¹ Aulat Reuben al bikir ta Israel- hasa Reuben kan awel bikir , lakin alhak alwilada wodi le aulat ta Jeoseph weled ta Israel lianu Reuben amulu al batal fi bed abu .ashan kida hu ma mushejil fi sejilaa ze indu hak al wilada. ² Judah kan akua min kulu akuanu ,wa al kaaid kan bikun minu. Lakin al hak al welada kan Joseph's - ³ Aulat ta Reuben awel bikir ta Israel kan Hanok, Pallu, Hezron, wa karmi . ⁴ Ajial ta joel kan humon de : weled joel kan Shemaiah weledu Gog, weled Gog kan Shimei. ⁵ Shimei weledu kan Micah. Micah weledu kan Reaiah. Reaiah weledu kan Baal. ⁶ Baal weledu kan Beerah , al Tiglath- Pileser melik ta Assyria shilu bara . Beerah kan kaaid fi gebila ta Reuben. ⁷ Le hasab tertibaat ta Ashira tomon , hu katibu fi sejilaa ma ajial tomon : Jeiel al kaaid ,Zechariah , ⁸ wa Bela weled ta Azaz weled ta Shema weled ta Joel. Hum aishiin fi Aroer, beid ze Nebo wa Baal Meon , ⁹ wa tijah al shergi fi gabaat al mashi le bahar Euphrates , ashan bahaim tomon zidu fi ardi Gilead. ¹⁰ Fi ayam ta Saul , al gebila ta Reuben hajimu al Hagritiin wa gelibum . Humon aishiin fi mukaimaat ta Hagritiin fi kulu ardi sherik ta Gilead. ¹¹ Al ada ta gabila Gad aishiin fi jambum fi ardi Bashan beid lahaidi Salekah. ¹² Joel kan kaaid tomon ; Shapham altani ; wa Janai wa Shaphat fi Bashan. ¹³ Ahal tomon al gerib ma ashira humon Michael, Meshullam, Sheba, Jorai ,Zia wa Eber- de kulu saba. ¹⁴ AL isim ta shaksi fok de ajial ta Abihail, wa Abihail weled ta Huri. Huri weled ta Jaroah . Jaroah weled ta Gilead. Gilead kan weled ta Michael. Michael weled ta Jeshishai. Jehishai kan weled ta Jahdo. Jahdo weled ta Buz. ¹⁵ Ahi weled ta Abdiel weled ta Guni ,kan raas ta ashira tomon. ¹⁶ Hum aishiin fi Gilead, fi Bashan, fi mudun towo, wa kulu ardi ta Sharon beid lahaidi hudud. ¹⁷ kulu de sejilu fi Sejilaat fi ayam ta melik Judah wa Jeroboam melik ta Israel. ¹⁸ Al Reubeniin ,wa al Gadiin ,wa nus gebila Manassah indu 44,760 junud mahirin fi shakila , al bi yarfa daraga wa shef wa al bi juru nishap , al bi ruah fi harib. ¹⁹ Hum hajimu al Hagrites, Jetur,Naphish,wa Nodab. ²⁰ Hum ligo musada rohiya diddum . be teriga de , al Hagrites wa kulu al maam gelibu . De ashan Israeliin kore le Allah fi shakila ,wa hu juwabu lom ,ashan hum kutu sigatum fihu. ²¹ Hum amsuku bahaimum , zaid kamsiin alf raas jumal , 250,000 koruf , alfen humar ,wa 100,000 rujal ²² keterin matu lianu alsakila kan min Allah. Humon aishu fi aradium lahaidu yom al seytara. ²³ Al aulat nus gebila Manasseh aishu fi ardi ta Bashan beid ze Baal Harmon wa Senir ( de jebel Hermon) ²⁴ De yau raas al ashaiir tomon , Epher, Ishi, Eliel, Azriel, Jeremiah, Hodaviah wa Jahdiel. Humon nas al harib al gowi , rujal Maarufin , Raas albiut abuhatum. ²⁵ Lakin humon geir umana le Allah ta judud tum. Bel ax humon bi sharmit ma aaliha ta nas al ardi , al Allah demirum fi gidamum. ²⁶ Allah ta Israel al hizu Pul melik ta Assyria ( Kaman maruf ma Tiglath-pileser, melik ta Assyria). Huwo shilu le bara Reubeniin, Gadiin,wa alnus ta gebila Manasseh. Hu jibum le Halah , Habor, wa le bahar Gozan , al mahal hum akir fogo lahaidi yom allela.