¹ Wa Bad de Nahash, Melik ta Shab ta Ammon, Mutu , wa jena tou biga Melik fi mahal ta Abu tou ² Dauud kelim “ Ana be amulu kowis le Hanan jena ta Nahash, leano Abu tou amulu kowis le ana.” Yala Dauud rasulu murasiliin ashaan azii huwo be shaan abu tou. Kadamin ta Dauud dakalu fi Ard ta nas Ammon wa rowa le Hanan, ashaan be azi huwo. ³ lakin Amir ta Ammon kelim le Hanan, “ hal inta be fekir inu Dauud be kerimu Abu taki ashan huwo rasulu nas ja azi inta? ⁴ Hanun amsuku kadamin ta Dauud, wa haligu humon, wa kata hubal toumon fi nus ta jabaat toumon, wa turudu humon bara. ⁵ laman humon wori le Dauud , huwo rasulu ashaan be gabil ma humon, ama rojal deel humon kan indu fadia shedid. Melik kelim, “ geni fi Jarico lahadi kan dekiin takum raba tani, yala rija takum” ⁶ laman nas ta Ammon ainu inu humon bega afiin le Dauud , Hanun wa nas Ammon rasulualaf min feeda ashaan ajiru markabat min nas Aram wan as al be sugu husaan min Naharaim, Maakah, wa Zobah. ⁷ humon ajiru itnin wa teletiin alif markaba wa Melik ta Maakah wa jish tou, ja wa geni kidam ta Medeba. Bega Nas ta Ammon limu nufos tumon sawa min medina tumon wa ja bara le shakila . ⁸ laman Dauud asuma an huwo ,huwo rasulu Joab wa kulu Rojal al gowiin . ⁹ Shab ta Ammon tala bara wa wogif be saaf le mashakil fi Bowaba ta Medina, beena ma Muluk al kan ja ma nufus tumon fi fi Medan. ¹⁰ Laman Joab ainu saaf ta mashakil fi kidam tou min kulu tejah min kidam wa wara, huwo azilu bad min ahsiin nas ta shakila wa nizamu humon did nas Aram. ¹¹ Wa bad min jish, huwo wodi musulia taawamir le Abishai Aku tou, wa huwo kutu humon fi saaf ta mashakil did jish ta Ammon. ¹² Joab kelim, “kan nas ta Aram gowin shdid le ana, bega inta, Abishai, lazim be angizu ana. Lakin kan jish ta Ammon gowi le inta , bega ana be jaw a angizu inta. ¹³ Keliik gowi, wa keli nina wori nufus tannin gowi le Shab tanina wa le medina ta Allah tanina , wa Yahewa be amulu haja al kowis fi eina tou.” ¹⁴ yala Joab wa asakiir ta jish al musha be shakila did nas ta Aram , al asegu humon ashaan jiri kidam ta jish ta Israel. ¹⁵ Laman jish ta Ammon ainu gali jish ta nas ta Aram jiri , humon Kaman jiri min Joab aku ta Abishai wa rija wara le Medina . yala Joab rija min shap ta Ammon wa rowa wara le Orshelim. ¹⁶ Lama nas ta Aram ainu gali hazimu humon ma Israel , humon rasulu resala wa jibu Nas Aram min safa ta Nahar furat , ma Shophak Gaid ta jish ta Hadadezer. ¹⁷ Laman wori le Dauud , huwo lemu kulu Israel sawa, wa langger nahar Ordun , wa ja le humon. Howo nizamu Jish le shakila did Nas ta Aram, wa shakila huwo. ¹⁸ Nas Aram jiri min Israel , wa Dauud katulu saba alif min nas ta Aram al be sugu markaba wa arba alif jish al musha. Huwon Kaman katulu Shophak, Gaid ta Jish. ¹⁹ Laman kulu muluk al be Akdim Hadadezer ainu gali hazimu humon ma Israel , humon amulu Salam ma Dauud wa kadimu huwo. Yala Shab ta Aram bega ma indu niya ashaan angizu nas ta Ammon.