¹ Ashan itakum be nefus aruf, akwana, enu ja ta nina le itakum ma kan kasara. ² Itakum aruf inna taab wa kan amulu inna be fadiya fi Filibi. Inna kan shuja fi Allah ashan bi wunusu le itakum Injil ta Allah bi muana ketir. ³ Lanu tebshir ta inna ma kan ta wuduru, wele min adam tahara, wele min kabasa. ⁴ Lakin, ze ma inna ligu izin min Allah wa sigha ta beshiru Injil, yau inna gi wunusu. Inna gi wunusu, ma ashan bi ardi nas ta nin, lakin bi radi Allah. Uwu al wahid bi imtehin gulubta nina. ⁵ Ashan ma fi zama al inna istakdimu kelimat ta kizim, ze ma itakum arufu, wele fi shukul taama, Allah yau Shahi ta nina. ⁶ Wele inna fetishu mejid min nas, wele min itakum aw min nas ta nee. Ma innu inna bi agder nadi mussad ze rusul ta Messih. ⁷ Lakin, inna kan ze umam fi nus takum ze umma al bi azzi eyal tuo. ⁸ Be teriga de inna undu tassir fugu itakum. Inna farhanin ashan bi shariku ma itakum ma bes Injil ta Allah lakin bardu haya ta nina. Sahn itakum biga azizeen le inna. ⁹ Ashan itakum gi zekiru, akuana, taab wa waja ta inna. Bilel wa nahar inna kan gi ishtakal ashan inna ma bi jibu tegila le ayi zol min itakum. Min kilal zaman dak inna beshiru le itakum Injil ta Allah. ¹⁰ ,Itakum shuhud ta nina, wa Allah kaman, kef be tahara bir, wa bedun luom fi nus takum. ¹¹ Be nefsu teriga itakum aruf inna itaamal ma ayi zol min itakum kef, ze abu al gi itaamal ma eyal tuo, ¹² Inna bi assdu itakum gi sheje wa bi shahidu le itakum ashan ish fi hag ze ta Allah al nadi itakum le mulukut wa mejid biyuo. ¹³ Le sabab de inn bi shukuru Allah be istimrar. Ashan zaman itakum ligu min inna kalam ta Allah al itakum asuma, itakum gabilu ma ze kalam ta insan. Lakin, itkum gabilu ze ma uwu hagiga, Kelima ta Allah. De yau kelema de al kaman gi istakl fi nus takum al amin. ¹⁴ Le itakum, akwana, Itakum biga ze Kanais ta Allah al fi Yahudia fi Yesua al mesiih. Ashan itakum bardu ligu nefsa taab min nas ta beled ta kum, ze nas ta Yahudin ligu. ¹⁵ De Yahudin al kan katulu ambiya wa Raban Yesua al Messih. De Yahudin yau kan turuju inna bara. Umun ma ardi Allah. Lakin umun kan adu ta nas kulu. ¹⁶ Umun gi abusu inna kede ma wunuso le Umam asahn biligu kulasa. Netija tuo innu umun bi zidu katya tumun. Zalan ta Allah lazim bi ja le umun fi nihaya. ¹⁷ Gesimu Inna kan min itakum, akwana, le zaman guser, fi sheks ma fi geliba. Inna kan indu niya shedid ashan bi ayinu usat takum. ¹⁸ Ashan inna gi itmana ja le itakum, Ana, Bulus, tani mara, lakin sitan wugifu inna. ¹⁹ Ashan munu yau raja ta nina ta mustakbal, wele farah, aw Iklil ta dala fi gidam ta Rabuna ta nina Yesua al messih fi ja bituo? Wele de ma itakum ze ketirin tanin? ²⁰ ashan Ikakum yau farah wa mejid ta nina.