¹ Fi al awel sena ta Cyrus, melik ta Faris, Yahuah kamilu kelima tao al ja min al kasma ta Ermiah, wa harriku roh Cyrus. Sort Cyrus masa bara ala mamlaka tao kulu. De yau sunu kan moktub wa wonusu: ² ''Cyrus, melik ta Faris, kelim:Yahuah, Allah ta Sama, wodi le ana kulu al mamalik ta al art, wa uwo iktaru ana le abinu le uwo al bet fi Arselim fi Yahudia. ³ Kanmunu yau min nas tao(kede Allah tao kun ma uwo) kede rua fok le Arselim wa abinu al bet le Yahuah, al Allah ta Israil, al Allah al yau fi Arselim. ⁴ Nas ta ayi juzu ta al mamlaka wen bagi hai ta ardi dak bi geni kede wodi le umon fida wa dahab, ma hajat wa bahaim, ze kuwes ze tekdima hurirada le al bet ta Allah fi Arselim.'' ⁵ Biga al ruaus usar ta al judud ta Yahuzah wa Benjamin, al kahana wa Lawien, wa ayiwahid al roho ta Allah harriku le rua wa abinu bet tao gamu. ⁶ Delin hawuli umon sayidu sokol tomon ma fida wa hajat dahab, hajat, haiwanat, gaimat, wa tekdimat hurirada. ⁷ Cyrus melik ta Faris kaman fiku al hajat tabi le al bet ta Yahuwah al Nebuchadnezzar kan jabu min Arselim wa kutu fi biut ta aliah ta nefsa tao. ⁸ Cyrus kutu umon fogo al ida ta Mithredath al amin mal, al hasibu umon bara le Sheshbazzar, kait ta Yahudia. ⁹ De kan adad tomon: teletin basins ta dahab, wahid alf basins ta fida, tisa-isirirn basins tanin, ¹⁰ teletin kuwar ta dahab, 410 kuwar sukar ta fida, wa wahid alf hajat tanin beziada. ¹¹ Inak kan 5,400 dahab wa ahat fida be ikmalu. Sheshbazzar jabu kulu umon zaman al muhajirin masa min Babilon le Arselim.