¹ Wa fi 18 sena al ta melik Jeroboam, Abijah bada hokum Judah, ² Huwo hukumu talata sena fi Jerusalem, Isi ta Uma tou Macaiah, biniya ta Uriel al Gibeah- kan fi harib beina Abijah wa Jeroboam. ³ Abijah ruwa fi harib ma asakir al gowi, al shuja, wa kan assakir al huwo Ihtar 400,000 rujul. Jeroboam alinu harib diid huwo be 800,000 rujul al rujul al Ihtaru, al gowiin, ⁴ Abijah wogifu fi ras jebel ta Zemaraim al fi jebel ta medina Ephraim wa kelim, asuma takum le ana, Jeroboam wa kulu Israel. ⁵ Hal intum ma arufu inu Yahweh/ Rabuna Allah ta Israel wodi hukum le Israel le Daud wa Iyal tou ila al abaad bi ahaad ta meleh, ⁶ Wa biga Kaman Jeroboam jena ta Nebat, abit/khadam ta Seliman jena ta Daud gum wa merid diid seid ta ttou. ⁷ Rujal al bataliin al ta belyal limu janbu huwo, humon ja did Rehoboam jena ta Seliman fi zaman al Rehoboam lisa weled shaab wa geliba tou kwes, wa huwo kan ma bi agdeir ashan bi wogifu gidam tomon. ⁸ Biga hasa intum khatitu ashan bi wogifu did mamalaka ta Rabuna al Huwo wodi fi iden ta Iyal ta Daud, ashan intum nas ketir wa intum indu Bagara ta dahab al Jeroboam amulu ashan bi kun rabunat takum, ⁹ Hal intum ma turudu khuhana ta Rabuna, Iyal ta Aaron, Lawiin wa amulu/kutukhuhana takum ze ma nas taniin gi amulu? Ai zol al ja wa khdim ze khahin gi gedimu bagara sukhair was aba kurfan, huwo biga tala khahin ta haja al ma Rabuna. ¹⁰ Lakin le nina Rabuana yahu Allah ta nina, wa nina ma sibu Huwo. Nina khana, Iyal ta Aaron, gi akhdimu Rabuna Yahweh, wa Lawiin , al humon f shukul tomon, ¹¹ Humon gi haragu le Rabuna zabaih kulu sabah wa mesa, wa buhur al khwes, wa humon Kaman gi nezimu kubz esh fi gidam ta teribezaal nedif. Humon Kaman gi rakibu lamba nur ta dahab ma lambat tou le humon ashan bi haragu kulu mesa, nina hafisu wasaya ta Rabuna, Allah ta nina, lakin intum sibu huwo, ¹² Suf ainu Rabuna ma nina, Huwo yahu reis ta nina, wa khuna tou fi hini ma burujiashan bi afuku bi sot did intum, Iyal ta Israel, ma-ta takum haribu did Rabuna, Allah ta judud takum, intum ma bi naja. ¹³ Lakin Jeroboam amulu khmin wara tomon, kan jesh bitou gidam ta Judah, wa khmin de kan wara tomon. ¹⁴ Fi zaman al Judah ainu wara, humon ainu harib kan kulu fi gidam tomon wa wara tomon, humon kore le Rabuna, wa al khuhana afuku buruji. ¹⁵ Biga nas ta Judah kore fok, wa ze ma humon kore, biga al hasil Rabuna dugu Jeroboam wa kulu Israel wa wodi humon le Abijah wa Judah. ¹⁶ Judah intesir le nas ta Irael wa Rabuna wodi humon fi iden ta Judah. ¹⁷ Abijah wa jesh tou, katulu humon wad aba humon be adad kebir al huwo 500,000 rujal ta Israel al Ihtaru mutu. ¹⁸ Be teriga de, Iyal ta Israel ligu taab taab fi zaman dak. Nas ta Judah naja leanu humon teki le Rabuna, Allah ta judut tomon. ¹⁹ Abijah turudu Jeroboam, huwo shilu min huwo mudun,, Bethel, ma Kariyat tou, Jeshanah ma Kariyat tou, ²⁰ Jeroboam kan biga ma indu guwa tani mara fi zaman ta Abijah, Rabuna dugu huwo, wa huwo mutu, ²¹ Lakin Abijah biga tala gowi, huow juzu 14 nusuwan le nefsa tou, wa huwo biga abu le 22 awlad, wa 16 banat. ²² Bagi amail au hajat ta Abijah hayd, wa kelimattou, katibu fi Tarik ta Nebi Iddo.