¹ Bulis , al nadi ashan be kun mubeshir hasab irada ta Allah, wa Sostanes akuo ta nina, ² le kenisa ta Allah al fi Coronsos, le del al kadisu fi Yesua Al Massih, al nadi ashan be kun nas al mukadasin. Anina kaman be katibu le kulu del al gi nadi isim ta Rabuna Yesua Al Messih fi kulu makan, Rabuna ta tuomon wa ta nina. ³ Kede naema wa salam kun le itakum min Allah abu ta nina wa Rabana Yesua Al Massih. ⁴ Ana daiman be wede shukuran le Allah tai ashan neima ta Allah al Massih Yesua wode le itakum. ⁵ Huwo kutu itakum ganiyanin ta ruhu fi kulu haja, fi kulu kalam wa be wasat kulu maarafa, ⁶ zei ikhtibar ann Messiah kan akedu inu hagiga fi nus takum. ⁷ Ashan keda itakum ma muhtajen maoheba roheia tani zei ma itakum bi isteno jaa ta Rabuna Yesua Al Massih. ⁸ Huwo kaman be gowi itakum lahadi nihaya, ashan mabe laumo itakum fi youm ta Rabuna Yesua Al massih. ⁹ Allah huwo amen, huwo nadi itakum le sharika ta jena tuo, Yesua Al Massih Rabuna ta nina. ¹⁰ Hassa ana ge sheja itakum, akwana, be wasat isim ta Rabuna Yesua Al Massih, kede itakum kulu geni be itifag, wa mafi ingisamat fi nus takum. Ana ge sheja kede itakum limu sawa fi fkara, wa hadaf wahid. ¹¹ Ashan kan weri wadih le ana, ya akwana tai, bewasat usura ta Khelwi, gali fi ingisamat fi nus takum. ¹² Ana gasid zede; kulu wahid min itakum be kelimo," Ana ma Bulis," aw" Ana ma Abulus,"aw" Ana ma Buturus," aw " Ana ma Al- Massih." ¹³ Massih de gesimu? Bulis kan selibu ashan itakum? kan amido itakum fi isim ta Bulis? ¹⁴ Ana be shukuro Allah leano mafi zol min itakum ana amido, ile krispas wa gaios. ¹⁵ De ashan mafi zol be kelimo gali amido enna be isim tai. ¹⁶ ( Ana kaman amido nas baet ta Stefanas. Akter min del, ana ma be zekir kan fi nas tanin al ana amido.) ¹⁷ Leano Massih ma rasulo ana ashan amido lakin ashan beshero injil. Huwo ma rasulo ana ashan beshero be kelimat al fogo hikma ta insan, ashan selib ta Massih kede ma kun fadi bedon guwa ¹⁸ Leano resala ann selib huwo haja beled le delen al gi muto. Lakin le delen al Allah kalisu, huwo guwa ta Allah. ¹⁹ Leano maktub, " Ana be demiro hikma ta negiten. Ana be lakabatu marafa ta nas al negiten." ²⁰ Weno zol al hakeem? weno al be fetishu? weno nas ta dunia al rudo nakish ? ma Allah yao aglibu hikma ta dunia le kalam al beled? ²¹ Ze dunia fi hikma tuo ma arufo Allah, de jebo farah le Allah bewasat tebsher al be geni beled jedo kulasa le del al amen. ²² Le Yahudin homon asalu mujeza zei alama wa Yonanin gi fetishu hikma. ²³ Lakin anina be beshir massih al maslub, al huwo hajer ta dugu kura le Yahudin wa shokul beled le Yonanin. ²⁴ Lakin le del al Allah yao nadi, kulu min Yahudin wa Yonannin, anina beshiro Massih ze guwa wa hikma ta Allah. ²⁵ Leano beled ta Allah foto hikma ta nas, wa shokol deif ta Allah futo guwa ta nas ²⁶ Iyno fi nadi taki, ya akwana tai. Ketir min itakum ma indo hikma bewasat maarafa ta insan. Ketir min itakum ma indo sulta.Ketir min itakum ma weledo fi osra keber. ²⁷ Lakin Allah ikhtar del al beledin fi doniya ashan be amulo fadiya le del al indo hikma. Allah ikhtar al ma indo guwa fi doniya ashan be amulo fadiya le del al indo guwa ²⁸ Allah ikhtar del al alisu wa ma indo geima fi duniya. Huwo kaman ikhtar haja al kan fekero ma inndu faida, ashan be kun indo faida. ²⁹ Huwo amulu keda ashan mafi zol be arufa nefsa gidam tuo. ³⁰ Ashan haja al Allah amulo, hasa inna fi Yesua Al Massih, huwo bega hikma ta Allah le nina. Huwo bega beer ta nina, mukades, wa khalas. ³¹ Ka netija, ze ketab kelimo, " zol al der iftakhir, kede iftakhir fi Allah."