¹ Delin yau al kiadat usar ta judud tomon al sibu Babilon ma ana zaman al hukum ta melik Artaxerxes. ² Ta al ajial ta Phiehas, Gershom. Ta al ajial ta Ithamar, Danial. Ta al ajial ta Daud, Hattush. ³ Ta al ajial ta Shecaniah, al kan min al ajial ta Parosh, Zechariah, wa ma uwo inak kan 150 rujal sejilu fi al sejla ta kalfia tao. ⁴ Ta al ajial ta Pahath-Moab, Eliehoenai welet ta Zerahiah wa ma uwo kan miten rujal. ⁵ Ta al ajial ta Zattu, Ben Jahaziel wa ma uwo kan tultumia rujal. ⁶ Ta al ajial ta Adin, Ebed welet ta Jonathan wa ma uwo kan sejilu kamsin rujal. ⁷ Ta al ajial ta Elam, Jeshaiah welet ta Athaliah wa ma uwo kan sejilu sebeyin rujal. ⁸ Ta al ajial ta Shephatiah, Zebasiah welet ta Michael wa ma uwo kan sejilu tamanin rujal. ⁹ Ta al ajial ta Joab , Obadiah welet ta Jehiel wa ma uwo kan sejilu 218 rujal. ¹⁰ Ta al ajial ta Bani, Shelomith welet ta Josiphiah wa ma uwo kan sejilu 160 rujal. ¹¹ Ta al ajial ta Bebai, Zechariah welet ta Bebai wa ma uwo kan sejilu tamania-isrin rujal. ¹² Ta al ajial ta Azgad, Johanan welet ta Hakkatan wa ma uwo kan sejilu 110 rujal. ¹³ Delin ta al ajial ta Adonikam ja wara. Delin kan asma tomon: Eliphelet, Jeuel, wa Shemaiah wa ma umon ja sitin rujal. ¹⁴ Ta al ajial ta Bigvai, Uthai wa Zaccur wa ma uwo kan sejilu sebeyin rujal. ¹⁵ Ana limu al musafirin fi al kana al masin le Ahava, wa nina jamau inak talata ayom. Ana tamamu al nas wa kahana, lakin ma agder ligo ayi ajial ta Lawi inak. ¹⁶ Kida Ana rasal le Eliezer, Ariel, Shemaiah, Elnathan, Jarib, wa Elnathan wa Nathan, Zechariah, wa Meshullam-al kan kait-wa le Joiarib wa Elnathan-al kan mualimin. ¹⁷ Kaman Ana rasalu umon le Iddo, al kait fi Kasiphia. Ana wori le umon sunu le kelim le Iddo wa ahal tao, kudam al haikal bi geni fi Kasiphia, de yau, le rasulu le nina kudam le al bet ta Allah. ¹⁸ Kida umon rasal le nina be ida al kuwes ta Allah rajil ismu Sherebiah, zol hakim. Uwo kan min jil ta Mahil welet ta Levi welet ta Israil. Uwo ja ma tamantasar awulat wa akuwana. ¹⁹ Ma uwo ja Hashabiah. Inak kaman kan Jeshaiah, wahid ta al ajial ta Merari, ma akuwana tao wa awulat tao, isrin rujal kulu. ²⁰ Ta delin wodi le kidma fi al haikal, al Daud wa muozifin tao wodi le kadimu al Lawien: 220, kulu wahid be isim wodi sokol. ²¹ Biga Ana alinu siyam fi al Ahava Kanal le nezilu nufustanina gidam Allah, le fetisu sika al adil min uwo le nina, sukerin ta nina, wa kulu mumtalakat tanina. ²² Ana kan kajlan le asalu al melik le al jess au rujalhusan le hafisu nina dit ada fogo al sika, talama nina kalas kelim le al melik, 'Al ida ta Allah tanina yau fogo kulu al fetisu uwo le kuwes, lakin guwa tao wa gadab yau fogo kulu al nesitu uwo.' ²³ Biga nina samu wa fetisu Allah an de, wa nina kore le uwo. ²⁴ Bad dak Ana iktaru rujal min al muazifin kahanut: Sherebiah, Hashabiah, wa asara ta akuwana tomon. ²⁵ Ana wozinu bara le umon fida, dahab, wa al hajat wa tekdimat le al bet ta Allah al melik, mustusarin tao wa muwazifin, wa kulu Israil kalas gedimu majani. ²⁶ Kida Ana wozinu fogo ida tomon 650 guramat ta fida, miya guramat ta hajat fida, miya guramat ta dahab, ²⁷ isirin aduwat al kan sawa kaman bekima ta alf dariks, wa itniin burunziat nedifu-kuwes maunat gali/mukayem ze dahab. ²⁸ Biga Ana kelim le umon, ''Itakum kalas kerisu le Yahuah, wa hajat delin kaman, wa al fida wa dahab al tekdimat ridamajani le Yahuah, al Allah ta judud takum. ²⁹ Harisu fogo umon wa hafisu umon lakadi itakum wozinu umon bara gidam al muwazifin kahanut, Lawien, wa kiadat ta usar ta Israil fi Arselim fi al guraf ta al bet ta Allah.'' ³⁰ Al kahana wa al Lawien gabilu al fida al wozin, dahab, wa al hajat ashan biga le silu umon le Arselim, le al bet ta Allah tanina. ³¹ Nina rua bara min al Ahava Kanal fi al yom itnasar ta sahar wahid le mamuria le Arselim. Al ida ta Allah tanina kan fogo nina; uwo hafisu nina min ida ta adu wa al delin al deiru le keminu le nina fogo al sika. ³² Kida nina dakalu Arselim wa geni inak le talata ayom. ³³ Biga fi al yom nimra arba al fida, dahab, wa hajat kan wozinu bara fi al bet ta Allah, fogo al ida ta Meremoth welet ta Uriah al kahin. Ma uwo kan Eleazar welet ta Phinehas, Jozabad welet ta Jeshua, wa Noadiah welet ta Binnui al Lawi. ³⁴ Al adad wa wozin ta kuluhajat kan hadidu. Kulu al wozin kan moktub tehet fi zaman dak. ³⁵ Al delin al rija wara min al abodia, al nas ta mihijar, gedimu tekdimat mahruk le Allah ta Israil: itnasar teyran le kulu al Israilien, sita-tisyin korufan, saba-sebyin dinan, wa itnasar galamayat abu rajil ze tekdimat katia. Kulu kan tekdima mahruk le Yahuah. ³⁶ Biga umon wodi al karar melik le al muwazifin kubar ta melik wa al hukam fi al Wolaya Beyit al Bahar, wa umon sayidu al nas wa al bet ta Allah.