tefaga inu kulu/ ayi zol al aba ashan bi fetisu Rabuna Allah ta Israel be katulu, hata iza kan zol de suker au kebir, hata iza kan huwo rajil au mara. ¹⁴ homon halifu le Rabuna be sut kebir, be arfa sot fok, be buruji wa be goron. ¹⁵ Juddah kalu kan fardhon min ajili halifa de, leanu homon halifa be kulu geliba tomon wa homon fetisu Rabuna bi kulu niya tomon, wa homon ligo, Rabuna wodi le tomon salam fi hawili homon kulu. ¹⁶ Kaman melik Asa shilu habuba trou maakah bara, ashan ma bik un uma al melika ashan howo amulu timsal sanam al ma kwes min amud ta Asherah howo gata sanam de tehet wa jada fi turab wa howo haragu fi wodi ta kidron. ¹⁷ Lakin mahalat al fok ma shilu min Israel, lakin geliba ta Asa kan kamil kulu ayam. ¹⁸ Huwo jibu fi beit ta Rabuna hadaya ta abu tou al mukadas wa hadaya tou al mukadas, feda wa dahab wa afsat. ¹⁹ Wa kan mafi harib fi zaman ta hukum ta Asa al 35 sena.